close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ପବନ ଏମିତି ହୋଇଛି ବିଷାକ୍ତ, 'ଭଗବାନ'ଙ୍କୁ ମଧ୍ୟ ଦେଖାଯାଉନି ଦିଲ୍ଲୀ!

ଦେଶର ରାଜଧାନୀ ଦିଲ୍ଲୀ ବର୍ତ୍ତମାନ ସମୟରେ ଏକ ଗ୍ୟାସ ଚେମ୍ୱରରେ ପରିବର୍ତ୍ତିତ ହୋଇସାରିଛି । ଏଠାକାର ବିଷାକ୍ତ ପବନ ଯୋଗୁଁ ଚାରିଆଡ଼େ ହାହାକାର ଲାଗିଛି । ଏଠାରେ ଶ୍ୱାସ ନେବା ଲୋକଙ୍କ ପାଇଁ ବିପଦ ପାଲଟିଛି । ଏହା ପ୍ରଭାବ ଛୋଟ ଶିଶୁଙ୍କ ଉପରେ ନ ପଡେ, ସେଥିପାଇଁ ଦିଲ୍ଲୀ ସରକାର ନଭେମ୍ୱର ୫ ଯାଏ ସ୍କୁଲ ଛୁଟି ଘୋଷଣା କରିଛି । ଏହାସହ ସରକାର ନିର୍ମାଣ କାର୍ଯ୍ୟ ଉପରେ ମଧ୍ୟ ରୋକ ଲଗାଇଛି ।

ପବନ ଏମିତି ହୋଇଛି ବିଷାକ୍ତ, 'ଭଗବାନ'ଙ୍କୁ ମଧ୍ୟ ଦେଖାଯାଉନି ଦିଲ୍ଲୀ!
ଫଟୋ ସୌଜନ୍ୟ: ସୋସିଆଲ ମିଡିଆ

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀ ବର୍ତ୍ତମାନ ସମୟରେ ଏକ ଗ୍ୟାସ ଚେମ୍ୱରରେ ପରିବର୍ତ୍ତିତ ହୋଇସାରିଛି । ଏଠାକାର ବିଷାକ୍ତ ପବନ ଯୋଗୁଁ ଚାରିଆଡ଼େ ହାହାକାର ଲାଗିଛି । ଏଠାରେ ଶ୍ୱାସ ନେବା ଲୋକଙ୍କ ପାଇଁ ବିପଦ ପାଲଟିଛି । ଏହା ପ୍ରଭାବ ଛୋଟ ଶିଶୁଙ୍କ ଉପରେ ନ ପଡେ, ସେଥିପାଇଁ ଦିଲ୍ଲୀ ସରକାର ନଭେମ୍ୱର ୫ ଯାଏ ସ୍କୁଲ ଛୁଟି ଘୋଷଣା କରିଛି । ଏହାସହ ସରକାର ନିର୍ମାଣ କାର୍ଯ୍ୟ ଉପରେ ମଧ୍ୟ ରୋକ ଲଗାଇଛି ।

ସ୍ଥିତି ଏତେ ଜଟିଳ ହୋଇ ପଡିଛି ଯେ ଦିଲ୍ଲୀରେ ହେଲଥ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଛି । ଘନ ଧୂଆଁ ଭିତରେ ଇଣ୍ଡିଆ ଗେଟ, ରାୟସୀନା ହିଲ, ଲାଲ କିଲା, ସଂସଦ ଭବନ, ଅକ୍ଷରଧାମ ମନ୍ଦିର ଆଦି ଲୁଚି ଯାଇଛି । ସବୁ ଆଡ଼େ କେବଳ ଧୂଆଁର ଚାଦର ବିଛେଇ ହୋଇ ରହିଛି । ଏହି ଧୂଆଁ ସମଗ୍ର ଦିଲ୍ଲୀକୁ ନିଜ ଚାଦରରେ ଘୋଡ଼େଇ ରଖିଛି ।

ଦିଲ୍ଲୀର ଏହି ପରିସ୍ଥିତିକୁ ଦେଖି ସୋସିଆଲ ମିଡିଆରେ ଆଲୋଚନା ଆରମ୍ଭ ହୋଇଯାଇଛି । ଗଡ ନାମକ ଏକ ଟ୍ୱିଟର ଏକାଉଣ୍ଟରୁ ଟ୍ୱିଟ କରାଯାଇଛି । ସେଥିରେ ଲେଖାଯାଇଛି ଯେ ହେ ଦିଲ୍ଲୀ! କଣ ତୁମ ଭୂମିରେ ଅଛ? ମୁଁ ତୁମକୁ ଦେଖି ପାରୁନାହିଁ । ଏହି ଟ୍ୱିଟ ପରେ ସାରା ଦୁନିଆରୁ ରିଟ୍ୱିଟର ବର୍ଷା ହେବା ଆରମ୍ଭ ହୋଇଯାଇଛି । ଏହି ଟ୍ୱିଟର ଏକାଉଣ୍ଟର ୬୦ ଲକ୍ଷ ଫୋଲୋଅର୍ସ ରହିଛି ।

ଦିଲ୍ଲୀର ଆନନ୍ଦ ବିହାରରେ ଏୟର କ୍ୱାଲିଟି ଇନଡେକ୍ସ(ଏକ୍ୟୁଆଇ) ୪୬୪ ରହିଛି । ଯାହା ଅତି ବିପଦଜନକ ସ୍ତରରେ ରହିଛି । ସେହିପରି ଦିଲ୍ଲୀକୁ ଲାଗି ରହିଥିବା ହରିୟାଣାର ହିସାରରେ ବାୟୁ କ୍ୱାଲିଟି ଇନଡେକ୍ସ ୮୨୫ ଓ ନୋଏଡାରେ ୬୩୮ ଯାଏ ପହଞ୍ଚିଯାଇଛି । ଏହା ଯୋଗୁଁ ଲୋକଙ୍କୁ ଶ୍ୱାସ ନେବାରେ ବହୁ କଷ୍ଟ ହେଉଛି । ବର୍ତ୍ତମାନ ଦିଲ୍ଲୀ ବିଧାନସଭା ନିର୍ବାଚନ ପୂର୍ବରୁ ଏହି ବିଷୟକୁ ନେଇ ରାଜନୀତି ଆରମ୍ଭ ହୋଇଯାଇଛି । କ୍ଷମତାଧାରୀ ଆମ ଆଦମୀ ପାର୍ଟି(ଆପ) ଓ ବିରୋଧୀ ବିଜେପି ଦୁହେଁ ମାସ୍କ ବାଣ୍ଟିବାରେ ଲାଗି ପଡିଛି ।