ସମ୍ବଲପୁର ଗୁଟଖା କାରଖାନାରେ ଅଗ୍ନିକାଣ୍ଡ; ୨୫ ଆହତ, ୭ ଗୁରୁତର

ଅଜୟ ନାଥ, ସମ୍ବଲପୁର: ଗୁଟଖା କାରଖାନାରେ ଅଗ୍ନିକାଣ୍ଡ । ସମ୍ବଲପୁର ଅଇଁଠାପାଲି ଥାନା ଅନ୍ତର୍ଗତ ମାଝିପାଲି ସ୍ଥିତ ଏକ ଗୁଟଖା ଫ୍ୟାକ୍ଟ୍ରିରେ ଭୟାଭୟ ଅଗ୍ନିକାଣ୍ଡ ଘଟିଛି । ଆଜି ସକାଳ୧୧ ଟା ସମୟରେ ଫ୍ୟାକ୍ଟ୍ରି ରେ ହଠାତ୍  ନିଆଁ ଲାଗିଯାଇଥିଲା । କେହି କିଛି ବୁଝିବା ପୂର୍ବରୁ ନିଆଁ ହୁ ହୁ ହୋଇ ଚାରିଆଡ଼େ ମାଡି ଯାଇଥିଲା । ଲକ୍ଷ ଲକ୍ଷ ଟଙ୍କାର ଗୁଟଖା ଗୁଡିକ ହୁତୁ ହୁତୁ ହୋଇ ଜଳିବାରେ ଲାଗିଥିଲା । 

ପ୍ରଚଣ୍ଡ ନିଆଁ ଧାସ ବାହାରିବାରୁ ଫ୍ୟାକ୍ଟ୍ରିରେ କାମ କରୁଥିବା ଶହ ଶହ କର୍ମଚାରୀ ଏଣେତେଣେ ଦୌଡ଼ିବାରେ ଲାଗିଥିଲେ । ଏହି ଅଗ୍ନିକାଣ୍ଡ(Fire BreakOut) ରେ ୨୫ ଜଣ ଶ୍ରମିକ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୭ ଗୁରୁତରଙ୍କୁ ରାଉରକେଲା ଆଇଜିଏଚ(Rourkela IGH) ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଖବର ପାଇ ଅଗ୍ନିଶମ ବିଭାଗ ର ଦୁଇଟି ଦମକଳ ଗାଡ଼ି ଓ ଗୋଟିଏ ରେସକ୍ୟୁ ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହ ଫସିଥିବା କର୍ମଚାରୀଙ୍କୁ ଉଦ୍ଧାର କରିଥିଲେ । 

Also Read: ଆଜିଠୁ ରାଜ୍ୟରେ ମୁଖ୍ୟମନ୍ତ୍ରୀ ବାୟୁ ସ୍ୱାସ୍ଥ୍ୟ ସେବା, ଉପକୃତ ହେବେ ୪ ଜିଲ୍ଲା

ସମ୍ବଲପୁର (Sambalpur SP) ବି ଗଙ୍ଗାଧର ଘଟଣାସ୍ଥଳରେ ପହଞ୍ଚି ସ୍ଥିତିର ସମୀକ୍ଷା କରିଛନ୍ତି । ପ୍ରାୟ ୩୦୦ ଶ୍ରମିକ ଏହି ଗୁଟଖା ଫ୍ୟାକ୍ଟ୍ରି (Gutkha Factory) ରେ କାମ ଜରୁଥିବା ଜଣାପଡ଼ିଛି। ତେବେ ନିଆଁ ଲାଗିବାର ପ୍ରକୃତ କାରଣ ଜଣାପଡିନାହିଁ ।ସମସ୍ତ ଦିଗକୁ ଅନୁଧ୍ୟାନ କରାଯିବ, ଦୋଷୀ ସାବ୍ୟସ୍ତ ହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଉପଜିଲ୍ଲାପାଳ।