କାନ ଭିତରେ ଏତେ ପରିମାଣରେ ମିଳିଲା ଜିଅନ୍ତା ଅସରପା, ଜାଣି ଚକିତ ହେବେ ଆପଣ

ନୂଆଦିଲ୍ଲୀ: ଚୀନର ଜଣେ ବ୍ୟକ୍ତିଙ୍କ କାନରୁ ବହୁ ପରିମାଣରେ ଜିଅନ୍ତା ଅସରପା ବାହାର କରାଯାଇଛି । ଯାହାକୁ ଦେଖି ସମସ୍ତେ ଚକିତ ହୋଇଯାଇଥିଲେ । ଚୀନର ଜଣେ ବ୍ୟକ୍ତିଙ୍କ କାନରେ ଯନ୍ତ୍ରଣା ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ଚିକିତ୍ସା ବେଳେ କାନରୁ ଗୋଟିଏ ମାଇ ଅସରପା ସହ ଦଶରୁ ଅଧିକ ଜିଅନ୍ତା ଛୁଆ ମିଳିଥିଲା ।

ଚୀନର ମିଡିଆରୁ ଏହାର ସୂଚନା ମିଳିଛି । ଡେଲି ଏକ୍ସପ୍ରେସ ଅନୁସାରେ ୨୪ ବର୍ଷୀୟ ଲ୍ୟୁ ଗତ ମାସରେ ଗ୍ୱାଙ୍ଗଡୋଙ୍ଗ ପ୍ରାନ୍ତର ହୁଆଙ୍ଗ ଜିଲ୍ଲାରେ ସ୍ଥିତି ସନେହ ହସ୍ପିଟାଲରେ ଡାକ୍ତରଙ୍କ ପାଖକୁ ଯାଇଥିଲେ । ଏହି ହସ୍ପିଟାଲର ଜଣେ ବିଶେଷଜ୍ଞ କହିଛନ୍ତି ଯେ ଲ୍ୟୁଙ୍କ କାନ ସମ୍ୱନ୍ଧୀୟ କିଛି ସମସ୍ୟାକୁ ନେଇ ଆମ ପାଖକୁ ଆସିଥିଲେ । ତାଙ୍କର କାନରେ ସର୍ବଦା ଯନ୍ତ୍ରଣା ହେଉଥିଲା । ତାଙ୍କୁ ସବୁବେଳେ ଏମିତି ଲାଗୁଥିଲା ଯେ ତାଙ୍କର କାନରେ କିଏ କାମୁଡୁଛି । ଏଥିପାଇଁ ତାଙ୍କୁ ବହୁତ ସମସ୍ୟା ହେଉଥିଲା ।

ଏହାସହ ସେ ଆହୁରି କହିଛନ୍ତି ଯେ ମୋତେ ଲ୍ୟୁଙ୍କ କାନରୁ ୧୦ରୁ ଅଧିକ ଅସରପାର ଜୀବିତ ଛୁଆ ମିଳିଛି । ଯାହା ତାଙ୍କ କାନ ଭିତରେ ଏପଟେ ସେପଟେ ବୁଲାବୁଲି କରୁଥିଲେ । କଳା ଓ ଧୂସର ରଙ୍ଗର ମାଇ ଅସରପା ଥିବା ବେଳେ ଛୁଆଗୁଡିକର ରଙ୍ଗ ହାଲୁକା ଥିଲା । ଲ୍ୟୁଙ୍କ କାନରୁ ଟିମଟି ସାହାଯ୍ୟରେ ପ୍ରଥମେ ବଡ଼ ଅସରପାକୁ ବାହାର କରିବା ପରେ ଛୋଟ ଛୁଆକୁ ଏକ ଏକ କରି ବାହାର କରାଯାଇଥିଲା । ହସ୍ପିଟାଲର ଇଏନଟି ପ୍ରମୁଖ ଲି ଜିନ୍ୟୁଆନ ସ୍ଥାନୀୟ ମିଡିଆକୁ କହିଛନ୍ତି ଯେ ଲ୍ୟୁଙ୍କୁ ନିଜ ବିଛନା ପାର୍ଶ୍ୱରେ ଅଧା ଖିଆ ଖାଦ୍ୟ ପ୍ୟାକେଟ ରଖିବାର ଅଭ୍ୟାସ ଥିଲା । ଯାହା ଯୋଗୁଁ ଅସରପା ପରି ଜୀବ ଆକର୍ଷିତ ହୋଇ ଆସିଥାଏ । ଏହାପରେ ତାଙ୍କ କାନରେ ପ୍ରବେଶ କରିଥିଲା ।