ଓଡ଼ିଆ ପୁଅଙ୍କ ନିର୍ଦ୍ଦେଶନାରେ କାମ କରିବେ 'ଗୋବିନ୍ଦା'

ଆସନ୍ତା ସପ୍ତାହରେ ଆରମ୍ଭ ହେବ ସୁଟିଂ

ଓଡ଼ିଆ ପୁଅଙ୍କ ନିର୍ଦ୍ଦେଶନାରେ କାମ କରିବେ 'ଗୋବିନ୍ଦା'
ଓଡ଼ିଆ ପୁଅଙ୍କ ନିର୍ଦ୍ଦେଶନାରେ କାମ କରିବେ 'ଗୋବିନ୍ଦା'

ସୌଭାଗ୍ୟ ରଞ୍ଜନ ମିଶ୍ର, ନୂଆଦିଲ୍ଲୀ: ଏକ ଘରୋଇ ମୋବାଇଲ୍ ଆପ୍ ର  ବିଜ୍ଞାପନରେ ବ୍ରାଣ୍ଡ୍ ଆମ୍ୱାସଡର ଭାବେ ନଜର ଆସିବେ ବଲିଉଡ କମେଡି କିଙ୍ଗ୍ ଗୋବିନ୍ଦା , ଏନେଇ ନିକଟରେ ମୁମ୍ୱାଇର ଏକ ଷ୍ଟାର୍ ହୋଟେଲରେ ଚୁକ୍ତି ସ୍ୱାକ୍ଷର ହୋଇଥିବା ବେଳେ ବିଜ୍ଞାପନଟିକୁ ନିର୍ଦ୍ଦେଶନା ଦେଉଛନ୍ତି ଓଡ଼ିଆ ପୁଅ ଅଶ୍ୱିନ୍ ତ୍ରିପାଠୀ । ପୂର୍ବରୁ ଅନେକ ବିଜ୍ଞାପନ, ମ୍ୟୁଜିକ୍ ଭିଡିଓ ସହ ଆହୁରୀ ଅନେକ ପ୍ରୋଜେକ୍ଟରେ ନିର୍ଦ୍ଦେଶନା ଦେବା ପରେ ଯୁବ ନିର୍ଦ୍ଦେଶକ ଅଶ୍ୱିନ୍ ଏବେ ମୁମ୍ୱାଇରେ ନିଜର କାୟା ବିସ୍ତାର କରିଥିବାରୁ ତାଙ୍କ ପାଖକୁ ଅଭିନନ୍ଦନର ସୁଅ ଛୁଟିବାରେ ଲାଗିଛି । ନିଜର ଏକ ପ୍ରଡକ୍ସନ ହାଉସ ନିର୍ମାଣ କରି ଜୁଏଲାରୀ ବ୍ରାଣ୍ଡ୍ ରୁ ଆରମ୍ଭ କରି ମୋବାଇଲ୍ ଆପର ବ୍ରାଣ୍ଡ୍ ପର୍ଯ୍ୟନ୍ତ ଅନେକ ଗୁଡ଼ିଏ ବିଜ୍ଞାପନରେ ନିର୍ଦ୍ଦେଶନା ଦେଇଥିବା ଅଶ୍ୱିନଙ୍କ କାମରେ ବଲିଉଡ୍ କମେଡି କିଙ୍ଗ୍ ଗୋବିନ୍ଦା ମଧ୍ୟ ଫିଦା ହୋଇଥିବା ଦେଖିବାକୁ ମିଳିଛି ।

 
ତେବେ ବିଜ୍ଞାପନଟିର ସୁଟିଂ ଆସନ୍ତା ସପ୍ତାହରେ ଆରମ୍ଭ ହେବାକୁ ଥିବାବେଳେ ତାହା ଦେଶର ପ୍ରମୁଖ ଟେଲିଭିଜନ୍ ଚ୍ୟାନେଲ୍ ମାନଙ୍କରେ ପ୍ରସାରିତ ହେବ ବୋଲି ସୂଚନା ମିଳିଛି ।