close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଭୋଟ କାହାକୁ ଆଉ ସମର୍ଥନ କାହାକୁ, ଜବାବ ରଖିଲେ ଚୌଟାଲା

ହରିୟାଣାରେ ସରକାର ଗଢିଛି ବିଜେପି-ଜେଜେପି ମେଣ୍ଟ । ଯଦିଓ ନିର୍ବାଚନ ପୂର୍ବରୁ ଉଭୟ ଦଳ ମଧ୍ୟରେ କୌଣସି ବୁଝାମଣା ହୋଇନଥିଲା, ନିର୍ବାଚନର ଫଳାଫଳ ଦେଖି ମେଣ୍ଟ କରିଥିଲେ । ଜେଜେପିକୁ ଉପମୁଖ୍ୟମନ୍ତ୍ରୀ ପଦ ବି ମିଳିଲା । ତେବେ ଏହି ସୁବିଧାବାଦୀ ରାଜନୀତିକୁ ନେଇ ପ୍ରଶ୍ନ ଉଠାଇଥିଲା କଂଗ୍ରେସ । ଯାହାର ଜବାବ ରଖିଛନ୍ତି ହରିୟାଣାର ନବ ନିର୍ବାଚିତ ଉପମୁଖ୍ୟମନ୍ତ୍ରୀ ଦୁଷ୍ମନ୍ତ ଚୌଟାଲା ।

ଭୋଟ କାହାକୁ ଆଉ ସମର୍ଥନ କାହାକୁ, ଜବାବ ରଖିଲେ ଚୌଟାଲା
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ହରିୟାଣାରେ ସରକାର ଗଢିଛି ବିଜେପି-ଜେଜେପି ମେଣ୍ଟ । ଯଦିଓ ନିର୍ବାଚନ ପୂର୍ବରୁ ଉଭୟ ଦଳ ମଧ୍ୟରେ କୌଣସି ବୁଝାମଣା ହୋଇନଥିଲା, ନିର୍ବାଚନର ଫଳାଫଳ ଦେଖି ମେଣ୍ଟ କରିଥିଲେ । ଜେଜେପିକୁ ଉପମୁଖ୍ୟମନ୍ତ୍ରୀ ପଦ ବି ମିଳିଲା । ତେବେ ଏହି ସୁବିଧାବାଦୀ ରାଜନୀତିକୁ ନେଇ ପ୍ରଶ୍ନ ଉଠାଇଥିଲା କଂଗ୍ରେସ । ଯାହାର ଜବାବ ରଖିଛନ୍ତି ହରିୟାଣାର ନବ ନିର୍ବାଚିତ ଉପମୁଖ୍ୟମନ୍ତ୍ରୀ ଦୁଷ୍ମନ୍ତ ଚୌଟାଲା ।

ହରିୟାଣାରେ ସରକାର ଗଢିବାକୁ ସ୍ୱପ୍ନ ଦେଖୁଥିବା କଂଗ୍ରେସର ସବୁ ଅଙ୍କକୁ ଫେଲ କରିଦେଇଥିଲେ କିଛି ସ୍ୱାଧୀନ ବିଧାୟକ । ଏମାନେ ବିଜେପିରେ ମିଶିବା ପରେ ଜେଜେପି ମଧ୍ୟ ବିଜେପି ଆଡକୁ ଢଳିଥିଲା । ଆଉ ବିଜେପି-ଜେଜେପି ସରକାର ବି କଲେ । ଏହାକୁ ନେଇ ଜେଜେପିକୁ ସମାଲୋଚନା କରିଥିଲା କଂଗ୍ରେସ । ଲୋକେ ଭୋଟ କାହାକୁ ଦେଇଥିଲେ ଏବଂ ଜେଜେପି କାହାକୁ ସମର୍ଥନ କରୁଛି ବୋଲି ପ୍ରଶ୍ନ କରିଥିଲେ ବରିଷ୍ଠ କଂଗ୍ରେସ ନେତା ତଥା ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଭୂପେନ୍ଦ୍ର ସିଂହ ହୁଡ୍ଡା । ଆଉ ଆଜି ଏହାର ଜବାବ ଦେଇଛନ୍ତି ଜେଜେପି ମୁଖ୍ୟ । 

ଦୁଷ୍ମନ୍ତ ଚୌଟାଲା କହିଛନ୍ତି, ନା ଆମେ ବିଜେପି ପାଇଁ ଭୋଟ ମାଗିଥିଲୁ, ନା କଂଗ୍ରେସ ପାଇଁ । ଆମେ ଜନନାୟକ ଜନତା ପାର୍ଟି(ଜେଜେପି) ପାଇଁ ହିଁ ଭୋଟ ମାଗିଥିଲୁ । ଆଉ ଏବେ ହରିୟାଣାରେ ଏକ ସ୍ଥିର ସରକାର କରିବାକୁ ଜେଜେପି ଚାହେଁ । ଆଉ ଖାସ୍ ଏଥିପାଇଁ ହିଁ ବିଜେପି ସହ ମେଣ୍ଟ କରିଛୁ ବୋଲି ସେ କହିଛନ୍ତି । ଆମେ କଣ କଂଗ୍ରେସ ପାଇଁ ଭୋଟ ମାଗିଥିଲୁ କି ବୋଲି ପ୍ରଶ୍ନ ବି କରିଛନ୍ତି । 

ଆଜି ନିର୍ବାଚନମଣ୍ଡଳୀର ସାଧାରଣ ଲୋକଙ୍କୁ ଭେଟିଛନ୍ତି ହରିୟାଣା ଉପମୁଖ୍ୟମନ୍ତ୍ରୀ । ଏହି ଅବସରରେ ଦଳୀୟ କର୍ମକର୍ତ୍ତାଙ୍କ ପକ୍ଷରୁ ତାଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା ।