close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ବିଜେପି ପ୍ରାର୍ଥୀଙ୍କ ଦାବି, ଯେକୌଣସି ବଟନ ଦବାଇଲେ ପଦ୍ମରେ ପଡ଼ିବ ଭୋଟ

ହରିୟାଣା ବିଧାନସଭା ନିର୍ବାଚନ ପାଇଁ ଥମି ଯାଇଛି ପ୍ରଚାର ଅଭିଯାନ ।  ଅକ୍ଟୋବର ୨୧ରେ ମତଦାତା ନିଜ ମତାଧିକାର ପ୍ରୟୋଗ କରିବେ ।  ଏହାପୂର୍ବରୁ ଭାରତୀୟ ଜନତା ପାର୍ଟି(ବିଜେପି) ପ୍ରାର୍ଥୀଙ୍କ ଏକ ଭିଡିଓକୁ ନେଇ ବିବାଦ ଆରମ୍ଭ ହୋଇଯାଇଛି । ପ୍ରାର୍ଥୀ ଜଣକ ଭୋଟରଙ୍କୁ ଧମକ ଦେବାରେ ନଜରକୁ ଆସିଛି । 

ବିଜେପି ପ୍ରାର୍ଥୀଙ୍କ ଦାବି, ଯେକୌଣସି ବଟନ ଦବାଇଲେ ପଦ୍ମରେ ପଡ଼ିବ ଭୋଟ
BJP candidate bakshish singh virk

ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନ ପାଇଁ ଥମି ଯାଇଛି ପ୍ରଚାର ଅଭିଯାନ ।  ଅକ୍ଟୋବର ୨୧ରେ ମତଦାତା ନିଜ ମତାଧିକାର ପ୍ରୟୋଗ କରିବେ ।  ଏହାପୂର୍ବରୁ ଭାରତୀୟ ଜନତା ପାର୍ଟି(ବିଜେପି) ପ୍ରାର୍ଥୀଙ୍କ ଏକ ଭିଡିଓକୁ ନେଇ ବିବାଦ ଆରମ୍ଭ ହୋଇଯାଇଛି । ପ୍ରାର୍ଥୀ ଜଣକ ଭୋଟରଙ୍କୁ ଧମକ ଦେବାରେ ନଜରକୁ ଆସିଛି । 
ହରିୟାଣାର ଅସାନ୍ଧି ବିଧାନସଭା ଆସନରୁ ବିଜେପି ପ୍ରାର୍ଥୀ ବକ୍ସିସ ସିଂହ ଭିର୍କ ଜନତାଙ୍କୁ ଧମକାଇ କହିଛନ୍ତି ଯେ, ଆପଣମାନେ ଇଭିଏମର ଯେକୌଣସି ବଟନ ଦବାଇଲେ ମଧ୍ୟ ଭୋଟ କେବଳ ପଦ୍ମ ଫୁଲକୁ ହିଁ ମିଳିବ । ଆପଣଙ୍କୁ ଏଠାରେ କହି ରଖୁଛୁ ଯେ, ପଦ୍ମ ଫୁଲ ହେଉଛି ବିଜେପିର ନିର୍ବାଚନୀ ଚିହ୍ନ । 

ବିଜେପି ପ୍ରାର୍ଥୀଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାକୁ ଲାଗିଛି । ଏହି ଭିଡିଓଟି ଅସାନ୍ଧି ବିଧାନସଭା କ୍ଷେତ୍ରର ଏକ ଜନସଭାର ବୋଲି ଜଣାପଡିଛି । ଏହି ଭିଡିଓରେ ଭିର୍କ ନା କେବଳ ଭୋଟରଙ୍କୁ ଧମକ ଦେଉଛନ୍ତି, ବରଂ ଏହା ମଧ୍ୟ କହୁଛନ୍ତି ଯେ ଆପଣ ଯେକୌଣସି ବଟନ ଦବାଇଲେ ଭୋଟ ବିଜେପି ଖାତାକୁ ଯିବ । ଏନେଇ ନିର୍ବାଚନ ଆୟୋଗ ତରଫରୁ ତାଙ୍କୁ ନୋଟିସ ଜାରି କରାଯାଇଛି । 

ଏହି ଭାଇରାଲ ଭିଡିଓରେ ବକ୍ସିସ ସିଂହ କହୁଛନ୍ତି ଯେ, ଆଜି ଯଦି ଆପଣ ଭୁଲ କରିବେ ତେବେ ଆପଣଙ୍କୁ ୫ ବର୍ଷ ଭୋଗିବାକୁ ପଡିବ । ଆମକୁ ଏହା ମଧ୍ୟ ଜଣାପଡିଯିବ କିଏ କାହାକୁ ଭୋଟ ଦେଇଛି । ଯଦି କହିବେ ତେବେ ଏହାର ସଂପୂର୍ଣ୍ଣ ତଥ୍ୟ ମଧ୍ୟ ଯୋଗାଇ ଦେବି । ମୋଦିଜୀ ଓ ମନହୋର ଲାଲଙ୍କ ନଜର ହେଉଛି ବହୁତ ତୀକ୍ଷ୍ମଣ । ଆପଣ କାହାକୁ ମଧ୍ୟ ଭୋଟ ଦେଲେ ଭୋଟ ବିଜେପିର କମଳ ଚିହ୍ନଙ୍କୁ ମିଳିବ । ମେସିନକୁ ସେହି ଭଲି ସେଟିଂ କରଯାଇଛି ବୋଲି ବିଜେପି ପ୍ରାର୍ଥୀ ଦାବି କରିଛନ୍ତି । 

ଅର୍ଥାତ ବିଜେପି ପ୍ରାର୍ଥୀ ଭିର୍କ ସ୍ପଷ୍ଟ ଭାବେ କହୁଛନ୍ତି ଯେ ଇଭିଏମରେ ଏପରି କିଛି ସେଟିଂ କରାଯାଇଛି, ଯାହା ଦ୍ୱାରା ଭୋଟର ଯେକୌଣସି ଦଳକୁ ଭୋଟ ଦେଲେ ମଧ୍ୟ ସେହି ଭୋଟ ସିଧା ବିଜେପିକୁ  ମିଳିବ । ଅନ୍ୟପକ୍ଷେ ସେ ଏହି ଭାଇରାଲ ଭିଡିଓକୁ ଫେକ୍ ବୋଲି କହିଛନ୍ତି । ଏହି ଭିଡିଓକୁ ଏଡିଟ କରାଯାଇଛି ବୋଲି ସେ ଦାବି କରିଛନ୍ତି । ତାଙ୍କର ଏହି ମନ୍ତବ୍ୟ ସମସ୍ତଙ୍କୁ ଚକିତ କରିଛି । କାରଣ ଇଭିଏମକୁ ବିଜେପି ଟ୍ୟାମ୍ପରିଂ କରୁଛି ବୋଲି ସମସ୍ତ ବିରୋଧୀ ଦଳ ଅଭିଯୋଗ କରି ଆସୁଛନ୍ତି । ଏପରି ପରିସ୍ଥିତିରେ ଅକ୍ଟୋବର ୨୧ରେ ହେବାକୁ ଥିବା ମତଦାନ ପୂର୍ବରୁ ଏହି ଭାଇରାଲ ଭିଡିଓରୁ ଇଭିଏମର ମାମଲା ପୁଣିଥରେ ଚର୍ଚ୍ଚାକୁ ଆସିଛି ।