• ପୁଣି କମିଲା ସୁନା-ରୁପା ଦର, ଜାଣନ୍ତୁ ଆଜିର ରେଟ୍
  • IPL 2020: ଆଜି ଆରସିବି - ମୁମ୍ବାଇ ମୁହାଁମୁହିଁ
  • କଟକଣା ମଧ୍ୟରେ ଆରମ୍ଭ ହେବ ପରୀକ୍ଷା ଓ ନାମଲେଖା
  • ବିଜୁ ଯୁବ ଜନତା ଦଳର ଜେନେରାଲ ସେକ୍ରେଟାରୀ ଭାବେ ନିଯୁକ୍ତି ପାଇଥିବା କଳ୍ପତରୁ ଓଝାଙ୍କୁ ନିଲମ୍ବିତ କଲେ ସଭାପତି ନବୀନ ପଟ୍ଟନାୟକ ।
  • କଟକରେ ଭାଙ୍ଗିଲା ରେଳବାଇ କ୍ରସିଂ ଆଙ୍ଗେଲ୍‌, ୧୬ ନମ୍ବର ଜାତୀୟ ରାଜପଥରେ ଯାନବାହନ ଚଳାଚଳ ବାଧାପ୍ରାପ୍ତ ।
  • ଆଠଗଡ଼ରେ ଥିବା ସିମେଣ୍ଟ କାରଖାନାରେ ଦୁର୍ଘଟଣା, ଜଣେ ଶ୍ରମିକ ମୃତ
  • ବିଧାନସଭା ଆରମ୍ଭ ହେବା ପୂର୍ବରୁ ବିଜେଡ଼ି ବିଧାୟକ ଦଳ ବୈଠକ
  • ହାଇକୋର୍ଟରେ ଯାଜପୁର ବିରଜା ମନ୍ଦିର ରଥଯାତ୍ରା ମାମଲା । ଜିଲ୍ଲାପାଳ ଓ ଏସପିଙ୍କୁ ହାଇକୋର୍ଟଙ୍କ ରିପୋର୍ଟ ତଲବ । ଅକ୍ଟୋବର ୮କୁ ଘୁଞ୍ଚିଲା ଶୁଣାଣୀ ।
  • ଉଲ୍ଲିବୁରୁ ଖଣି ଦୁର୍ନୀତି ମାମଲା: ଦୀପକ ଗୁପ୍ତାଙ୍କ ନିୟମିତ ଜାମିନ ଖାରଜ ।
  • ୩ ମାସ ପାଇଁ ଅନ୍ତରୀଣ ଜାମିନ ମଞ୍ଜୁର, ୧ ଅକ୍ଟେବରରୁ ୩ ମାସ ଅନ୍ତରୀଣ ଜାମିନରେ ଦୀପକ ।

ଧାନ ଗଛରୁ ବାହାରୁନି ଧାନକେଣ୍ଡା, ସରକାରୀ ବିହନ କେନ୍ଦ୍ରରୁ ବିହନ କିଣି ହନ୍ତସନ୍ତ ଚାଷୀ

ଚିନ୍ତାରେ ନୂଆପଡ଼ା ଜିଲ୍ଲାର ଚାଷୀ । ମରୁଡ଼ି, ଅଭାବୀ ବିକ୍ରି ପରେ ରୋଗପୋକର ଶିକାର । ସରକାରୀ ବିହନ ବୁଣି କ୍ଷତି ସହୁଛନ୍ତି ଚାଷୀ ।

ଧାନ ଗଛରୁ ବାହାରୁନି ଧାନକେଣ୍ଡା, ସରକାରୀ ବିହନ କେନ୍ଦ୍ରରୁ ବିହନ କିଣି ହନ୍ତସନ୍ତ ଚାଷୀ
ଧାନ ଗଛ ରୋଗପୋକର ଶିକାର, ମୁଣ୍ଡରେ ହାତ ଦେଇ ବସିଛି ନୂଆପଡ଼ାର ଚାଷୀ

ନୂଆପଡ଼ା: ସମସ୍ୟା ଘେରରେ ନୂଆପଡ଼ା ଜିଲ୍ଲାର ଚାଷୀ । କେବେ ବଢ଼ି ତ କେବେ ମରୁଡ଼ି ଆଉ ପୁଣି କେବେ ଅଭାବୀ ବିକ୍ରି । ପୁଣି ଅନେକ ସମୟରେ ରୋଗ ପୋକର ଶିକାର ହେଉଛି ଫସଲ । ଯାହାକୁ ନେଇ ମୁଣ୍ଡରେ ହାତ ଦେଇ ବସିଛି ଚାଷୀ । ଚଳିତବର୍ଷ ମଧ୍ୟ ଧାନ ଫସଲରେ ରୋଗ ପୋକ ଦେଖା ଦେଇଛି ।  ଚାଷୀମାନେ ସରକାରଙ୍କ ଫାଉଣ୍ଡେସନ୍ ବିହନ କିଣି ଚାଷ କରି ମଧ୍ୟ କ୍ଷତି ସହୁଛନ୍ତି ।

ଥୋଡ଼ ଧରୁନି  ଧାନ । ଧାନ ଗଛରୁ ବାହାରୁନି ଧାନ କେଣ୍ଡା । ଏକର ଏକର ଧାନ ଜମିରେ  ଲାଗିଛନ୍ତି  ରୋଗପୋକ । ଏହା ହେଉଛି ନୂଆପଡ଼ା ଜିଲ୍ଲା ଖଡିଆଳ ବ୍ଲକର ଶତାଧିକ ଚାଷୀଙ୍କ ବ୍ୟଥା ଆଉ ଦୁଃଖର କାହାଣୀ, ଯାହାକୁ ନା କିଏ ବୁଝୁଛି, ନା କିଏ ତା'ର ସମାଧାନ କରୁଛି । ଚାଷୀ ସରକାରଙ୍କ ବିହନ ବିକ୍ରୟ କେନ୍ଦ୍ରରୁ ଫାଉଣ୍ଡେସନ୍ ମଞ୍ଜି କିଣି ଶ୍ରୀ ପଦ୍ଧତିରେ ଧାଡ଼ି ରୁଆ କରି ଚାଷ କରିଛନ୍ତି । ବର୍ତ୍ତମାନ ଧାନ ବାହାରିବା ସମୟରେ ଧାନ ଗଛ ସବୁ ଅଣ୍ଡିରା ହୋଇ ମଘା ଫୁଟୁଛି । ଏହା ଦେଖି ଚାଷୀଙ୍କ ମୁଣ୍ଡରେ ଚଡ଼କ ପଡିଛି । ରୋକ ପୋକ ନିଦାନ ପାଇଁ ଧାର କରଜ କରି ବାରମ୍ବାର ଔଷଧ ସିଞ୍ଚନ କରୁଛି ଚାଷୀ । ହେଲେ କିଛି ସୁଫଳ ମିଳୁନାହିଁ । ଚାଷୀଙ୍କ କ୍ଷତି ଭାରଣା ପାଇଁ କୃଷି ବିଭାଗ ପଦକ୍ଷେପ ନେବାକୁ ଦାବି କରିଛନ୍ତି ଚାଷୀକୂଳ ।

ଅପରପକ୍ଷରେ ଓଲଟା ଚାଷୀଙ୍କ ମୁଣ୍ଡରେ ଅଠା ବୋଳିଛି କୃଷି ବିଭାଗ । ଚାଷୀମାନେ ଠିକ୍ ଭାବେ ଧାନ କ୍ଷେତରେ ଔଷଧ ସିଞ୍ଚନ କରୁନାହାନ୍ତି । ଉପର ଭାଗରେ ଔଷଧ ସିଞ୍ଚନ ଫଳରେ ତଳ ଭାଗରେ ପୋକ ରହିଯାଉଛନ୍ତି ବୋଲି ସଫେଇ ଦେଇଛି କୃଷି ବିଭାଗ ।  ବିହନ ବିକ୍ରୟ କେନ୍ଦ୍ର ପକ୍ଷରୁ ଦିଆଯାଉଥିବା ବିହନକୁ ବୁଣି ଚାଷୀଙ୍କ ମୁଣ୍ଡରେ ଚଡ଼କ ପଡିଛି । ଯଦି ଫାଉଣ୍ଡେସନ୍ ସିଡ୍ସ ଚାଷ କରି ଚାଷୀଙ୍କ ଧାନ ବାହାରୁନି ତେବେ ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ନୂଆପଡ଼ା ଜିଲ୍ଲା କୃଷି ଅଧିକାରୀ ଜାଭେଦ୍ ମହମ୍ମଦ କହିଛନ୍ତି ।