କେଜ୍ରିୱାଲ ସରକାରଙ୍କ ବଡ଼ ଘୋଷଣା, ପ୍ରତିମାସ ମିଳିବ 15GB ଫ୍ରି WiFi ଡେଟା

ଏହି ଯୋଜନା ଅନ୍ତର୍ଗତ ପ୍ରଥମ ପର୍ଯ୍ୟାୟରେ ଦିଲ୍ଲୀର ସମସ୍ତ ବସ୍ ଷ୍ଟାଣ୍ଡରେ ୩୦୦୦ ୱାଇଫାଇର ହୋଟସ୍ପୋଟ ଲାଗିବ । ସମଗ୍ର ଦିଲ୍ଲୀରେ ସର୍ବମୋଟ ୧୧୦୦୦ ହୋଟସ୍ପୋଟ ଲାଗିବ । ପ୍ରତି ୟୁଜରଙ୍କୁ ପ୍ରତି ମାସରେ ୧୫ ଜିବି ଡାଟା ମିଳିବ । 

କେଜ୍ରିୱାଲ ସରକାରଙ୍କ  ବଡ଼ ଘୋଷଣା, ପ୍ରତିମାସ ମିଳିବ 15GB ଫ୍ରି WiFi ଡେଟା

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପାଖେଇ ଆସିଲାନି । ଏହାସହ ବଢ଼ି ଯାଇଛି ରାଜନୈତିକ ଗତିବିଧି ।  କେଜ୍ରିୱାଲ ସରକାର ମଧ୍ୟ ସକ୍ରିୟ ହୋଇ ଉଠିଲାନି ।  ପ୍ରାୟ ଦିନ ନୂଆ ନୂଆ ଯୋଜନାର ଘୋଷଣା କରୁଛନ୍ତି କେଜ୍ରିୱାଲ ସରକାର । ଏହି କ୍ରମରେ ମୁଖ୍ୟମନ୍ତ୍ରୀ ଅରବିନ୍ଦ୍ର କେଜ୍ରିୱାଲ ବୁଧବାର ଏକ ବଡ଼ ଘୋଷଣା କରିଛନ୍ତି । ଆମ ଆଦମୀ ପାର୍ଟି(ଆପ୍) ସବୁଠାରୁ ମହତ୍ତ୍ୱାକାଂକ୍ଷୀ ଯୋଜନା Free WiFiର ଘୋଷଣା ହୋଇ ସାରିଛି । 

ଏହି ଯୋଜନା ଅନ୍ତର୍ଗତ ପ୍ରଥମ ପର୍ଯ୍ୟାୟରେ ଦିଲ୍ଲୀର ସମସ୍ତ ବସ୍ ଷ୍ଟାଣ୍ଡରେ ୩୦୦୦ ୱାଇଫାଇର ହୋଟସ୍ପୋଟ ଲାଗିବ । ସମଗ୍ର ଦିଲ୍ଲୀରେ ସର୍ବମୋଟ ୧୧୦୦୦ ହୋଟସ୍ପୋଟ ଲାଗିବ । ପ୍ରତି ୟୁଜରଙ୍କୁ ପ୍ରତି ମାସରେ ୧୫ ଜିବି ଡାଟା ମିଳିବ । ଏହାର ଆରମ୍ଭ ଡିସେମ୍ୱର ୧୬ରୁ ହୋଇପାରେ । ଫ୍ରି ୱାଇଫାଇ ନେଇ କ୍ୟାବିନେଟରୁ ମଞ୍ଜୁରୀ ମିଳିଯାଇଛି ଓ ଟେଣ୍ଡର ପ୍ରକ୍ରିୟା ସରି ଯାଇଛି । କ୍ୟାବିନେଟ ଅଗଷ୍ଟ ୮ରେ ୪୦୦୦ ବସ ଷ୍ଟାଣ୍ଡ ଓ ବିଧାସଭାରେ ୧୦୦ ହୋଟସ୍ପୋଟ ଲଗାଇବାର ମଞ୍ଜୁରୀ ଦେଇଥିଲା । ହୋଟସ୍ପୋଟର ୫୦ ମିଟର ରେଞ୍ଜରେ ଯେତେ ଲୋକ ଆସିବେ ସମସ୍ତେ ଫ୍ରି ୱାଇଫାଇ ବ୍ୟବହାର କରି ପାରିବେ । ଏହା ପାଇଁ ସରକାରକୁ ପ୍ରାୟ ବର୍ଷକୁ ୧୦୦ କୋଟି ଟଙ୍କାର ଖର୍ଚ୍ଚ କରିବାକୁ ପଡ଼ିବ ।

୨୦୧୫ରେ ବିଧାନସଭା ନିର୍ବାଚନରେ ଆପ୍ ଦିଲ୍ଲୀରେ ଫ୍ରି ୱାଇଫାଇ ଦେବାର ପ୍ରତିଶ୍ରୁତି ଦେଇଥିଲା । ଏବେ ବିଧାନସଭା ନିର୍ବାଚନ ପୂର୍ବରୁ ଏହି ପ୍ରତିଶ୍ରୁତି ପୂରଣ କରିବାକୁ ପ୍ରୟାସ କରୁଛି । 

ଏପରି କାମ କରିବ ହୋଟସ୍ପୋଟ 

ବିଧାନସଭା କ୍ଷେତ୍ର ଅନୁସାରେ ହୋଟସ୍ପୋଟ ଲଗାଯିବ । ପ୍ରଥମେ ୧୦୦ ହୋଟସ୍ପୋଟ ଡିସେମ୍ୱର ୧୬ରେ ଲଞ୍ଚ କରାଯିବ । ପ୍ରଥମ ସପ୍ତାହରେ ୧୦୦, ଏହାପରେ ପ୍ରତି ସପ୍ତାହରେ ୫୦୦ ହୋଟସ୍ପୋଟ ଲଗା ଯିବ । ପ୍ରତି ଅଧ କୋଲମିଟରେ ହୋଟସ୍ପୋଟ ଲଗାଯିବ ।

ୱାଇଫାଇର ଅଧିକତମ ସ୍ପିଡ ୨୦୦ ହେବ ଓ ନ୍ୟୁନତମ ୧୦୦ ଏମବିପିଏସ ହେବ । ଗୋଟିଏ ହୋଟସ୍ପୋଟରେ ୧୦୦ ଲୋକ ଇଣ୍ଟରନେଟ ବ୍ୟବହାର କରି ପାରିବେ । ଏଥିପାଇଁ ଏକ ଆପ ଆସିବ । ଯାହାକୁ ଅତିଶୀଘ୍ର ଜାରି କରି ଦିଆଯିବ । କେୱାଇସି ଦେଇ ପୋନରେ ଆଟିପିରୁ ୱାଇଫାଇ ସଂଯୋଗ କରାଯାଇ ହେବ । ଲୋକେ ଯେତେବେଳେ ହୋଟସ୍ପୋଟର ନିକଟରେ ଆସିବ, ଏହା ଅଟୋମେଟିକ ସଂଯୋଗ ହୋଇଯିବ । ହୋଟସ୍ପୋଟ ଉପରେ ଇଣ୍ଟରନେଟ ଚଲାଇବା ପାଇଁ ୟୁଜରଙ୍କୁ ଆବଶ୍ୟକ ସୂଚନା ପ୍ରଦାନ କରି OTP ମଗାଇବାକୁ ହେବ । OTP ମାଧ୍ୟମରେ ହୋଟସ୍ପୋଟ ସଂଯୋଗ ହୋଇଯିବ ।