୬୫ ହଜାର ଆମେରୀକିୟଙ୍କୁ ଫେରାଇ ନେବେ ଟ୍ରମ୍ପ

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ତାଣ୍ଡବ ରଚୁଥିବା ବେଳେ ସଂକଟରେ ପଡ଼ିଛନ୍ତି ବିଶ୍ୱବାସୀ। ଏହି ସମୟରେ ବିଭିନ୍ନ ରାଷ୍ଟ୍ରରେ ଥିବା ଆମେରିକା ନାଗରିକମାନଙ୍କୁ ଫେରାଇ ନେବା ପାଇଁ ଆମେରିକାର ରାଷ୍ଟ୍ରପତି ପ୍ରୟାସ ଆରମ୍ଭ କରିଛନ୍ତି। ସମଗ୍ର ବିଶ୍ୱରେ ପ୍ରାୟ ୬୫ ହଜାର ଆମେରିକୀୟଙ୍କୁ ଫେରାଇ ନେବେ ଆମେରିକା। ଏହି କ୍ରମରେ ଭାରତରୁ ମଧ୍ୟ ପାଖାପାଖି ୬ ହଜାର ଆମେରିକୀୟ ନାଗରିକ ସ୍ୱଦେଶ ଫେରିବେ। 

ଆମେରିକାର ଜଣେ ବରିଷ୍ଠ ଅଧିକାରୀ କହିଛନ୍ତି କି, ସମଗ୍ର ବିଶ୍ୱରୁ ପ୍ରାୟ ୬୫ ହଜାର ଆମେରିକୀୟ ନାଗରିକଙ୍କୁ ସ୍ୱଦେଶ ଫେରାଇ ନେବା ପାଇଁ ସରକାର ପ୍ରୟାସ ଆରମ୍ଭ କରିଛନ୍ତି। ଏହି ସମୟରେ ସରକାର ୧୨୨ଟି ରାଷ୍ଟ୍ରରୁ ପ୍ରାୟ ୬୫ ହଜାର ନାଗରିକଙ୍କୁ ନିଆଯିବ। ଏଥିପାଇଁ ସରକାର ପ୍ରାୟ ୬୮୭ଟି ଉଡ଼ାଣ ପାଇଁ ମଧ୍ୟ ବ୍ୟବସ୍ଥା କରୁଥିବା ସୂଚନା ଦେଇଛନ୍ତି। ସେହିପରି ସେ ଆହୁରି ମଧ୍ୟ କହିଥିଲେ କି, ଭାରତରୁ ବର୍ତ୍ତମାନ ସୁଦ୍ଧା ୪ ହଜାର ନାଗରିକ ଦେଶକୁ ଫେରିଥିବା ବେଳେ ଆହୁରି ମଧ୍ୟ ୨ ହଜାର ଲୋକଙ୍କୁ ଫେରାଇ ନିଆଯିବ। ଏହିପରି ମୋଟ ୬ ହଜାର ଲୋକ ଦେଶକୁ ଫେରିବେ ବୋଲି ସେ ସୂଚନା ଦେଇଛନ୍ତି। 

ସେ ଆହୁରି ମଧ୍ୟ କହିଛନ୍ତି କି, ପାକିସ୍ତାନରୁ ପ୍ରାୟ ଏକ ହଜାର ଲୋକଙ୍କୁ ଦେଶକୁ ଫେରାଇ ନିଆଯିବ। ସେହିପରେ ବାଣିଜ୍ୟ ମୁଖ୍ୟ ଉପସଚିବ ଆୟନ ବ୍ରାଓନଲୀ ବୁଧବାର ଏକ ସମ୍ବାଦିକ ସମ୍ମିଳନୀରେ କହିଛନ୍ତି କି, ଭାରତରୁ ପ୍ରାୟ ୪ ହଜାର ନାଗରିକଙ୍କୁ ନେଇ ବିମାନ ଦେଶକୁ ଫେରିଛି। ସେହିପରି ଆହୁରି ମଧ୍ୟ ୨ ହଜାର ଲୋକଙ୍କୁ ଫେରାଇ ନେବା ପାଇଁ ସରକାର ୪ଟି ବିମାନର ବ୍ୟବସ୍ଥା କରୁଛନ୍ତି ବୋଲି ସେ କହିଛନ୍ତି।