ସରକାରଙ୍କର 5Tକୁ ଲଖନପୁରରେ ଅଣଦେଖା

ସରକାରଙ୍କର 5Tକୁ ଲଖନପୁରରେ ଅଣଦେଖା

ସରକାର ଙ୍କର 5T କୁ ଲଖନପୁର ବ୍ଲକ ରେ ଅଣଦେଖା । ପିସି କାରବାର ବନ୍ଦ କରିବା ପାଇଁ ସରକାର ବିଭିନ୍ନ ପଦକ୍ଷେପ ନେଉଥିବା ବେଳେ ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକରେ ସରକାରଙ୍କ ପିସି ବରୋଧୀ ପଦକ୍ଷେପକୁ ଠେଙ୍ଗା ଦେଖାଉଛନ୍ତି କନିଷ୍ଠ ଯନ୍ତ୍ରୀ ଏବଂ ଜିଆରଏସ 

ସରକାରଙ୍କର 5Tକୁ ଲଖନପୁରରେ ଅଣଦେଖା

ମୁକେଶ ପ୍ରଧାନ, ଲଖନପୁର: ସରକାର ଙ୍କର 5T କୁ ଲଖନପୁର ବ୍ଲକ ରେ ଅଣଦେଖା । ପିସି କାରବାର ବନ୍ଦ କରିବା ପାଇଁ ସରକାର ବିଭିନ୍ନ ପଦକ୍ଷେପ ନେଉଥିବା ବେଳେ ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକରେ ସରକାରଙ୍କ ପିସି ବରୋଧୀ ପଦକ୍ଷେପକୁ ଠେଙ୍ଗା ଦେଖାଉଛନ୍ତି କନିଷ୍ଠ ଯନ୍ତ୍ରୀ ଏବଂ ଜିଆରଏସ । ଘଟଣା ଘଟିଛି ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକରେ । ଗତ କିଛି ଦିନ ହେଲା ଆବାସ ଯୋଜନାକୁ ନେଇ ମହା ଦୁର୍ନୀତି ହଉଥିବା ଖବର ଅଭିଯୋଗ ହଉଥିଲା ମାତ୍ର କୌଣସି ଏହାର ଠୋସ ପ୍ରମାଣ ମିଳି ପାରୁ ନ ଥିଲା । ତେବେ ଜଣେ ଯୁବକ ବ୍ଲକର ଜେଇଙ୍କୁ ଗୋଟି ଗୋଟି ପ୍ରଶ୍ନ କରି କିଭଳି GRS ଲକ୍ଷ ଲକ୍ଷ ଟଙ୍କା ହଡ଼ପ କରିନେଇଛନ୍ତି ତାହା ବର୍ଣ୍ଣନା କରିଛନ୍ତି। ଏହି ଭିଡିଓ ଭାଇରଲ ହେବା ପରେ ଏବେ ସବୁ ଆଡେ ଚର୍ଚ୍ଚା ହେଉଛି । ଜିଲ୍ଲାପାଳ କହିଛନ୍ତି ପ୍ରମାଣ ମିଳିଲେ ଆଇନଗତ କାର୍ଯ୍ୟାନୁଷ୍ଠାନ ହେବ । 

ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକ, ଜିଲ୍ଲା ସଦର ଠାରୁ ଲଖନପୁର ର ଶେଷ ସୀମାର ଦୂରତା ନବେ କିଲୋମିଟରରୁ ଅଧିକ । ତେଣୁ ସରକାରି ବରିଷ୍ଠ ଅଧିକାରୀଙ୍କର ଗସ୍ତ ବହୁତ କମ ଏ ଅଞ୍ଚଳରେ । ୩୩ ଟି ପଞ୍ଚାୟତକୁ ନେଇ ଗଠିତ ଏହି ବ୍ଲକରେ ତଳିଆ କର୍ମଚାରୀ ଏବଂ କୁଜି ନେତାଙ୍କର ରାଜ ଚାଲେ । ତେବେ ଆବାସ ଯୋଜନାରେ ହଉ ବା ମନରେଗା ଯୋଜନା ସବୁଠାରେ ଦୁର୍ନୀତି ହେଉଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । କିଛି ଦିନ ଆଗରୁ ଖୁସିରାମ ପ୍ରଧାନ ଏନେଇ ମୁହଁ ମଧ୍ୟ ଖୋଲିଥିଲେ ମାତ୍ର ସମୟ ଦେଖି ତାହା ଫାଇଲ ତଳେ ଚାପି ରହିଥିଲା । ଅଭିଯୋଗର କୌଣସି ସୁଫଳ ନ ମିଳିବାରୁ ଖୁସିରାମ ନିଜ ମୋବାଇଲରେ କନିଷ୍ଠ ଯନ୍ତ୍ରୀ ପ୍ରକାଶ ସାହୁଙ୍କର ଏକ ଭିଡିଓ ଉତ୍ତୋଳନ କରିଥିଲେ । ଏବଂ ଜିଆରଏସ (GRS) ପ୍ରଭାତ ସା କିଭଳି ଲକ୍ଷ ଲକ୍ଷ ଟଙ୍କା ହଡ଼ପ କରୁଛନ୍ତି ତାହା ଜେଇ ବଖାଣି ଥିଲେ। ଏବଂ ଅଳ୍ପ ଦିନରେ GRS ଲକ୍ଷପତି ହେବାର ରହସ୍ୟ ମଧ୍ୟ ଖୋଲିଦେଇଥିଲେ । ମାତ୍ର ଏସବୁ ଘଟଣାରେ ଜେଇଙ୍କର ଅବଦାନ ମଧ୍ୟ କମ ନୁହଁ । ସେ ମଧ୍ୟ ସବୁ ଜାଣିଶୁଣି ଚୁପ ନା GRSଙ୍କର ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଉଠାଇଛନ୍ତି ନା ଏଦିଗରେ ଉପରିସ୍ଥ ଅଧିକାରୀ ଙ୍କୁ ଜଣେଇବାକୁ ଚେଷ୍ଟା କରିଛନ୍ତି । ତେବେ ଲଖନପୁର ବ୍ଲକରେ ଟଙ୍କା ନ ଦେଲେ କାମ ହୁଏ ନାହିଁ । ଆଉ ୭ ହଜାର ଦରମା ପାଉଥିବା GRS ଆଜି ଲକ୍ଷପତି । ତେବେ ଏ ଘଟଣା ପରେ ସ୍ଥାନୀୟ ବାସିନ୍ଦା ଏହି ଆଶା ରଖିଛନ୍ତି କି ଏହାକୁ ନେଇ ଏକ ଉଚ୍ଚ ସ୍ଥରୀୟ ତଦନ୍ତ ହେବା ସହ ଏହି ଦୁର୍ନୀତିଗ୍ରସ୍ତ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ତେବେ ଆବାସ ଯୋଜନା ଖଣ୍ଡେ ପାଇଁ ୫ ହଜାର ଟଙ୍କା ଲାଞ୍ଚ ନିଆଯାଉଥିବା ମଧ୍ୟ ଅଭିଯୋଗ ହେଉଛି ।
 

Trending news