ନିଯୁକ୍ତି ଦାବି କରି ଆନ୍ଦୋଳନକୁ ଓହ୍ଲାଇଲେ ତାଲବିରା ଗ୍ରାମବାସୀ

ସମ୍ବଲପୁର: ସମ୍ବଲପୁର ତାଲିବିରା ଏନଏଲସି କମ୍ପାନୀ ସ୍ଥାନୀୟ ଯୁବକଙ୍କୁ ସ୍ଥାନୀୟ ନିଯୁକ୍ତି ଦେବା ପାଇ ଚୁକ୍ତି କରିଥିଲା । କିନ୍ତୁ କମ୍ପାନୀ ପ୍ରତିଶ୍ରୁତି ଦେଇ ସ୍ଥାନୀୟ ଯୁବକଙ୍କୁ ଠକି ଦେଉଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି. ସ୍ଥାନୀୟ ବାସିନ୍ଦା କହିଛନ୍ତି କି, ଜଙ୍ଗଲ ସହ ମାଟି, ଜଙ୍ଗଲ ଦେଇଛନ୍ତି. କିନ୍ତୁ ସେମାନଙ୍କର ଏହି ଦାନ ପରିବର୍ତ୍ତେ ନିରାଶ ହେବାକୁ ପଡ଼ିଛି ସେମାନଙ୍କୁ . ଫଳରେ ନିଯୁକ୍ତି ଦାବି ନେଇ ଚାଲିଛି ଅନଶନ ଓ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି ସେମାନେ. 

ସମ୍ବଲପୁର ଜିଲ୍ଲା ଖିଣ୍ଡା ତଲାବିରାରେ ସ୍ଥାପିତ ହେଉଥିବା ଏନଏଲସି କମ୍ପାନୀରେ ନିଯୁକ୍ତିକୁ ନେଇ ପୁଣି ତେଜିଛି ବିବାଦ। ଖିଣ୍ତା ପଞ୍ଚାୟତ ଜଙ୍ଗଲର ଶହଶହ ଗଛ ସହିତ ଜମି ଓ ଗାଁ କମ୍ପାନୀ ପାଇ ବଳି ପଡୁଛି । କମ୍ପାନୀ ସ୍ଥାପିତ ଯୋଗୁ ସ୍ଥାନୀୟ ବାସିନ୍ଦା ବିସ୍ଥାପିତ ମଧ୍ୟ ହେଉଛନ୍ତି । ତେଵେ କମ୍ପାନୀ ସ୍ଥାପିତ ପୁର୍ବରୁ ତ୍ରୈପାକ୍ଷିକ ବୈଠକ କରି ସ୍ଥାନୀୟ ଯୁବକଙ୍କୁ ସ୍ଥାୟୀ ନିଯୁକ୍ତି ଦେବା ପାଇ ଚୁକ୍ତି କରିଥିଲା। ଏମିତି କି ଯାହାର ଜମି ଯାଇଛି ସେମାନଙ୍କୁ ମାନ ଅନୁଯାୟୀ ଟଙ୍କା ଦେବା ସହ ବିସ୍ଥାପିତଙ୍କୁ  ୪ ଡିସିମିଲ ଜମି ନହେଲେ ସରକାରୀ ନିୟମ ଅନୁଯାୟୀ ପ୍ରଧାନମନ୍ତ୍ରୀ ଆବାସ ଘର ଓ ଶୌଚାଳୟ ଦିଆଯିବ ବୋଲି ପ୍ରତିଶ୍ରୁତି ଦେଇଥିଲା ।  

ଏହି ପ୍ରତିଶ୍ରୁତି ଗତ ୨୦୧୯ ଡିସେମ୍ବର ମାସରେ ବିସ୍ଥାପିତ ଗାଁ ମାନଙ୍କ ଲୋକଙ୍କୁ ନେଇ ଏକ ବୈଠକରେ ଆଲୋଚନା କରି ଚୁକ୍ତି ହୋଇଥିଲା । ହେଲେ ଆଜି ଯାଏ କୌଣସି ପ୍ରତିଶ୍ରୁତି ପୁରଣ ହୋଇପାରିନାହି । ଅନେକ ଯୁବକ ନିଯୁକ୍ତି ଦେଇଛି ସତ ତାହା ସ୍ଥାୟୀ ନୁହେଁ ଅସ୍ଥାୟୀ ଭାବେ ରଖିଥିବା ଅଭିଯୋଗ ହୋଇଛି । ଏମିତି କି ଏହି କମ୍ପାନୀ ପାଇଁ ଜମି ଯାଇଥିଲେ ମଧ୍ୟ କ୍ଷତି ପୂରଣ ମିଳିପାରି ନାହି ବୋଲି ଅଭିଯୋଗ ହୋଇଛି ।

ସେପଟେ ଏହି ସ୍ଥାୟୀ ନିଯୁକ୍ତି ପାଇ ଗତ ୧୧ ତାରିଖରୁ କର୍ମଜୀବୀ ଏକତା ମଞ୍ଚ ପକ୍ଷରୁ କମ୍ପାନୀ ସମ୍ମୁଖରେ ଅନିର୍ଦ୍ଦିଷ୍ଟ କାଳ ପାଇ ଅନଶନ ଜାରି ରହିଛି । ହେଲେ ଗତ ୩୧ ତାରିଖରୁ ଅନିର୍ଦିଷ୍ଟ କାଳ ପାଇ ବୀର ସୁରେନ୍ଦ୍ର ସାଏ ଆଞ୍ଚଳିକ ସୁରକ୍ଷା ମଞ୍ଚ ପକ୍ଷରୁ କମ୍ପାନୀ କାର୍ଯ୍ୟବନ୍ଦ ଆନ୍ଦୋଳନ ଆରମ୍ଭ ହୋଇଛି । ତେଵେ ସ୍ଥାୟୀ ନିଯୁକ୍ତି ସହ ଜମି ଯାଇଥିବା ଲୋକଙ୍କୁ ସମାନ ମାପର ଟଙ୍କା ସହ ବୈଠକରେ ଚୁକ୍ତି ହୋଇଥିବା ପ୍ରତିଶୃତି ପୁରଣ କରାଯାଉ ବୋଲି କହିଛନ୍ତି ଆନ୍ଦୋଲନକାରୀ । ପ୍ରଶାସନ ଓ କମ୍ପାନୀ ପ୍ରତିଶୃତି ଦେଲା ପରେ ଶହଶହ ଗଛ କଟା ଆରମ୍ଭ ହୋଇଥିଲା ଅନେକେ ବାସହରା ହେଲେ । ହେଲେ ଏବେ କାହିକି ବିଭିନ୍ନ ଆଳ ଦେଖାଇ ସ୍ଥାୟୀ ନିଯୁକ୍ତି ଦେଉ ନାହି ବୋଲି ପ୍ରଶ୍ନ କରିଛନ୍ତି ସ୍ଥାନୀୟ ବାସିନ୍ଦା ।

ଏହି ଅଂଚଳ ବାସୀ ନିଜର ଅଜା ପଣ ଅଜା ଅମଳ ରୁ ଏଠି ରହି ଆସୁଥିଲେ । ହେଲେ ଏବେ କମ୍ପାନୀ ଆସିଲା ଲକ୍ଷ ଲକ୍ଷ ଗଛ ସହ ଜଙ୍ଗଳ ଜମି କୁ ନଷ୍ଟ କରିଦେଲା ।  ଏବେ କାହିକି ସ୍ଥାନୀୟ ବାସିନ୍ଦା ବା କମ୍ପାନୀ ପାଇ ବିସ୍ଥାପିତ ହେଉଥିବା ଲୋକ ଙ୍କୁ କମ୍ପାନୀ ଓ ପ୍ରଶାସନ ପ୍ରତିଶୃତି ପୁରଣ ନ କରି ବିଭିନ୍ନ ଆଲ ଦେଖାଉଛି ବୋଲି ସାଧାରଣ ରେ ପ୍ରଶ୍ନ ଉଠୁଛି ।