ଦିଲ୍ଲୀ ହାଇକୋର୍ଟରୁ ମଧୁ କୋଡ଼ା ନିରାଶ

ନୂଆଦିଲ୍ଲୀ: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ମଧୁ କୋଡ଼ାଙ୍କୁ ଦିଲ୍ଲୀ ହାଇକୋର୍ଟଙ୍କ ପକ୍ଷରୁ ଏକ ବଡ଼ ଝଟକା। ଦିଲ୍ଲୀ ହାଇକୋର୍ଟ କୋଇଲା ଘୋଟାଲା ମାମଲାର ଶୁଣାଣି କରି ମଧୁଙ୍କୁ କୌଣସି ନିର୍ବାଚନରେ ଲଢିପାରିବେ ନାହିଁ ବୋଲି ନିର୍ଦ୍ଦେଶ ଦେଇଛନ୍ତି। ହାଇକୋର୍ଟ କହିଛନ୍ତି କି, ଯେପର୍ଯ୍ୟନ୍ତ ସେ ନିର୍ଦ୍ଦୋଶ ସାବ୍ୟସ୍ତ ହୋଇ ନାହାନ୍ତି, ସେପର୍ଯ୍ୟନ୍ତ ତାଙ୍କୁ କୌଣସି ନିର୍ବାଚନରେ ଲଢିବାକୁ ଅନୁମତି ପ୍ରଦାନ କରାଯାଇ ପାରିବ ନାହିଁ। 

ଜଷ୍ଟିସ ବିଭୁ ବାଖରୁ କହିଛନ୍ତି କି ଅପରାଧ ସହିତ ଜଡ଼ିତ ଥିବା ବ୍ୟକ୍ତିବିଶେଷ ସର୍ବସାଧାରଣ ପଦ ପାଇଁ ନିର୍ବାଚନ ଲଢିବାକୁ ଅନୁମତି ପ୍ରଦାନ କରାଯିବ ନାହିଁ ବୋଲି କହିଛନ୍ତି। ସେମାନଙ୍କୁ ଅଯୋଗ୍ୟ ଘୋଷିତ କରିବାକୁ ମଧ୍ୟ କଡ଼ା ନିର୍ଦ୍ଦେଶ ଦେଇଛନ୍ତି ଜଷ୍ଟିସ ବିଭୁ ବାଖରୁ। ଫଳରେ ଏହି କ୍ରମରେ ମଧୁଙ୍କୁ ମଧ୍ୟ ନିର୍ବାଚନରେ ଲଢି ପାରିବେ ନାହିଁ ବୋଲି ସିଧାସଳଖ କୁହାଯାଇଛି। 

ସୂଚନା ଯୋଗ୍ୟ କୋଡ଼ା ୨୦୧୯ ନିର୍ବାଚନ ଲଢିବା ପାଇଁ ନିଜର ଶୁଣାଣି ଉପରେ ରୋକ ଲଗାଇବା ପାଇଁ ଏକ ଯାଚିକା ଆବେଦନ କରିଥିଲେ। ଉକ୍ତ ଯାଚିକାର ଶୁଣାଣି କରି ୧୯ ମାର୍ଚ୍ଚରେ ରାୟକୁ ସଂରକ୍ଷିତ ରଖିଥିଲେ। ହାଇକୋର୍ଟ କହିଛନ୍ତି କି, ସାର୍ବଜନିନ ପଦ ପାଇଁ ଏଭଳି ଆବେଦନକାରୀଙ୍କୁ ନିର୍ବାଚନ ଲଢିବା ପାଇଁ ଅନୁମତି ପ୍ରଦାନ କରିବା ଠିକ ହେବ ନାହିଁ। ଯେପର୍ଯ୍ୟନ୍ତ ନିର୍ଦ୍ଦୋଶ ପ୍ରମାଣିତ ହୋଇ ନାହାନ୍ତି, ସେପର୍ଯ୍ୟନ୍ତ ତାଙ୍କୁ ଅନୁମତି ମିଳିବ ନାହିଁ ବୋଲି ହାଇକୋର୍ଟ କହିଥିଲେ। 

୨୦୧୭ରେ କୋଲକାତାସ୍ଥିତ କମ୍ପାନୀ ୱିନି ଆଇରନ୍ ଏବଂ ଷ୍ଟିଲ୍ ଇଣ୍ଡଷ୍ଟ୍ରିଜ୍ ଲିମିଟେଡକୁ ଝାଡଖଣ୍ଡ କୋଇଲା ବ୍ଲକ୍ ଆବଣ୍ଟନ ହେରଫେର ମାମଲାରେ ମଧୁ କୋଡ଼ା ଏକ ଦୁର୍ନୀତି ଏବଂ ଷଡଯନ୍ତ୍ରରେ ଦୋଷୀ ସାବ୍ୟସ୍ତ ହୋଇଥିଲେ।