୧୫ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ କଲେ ଅବକାରୀ ବିଭାଗ

 ମୋହନା: ଗଜପତି ଜିଲା ମୋହନା ଥାନା ଅନ୍ତର୍ଗତ ଅନ୍ତରବା ଅଞ୍ଚଳରୁ ବହୁ କୋଟି ଟଙ୍କାର ଗଞ୍ଜେଇ ଗଛ ପୋଡ଼ି ନଷ୍ଟ କରାଯାଇଛି । ପୋଲିସ, ଅବକାରୀ, ରାଜସ୍ୱ ବିଭାଗ ପକ୍ଷରୁ ଚଢ଼ାଉ କରାଯାଇ ପାଖାପାଖି ୧୫ କୋଟି ଟଙ୍କାର ଗଞ୍ଜେଇ ଗଛ କାଟି ପୋଡ଼ି ନଷ୍ଟ କରାଯାଇଛି । ୬୨ ଏକର ପରିମିତ ଜଙ୍ଗଲ  ଜମିରୁ ଲକ୍ଷାଧିକ ଗଞ୍ଜେଇ ଗଛକୁ  କଟର ମେସିନ୍‍ ସହାୟତାରେ କାଟି ପୋଡ଼ି ନଷ୍ଟ କରିଥିଲେ ।

ନଷ୍ଟ ଗଛର ଆନୁମାନିକ ମୂଲ୍ୟ ପ୍ରାୟ ୧୫ କୋଟି ହେବ ବୋଲି ଥାନା ସୂତ୍ରରୁ ଜଣାପଡ଼ିଛି । ଏହି ସମୟରେ ଅବକାରୀ ବିଭାଗ, ଗଜପତି ଥାନା ଅଧିକାରୀ ଓ ରାଜସ୍ୱ ଅଧିକାରୀ ଉପସ୍ଥିତ ଥିଲେ ।