ସେ ମୋ ପରିବାରର ଏକ ଅଂଶ ଥିଲେ...

କାହିଁକି ଓଡ଼ିଆ ମହିଳାଙ୍କ ଅନ୍ତିମ ସଂସ୍କାର କଲେ ଗମ୍ଭୀର ?

ନୂଆଦିଲ୍ଲୀ: ଦେଶରେ ଲକଡାଉନ୍ ଜାରି ରହିଥିବା ବେଳେ ଭାରତୀୟ ଦଳର ପୂର୍ବତନ କ୍ରିକେଟର ତଥା ବିଜେପି ସାଂସଦ ଗୌତମ ଗମ୍ଭୀର ମାନବିକତା ଦେଖାଇଛନ୍ତି । ଗମ୍ଭୀର ଜଣେ ଓଡ଼ିଆ ମହିଳାଙ୍କ ଅନ୍ତିମ ସଂସ୍କାର କରିଛନ୍ତି, ଯିଏ ଗତ ୬ ବର୍ଷ ହେଲା ତାଙ୍କ ଘରେ ଆୟା ଭାବେ କାମ କରୁଥିଲେ । ମୃତ ମହିଳା ତାଙ୍କ ପରିବାରର ଜଣେ ଅଂଶବିଶେଷ ଥିଲେ ବୋଲି ଟ୍ୱିଟ ସେ କରିଥିଲେ । ଆଉ ଏ ଖବର ସାମ୍ନାକୁ ଆସିବା ପରେ ବିଭିନ୍ନ ମହଲରୁ ଗମ୍ଭୀରଙ୍କୁ ଧନ୍ୟବାଦ ଦିଆଯାଉଛି । 

ଯାହା ଜଣାପଡ଼ିଛି, ଯାଜପୁର ଜିଲ୍ଲା ବ୍ୟାସନଗର ଅଞ୍ଚଳର ସରସ୍ୱତୀ ପାତ୍ର ଗତ ୬ ବର୍ଷ ଗମ୍ଭୀରଙ୍କ ଘରେ କାମ କରୁଥିଲେ । ତେବେ କିଛି ବର୍ଷ ହେବ ସେ ଡାଇବେଟିସ୍ ଏବଂ ବ୍ଲଡ ପ୍ରେସର ରୋଗରେ ପୀଡ଼ିତ ଥିଲେ । ଗତ ମଙ୍ଗଳବାର ତାଙ୍କର ଗଙ୍ଗୁରାମ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା । ହେଲେ ଲକଡାଉନ୍ ଯୋଗୁଁ ମୃତଦେହ ଓଡ଼ିଶାକୁ ନେବା ସମ୍ଭବ ନଥିଲା । ତେଣୁ ନିଜେ ଅନ୍ତିମ ସଂସ୍କାର କରିଥିଲେ ଗୌତମ୍ । 

ଗମ୍ଭୀର ନିଜର ଟ୍ୱିଟରେ ଲେଖିଥିଲେ, ''ସେ(ମୃତ ମହିଳା) ଆମ ପରିବାରର ଅଂଶବିଶେଷ ଥିଲେ । ତାଙ୍କ ଅନ୍ତିମ ସଂସ୍କାର କରିବା ମୋର କର୍ତ୍ତବ୍ୟ । ଜାତି, ଧର୍ମ ଏବଂ ସାମାଜିକ ପ୍ରତିଷ୍ଠା ନିର୍ବିଶେଷରେ ମୁଁ ଗରିମା ଉପରେ ବିଶ୍ୱାସ ରଖେ । ମୋ ପାଇଁ ଉତ୍ତମ ସମାଜ ଗଢ଼ିବାକୁ ଏହି ତରିକା ରହିଛି । ମୋ ବିଚାରରେ ଏ ହେଉଛି ଭାରତ । ଓମ୍ ଶାନ୍ତି ।'' 

Add Zee News as a Preferred Source

Taking care of my little one can never be domestic help. She was family. Performing her last rites was my duty. Always believed in dignity irrespective of caste, creed, religion or social status. Only way to create a better society. That’s my idea of India! Om Shanti pic.twitter.com/ZRVCO6jJMd

— Gautam Gambhir (@GautamGambhir) April 23, 2020