୨ ଦିନ ପରେ କମିଲା ସୁନା-ରୁପା ଦର, ଜାଣନ୍ତୁ ଆଜିର ରେଟ୍

ନୂଆଦିଲ୍ଲୀ: ସୁନା-ରୂପା ନିବେଶକମାନଙ୍କ ପାଇଁ ଏକ ଭଲ ଖବର ଅଛି । ଅନ୍ତର୍ଜାତୀୟ ସ୍ତରରେ ହଳଦିଆ ଧାତୁର ବୃଦ୍ଧି ମଧ୍ୟରେ ଦିଲ୍ଲୀର ସର୍ରାଫା ବଜାରରେ ଦୁଇ ଦିନିଆ ଛୁଟି ପରେ ବୁଧବାର ଦିନ ସୁନା 10 ଗ୍ରାମ ପିଛା 595 ଟଙ୍କା ହ୍ରାସ ପାଇଛି । ଫଳରେ 10 ଗ୍ରାମ ସୁନା ମୂଲ୍ୟ 44,815 ଟଙ୍କାରେ ପହଞ୍ଚିଛି । ରୁପା ମୂଲ୍ୟରେ ମଧ୍ୟ 1,200 ଟଙ୍କା ହ୍ରାସ ପାଇଁ କିଲୋଗ୍ରାମ ପିଛା 47,150 ଟଙ୍କା ହୋଇଛି । 

ଏଠାରେ କହି ରଖୁଛୁ ଯେ, କରୋନା ଭୟ ସାରା ବିଶ୍ୱର ଷ୍ଟକ୍ ମାର୍କେଟରେ ହ୍ରାସ, ଡଲାର ତୁଳନାରେ ଟଙ୍କା ଦୁର୍ବଳ ହେବା ଏବଂ ନିରାପଦ ପୁଞ୍ଜି ବିନିଯୋଗର ସନ୍ଧାନ ହେତୁ ଆସନ୍ତା ଦିନରେ 10 ଗ୍ରାମ ପ୍ରତି ସୁନା ହାର 50000 ଟଙ୍କା ଅତିକ୍ରମ କରିବ ବୋଲି ଆଶା କରାଯାଉଛି ।

ସୋମବାର ଏବଂ ମଙ୍ଗଳବାର ବୈଦେଶିକ ବଜାରରେ ହ୍ରାସର ପ୍ରଭାବ ଆଜି ସ୍ଥାନୀୟ ବଜାରରେ ଦେଖାଯାଇଛି । ତେବେ ଲଣ୍ଡନ ଏବଂ ନ୍ୟୁୟର୍କରୁ ମିଳିଥିବା ସୂଚନା ଅନୁଯାୟୀ ଆଜି ସୁନା ମୂଲ୍ୟରେ 10.35 ଡଲାରରେ ବୃଦ୍ଧି ହୋଇ 1,662.45 ଡଲାର ପ୍ରତି ଆଉନ୍ସ ପହଞ୍ଚିଛି । ଏପ୍ରିଲ୍ ପାଇଁ ଆମେରିକାର ସୁନା ଫ୍ୟୁଚର 3.40 ଡଲାରରେ ବୃଦ୍ଧି ହୋଇ 1,663.70 ଡଲାର ପ୍ରତି ଆଉନ୍ସ ରହିବ ବୋଲି କୁହାଯାଇଛି ।

ମାର୍କେଟ ବିଶ୍ଳେଷକମାନେ କହିଛନ୍ତି ଯେ କରୋନା ଭୂତାଣୁ ମୁକାବିଲା ପାଇଁ ଆମେରିକା ସରକାର ପ୍ରଦାନ କରୁଥିବା ପ୍ରୋତ୍ସାହନ ପାଇବାରେ ବିଳମ୍ବ ହେତୁ ହଳଦିଆ ଧାତୁର ମୂଲ୍ୟରେ ଗତି ଲାଭ କରିଛି । ଏହି ସମୟ ମଧ୍ୟରେ, ରୁପା ହାଜିରରେ 0.06 ରୁ 16.99 ଡଲାରରେ ପହଞ୍ଚିଥିଲା ​​। ସୋମବାର ଦିଲ୍ଲୀର ଶେୟାର ବଜାରରେ ସୁନା ମୂଲ୍ୟ 10 ଗ୍ରାମ ପିଛା 45,063 ଟଙ୍କା ଛୁଇଁଥିଲା । ସୋମବାର ରୁପା ମୂଲ୍ୟ 710 ଟଙ୍କା ହ୍ରାସ ପାଇ ହାଜିର ବଜାରରେ କିଲୋଗ୍ରାମ ପିଛା 47,359 ଟଙ୍କା ଥିଲା ।