• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଭୁପେନ୍ଦ୍ର ହୁଡ୍ଡାଙ୍କ ବଡ଼ ବୟାନ, କହିଲେ ଆମକୁ ସଂଖ୍ୟା ଗରିଷ୍ଠତା ମିଳିଥାନ୍ତା ଯଦି...

ହରିୟାଣା ବିଧାନସଭା ନିର୍ବାଚନରେ 'ଅବକି ବାର ୭୫ ପାର'ର ନାରା ଦେଇଥିଲା ବିଜେପି । କିନ୍ତୁ ଦଳକୁ ଆଶା ମୁତାବକ ମିଳି ନାହିଁ ଆସନ । ଦଳ ପ୍ରଦର୍ଶନ କରିବାରେ ହୋଇଛି ଅସଫଳ । ଧାରା ୩୭୦ ଓ ରାଷ୍ଟ୍ରଭକ୍ତି ପରି ବିଷୟକୁ ନେଇ ନିର୍ବାଚନ ଲଢିଥିଲା ବିଜେପି । ଅନ୍ୟପକ୍ଷେ ସ୍ଥାନୀୟ ବିଷୟ ଓ ସମସ୍ୟାଗୁଡିକର ଅଣଦେଖା କରିଥିଲା ଦଳ । ଯାହାର ପରିଣାମ ଭୋଟ ଗଣତି ପରେ ମିଳିଥିଲା । 

ଭୁପେନ୍ଦ୍ର ହୁଡ୍ଡାଙ୍କ ବଡ଼ ବୟାନ, କହିଲେ ଆମକୁ ସଂଖ୍ୟା ଗରିଷ୍ଠତା ମିଳିଥାନ୍ତା ଯଦି...
BS HOODA IN PIC

ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନରେ 'ଅବକି ବାର ୭୫ ପାର'ର ନାରା ଦେଇଥିଲା ବିଜେପି । କିନ୍ତୁ ଦଳକୁ ଆଶା ମୁତାବକ ମିଳି ନାହିଁ ଆସନ । ଦଳ ପ୍ରଦର୍ଶନ କରିବାରେ ହୋଇଛି ଅସଫଳ । ଧାରା ୩୭୦ ଓ ରାଷ୍ଟ୍ରଭକ୍ତି ପରି ବିଷୟକୁ ନେଇ ନିର୍ବାଚନ ଲଢିଥିଲା ବିଜେପି । ଅନ୍ୟପକ୍ଷେ ସ୍ଥାନୀୟ ବିଷୟ ଓ ସମସ୍ୟାଗୁଡିକର ଅଣଦେଖା କରିଥିଲା ଦଳ । ଯାହାର ପରିଣାମ ଭୋଟ ଗଣତି ପରେ ମିଳିଥିଲା । 

ଚଳିତ ବିଧାନସଭା ନିର୍ବାଚନରେ ରାଜ୍ୟର ୯୦ ଆସନରୁ ବିଜେପିକୁ ୪୦ ଆସନରେ ସନ୍ତୁଷ୍ଟ ହେବାକୁ ପଡିଥିଲା । ଅନ୍ୟପକ୍ଷେ ଆଶ୍ଚର୍ଯ୍ୟଜନକ ଭାବେ କଂଗ୍ରେସ ପ୍ରଦର୍ଶନ କରି ୩୧ଟି ଆସନ ଜିତି ନେଇଛି । ସେହିପରି ହରିୟାଣା ରାଜନୀତିରେ ନୂଆ ଦଳ ଜେଜେପି କିଙ୍ଗ ମେକର ଭାବେ ପ୍ରଦର୍ଶନ କରି ୧୦ଟି ଆସନରେ ଜିତିବାରେ ସଫଳ ହୋଇଛି । ଏହି କ୍ରମରେ କଂଗ୍ରେସର ବରିଷ୍ଠ ନେତା ତଥା ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଭୁପେନ୍ଦ୍ର ସିଂହ ହୁଡ୍ଡା ତରଫରୁ ବଡ଼ ମନ୍ତବ୍ୟ ଆସିଛି । 

ହୁଡ୍ଡା କହିଛନ୍ତି ଯେ କଂଗ୍ରେସକୁ ଆଉଁ ଟିକେ ଅଧିକ ସମୟ ମିଳିଥିଲେ ସଂଖ୍ୟା ଗରିଷ୍ଠତା ମିଳିଥାନ୍ତା ।  ଏହି ଜନାଦେଶ ବିଜେପି ସରକାର ବିରୋଧରେ ଆସିଛି । ସମସ୍ତ ମିଶି ଏକ ମଜଭୁତ ସରକାର ଗଢିବାର ଆବଶ୍ୟକତା ରହିଛି । ଦୁଷ୍ୟନ୍ତ ଚୌଟାଲାଙ୍କୁ ଉପମୁଖ୍ୟମନ୍ତ୍ରୀ ପଦର କୌଣସି ଅଫର ଦେବା ଭଲି ଆଲୋଚନା କରାଯାଇ ନାହିଁ । ଏହା ଉପରେ ଏକାଠି ମିଳିତ ହୋଇ ଆଲୋଚନା କରିବୁ ବୋଲି ସେ କହିଛନ୍ତି । 

ସେ ଆହୁରି କହିଛନ୍ତି ଯେ, ସୋନିଆଜୀ ହେଉଛନ୍ତି ଆମର ନେତା । ସେ ମୋତେ ଫୋନ କରି ଶୁଭେଚ୍ଛା ଜଣାଇଛନ୍ତି । ମୁଖ୍ୟମନ୍ତ୍ରୀ କିଏ ହେବେ ତାହା ଦଳ, ବିଧାୟକ ଓ ମେଣ୍ଟ ତରଫରୁ ସ୍ଥିର ହେବ । ବର୍ତ୍ତମାନର ସରକାର ପ୍ରତି ସମସ୍ତ ବର୍ଗ ଅସନ୍ତୁଷ୍ଟ ଥିଲେ । ୨୦୧୪ରେ ବିଜେପି ୧୫୪ଟି ପ୍ରତିଶ୍ରୃତି କରିଥିଲେ, କିନ୍ତୁ ଗୋଟିଏ ହେଲେ ପୂରଣ କରି ନାହିଁ ।