କୋରୋନାକୁ ନେଇ ଆସିଲା ବଡ଼ ଖବର

ନୂଆଦିଲ୍ଲୀ: ଆନ୍ଧ୍ର ପ୍ରଦେଶ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନଙ୍କ କାର୍ଯ୍ୟାଳୟରେ କୋରୋନା । ରାଜ୍ୟପାଳ ବିଶ୍ୱଭୂଷଣ ହରଚନ୍ଦନଙ୍କ କାର୍ଯ୍ୟାଳୟର ୪ ଜଣ କର୍ମଚାରୀ କୋରୋନା ଆକ୍ରାନ୍ତ ବୋଲି ଜଣାପଡ଼ିଛି । ଗୁରୁତ୍ୱପୂର୍ଣ୍ଣ କଥା ହେଉଛି, ରାଜ୍ୟପାଳଙ୍କ ସିକ୍ୟୁରିଟି ଅଫିସର ଏବଂ ଜଣେ ନର୍ସ କୋରୋନା ଆକ୍ରାନ୍ତ ହୋଇଛନ୍ତି । ଏବେ ସମସ୍ତ ଆକ୍ରାନ୍ତଙ୍କୁ ମେଡିକାଲରେ ଭର୍ତ୍ତି କରାଯାଇଛି । 

ଏଠାରେ ଆମେ କହିରଖୁଛୁ, ଆନ୍ଧ୍ର ପ୍ରଦେଶ ରାଜ୍ୟପାଳଙ୍କ ସରକାରୀ ବାସଭବନ ବିଜୟୱାଡାରେ ରହିଛି । ଯେଉଁ ଅଞ୍ଚଳ ହଟସ୍ପଟ ଜୋନରେ ଆସୁଛି । କାହିଁକିନା ବିଜୟୱାଡାରେ ଏପର୍ଯ୍ୟନ୍ତ ଶତାଧିକ ଆକ୍ରାନ୍ତ ଚିହ୍ନଟ ହେଲେଣି । 

ସେହିପରି ଯଦି ଆନ୍ଧ୍ର ପ୍ରଦେଶ କଥା ଦେଖିବା, ତେବେ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ୧ ହଜାର ପାର କଲାଣି । ସେହିପରି ୩୧ ଜଣଙ୍କ ମୃତ୍ୟୁ ମଧ୍ୟ ହୋଇଛି ।