ସୁନା ଦରରେ ବଡ଼ ପରିବର୍ତ୍ତନ

ନୂଆଦିଲ୍ଲୀ: କୋରୋନା ପାଇଁ ଅନ୍ତର୍ଜାତୀୟ ବଜାରରେ ବେଶ ଅସ୍ଥିରତା ପ୍ରକାଶ ପାଇଛି। ଫଳରେ ସୂନା ବଜାର ମଧ୍ୟ କୋରୋନା ପାଇଁ ପ୍ରଭାବିତ ହୋଇଛି। ଏହାର ପ୍ରଭାବ ଭାରତୀୟ ସୁନା ବଜାର ଉପରେ ମଧ୍ୟ ପଡ଼ିଛି। ବିଗତ କିଛି ଦିନ ଧରି ସୁନା ଦର ସାମାନ୍ୟ ବୃଦ୍ଧି ପାଇ ଆସୁଥିବା ବେଳେ ଆଜି ରେକର୍ଡ ବୃଦ୍ଧି ଘଟିଛି। ଫଳରେ ଆକାଶ ଛୁଆଁ ହୋଇଛି ସୁନା। 

ଇଣ୍ଡିଆନ ବୁଲିଅନ ସ୍ୱର୍ଣ୍ଣାଳଙ୍କାର ଆସୋସିଏସନ ଅନୁଯାୟୀ ବୁଧବାର  ୯୯୯ ମାନକ ସୁନା ଦରରେ ୫୦୨ ଟଙ୍କା ବୃଦ୍ଧି ପାଇଁ ଫଳରେ ଏହି ମାନକ ସୁନା ୧୦ ଗ୍ରାମ ପ୍ରତି ଦର ୪୬୫୩୬  ଟଙ୍କାରେ ପହଞ୍ଚିଛି। ସେହିପରି ୯୯୫ ମାନକ ସୁନାରେ ୧୦ ଗ୍ରାମ ପ୍ରତି ୫୦୦ ଟଙ୍କା  ବୃଦ୍ଧି ପାଇଁ ୪୬୩୫୦ ଟଙ୍କାରେ ପହଞ୍ଚିଛି। ୯୧୬ ମାନକ ସୁନା ଦରରେ ମଧ୍ୟ ବୃଦ୍ଧି ପାଇଛି। ଏହି ମାନକ ସୁନାରେ ୧୦ ଗ୍ରାମ ପ୍ରତି ୪୬୦ ଟଙ୍କା ବୃଦ୍ଧି ପାଇ ବିକ୍ରି ଦର ୪୨୬୨୭ ଟଙ୍କାରେ ପହଞ୍ଚିଛି। 

ସୂଚନାଯୋଗ୍ୟ ଏହି ଆସୋସିଏସ ଦିନରେ ଦୁଇଥର ସୁନା ଦର ସମ୍ପର୍କରେ ସୂଚନା ଦେଇଥାଏ। ଆସୋସିଏସନର ଦିଲ୍ଲୀ ପ୍ରଭାରୀ ରାଜେସ ଖୋସଲା କହିଛନ୍ତି କି ଦେଶସାରା ମୋଟ ୧୪ଟି ଶାଖା ରହିଛି। ଏମାନେ ଦେଶର ପ୍ରମୁଖ ସହରରେ ସୁନାର କରେଣ୍ଟ ରେଟ ସମ୍ପର୍କରେ ସୁଚନା ଦେଇଥାନ୍ତି। 

Add Zee News as a Preferred Source

ଚାନ୍ଦି ଦରରେ ମଧ୍ୟ ବୃଦ୍ଧି ଘଟିଛି। ଚାନ୍ଦି କିଲୋପିଛା ୧.୭ ପ୍ରତିଶତ ଅର୍ଥାତ ୧୧୦୦ ଟଙ୍କା ବୃଦ୍ଧି ପାଇଁ ୪୪୪୯୯ ଟଙ୍କାରେ ପହଞ୍ଚିଛି। ସେହିପରି ଜୁଲାଇ ମାସ ଡେଲିଭରି ପାଇଁ ୧।୫୪ ଟଙ୍କା ବୃଦ୍ଧି ପାଇଁ ୪୪୮୪୦ ଟଙ୍କାରେ ପହଞ୍ଚିଛି। ଏଥିପାଇଁ ୮୩୬ ଲଟ କାରବାର ହୋଇଥିବା ସୂଚନା ରହିଛି। ଅନ୍ତର୍ଜାତୀୟ ସ୍ତରରେ ନ୍ୟୁୟର୍କରେ ଚାନ୍ଦି ୧।୭୮ ପ୍ରତିଶତ ହ୍ରାସ ପାଇଁ ୧୬.୦୫ ଡଲାରରେ ବିକ୍ରି ହେଉଛି।