ଧଳା କେଶରୁ ମୁକ୍ତି ପାଇବା ପାଇଁ କରନ୍ତୁ ଏହି ଘରୋଇ ଉପଚାର

  ବର୍ତ୍ତମାନର ଜୀବନ ଶୈଳୀ ଏବଂ ବଦଳିବା ଖାଦ୍ୟପେୟ ଯୋଗୁଁ କେଶରେ ଧଳାପଣ ବଢ଼ିବାରେ ଲାଗିଛି ।  ହେଲେ ଆମେ ଆପଣଙ୍କୁ କିଛି ଘରୋଇ ଉପଚାର ବତାଇବାକୁ ଯାଉଛୁ ଯାହାଦ୍ୱାରା ଧଳା କେଶଠାରୁ ମୁକ୍ତି ମିଳିବ ।   

ଧଳା କେଶରୁ ମୁକ୍ତି ପାଇବା ପାଇଁ କରନ୍ତୁ ଏହି ଘରୋଇ ଉପଚାର

ପ୍ରଦ୍ୟୁମ୍ନ କୁମାର ମାଝୀ, ଭୁବନେଶ୍ୱର: ଆଜିକାଲି ଲୋକଙ୍କ ସବୁଠୁ ବଡ଼ ସମସ୍ୟା କେଶ ପାଚିଯିବା ବା ଧଳା କେଶ ।  ଅନେକ ସମୟରେ ଯୁବପିଢ଼ିଙ୍କ କେଶ ଧଳା ପାଇଁ ଚିନ୍ତିତ ରହିଥାନ୍ତି । ଏହି ଚିନ୍ତାକୁ ଧ୍ୟାନରେ ରଖି ଲୋକମାନେ ଧଳା କେଶକୁ ଦୂର କରିବାକୁ ଅନେକ ପ୍ରକାର ଉପାୟ ଆପଣାଇଥାନ୍ତି । ବଜାରରେ ଉପଲବ୍ଧ ରାସାୟନିକ ସାମଗ୍ରୀ ବ୍ୟବହାର କରିଥାନ୍ତି । ହେଲେ ରାସାୟନିକ ସାମଗ୍ରୀର ବ୍ୟବହାର ଦ୍ୱାରା ଧଳା କେଶ ସମସ୍ୟା ଦୂର ହୋଇଯାଇଥାଏ, ହେଲେ ପୁଣି କିଛି ଦିନ ବ୍ୟବଧାନରେ ପୂର୍ବ ପରି ସ୍ଥିତି ହୋଇଯାଇଥାଏ ।  ଆମେ କିଛି ଆପଣଙ୍କୁ ଘରୋଇ ଉପଚାର ବତାଇବୁ ଯାହାଦ୍ୱାରା ଧଳା କେଶକୁ ଦୂର କରିହେବ । 

ଧଳା କେଶ ପାଇଁ ଘରୋଇ ଉପଚାର: 
 ବିଶେଷଜ୍ଞ କହିବା ଅନୁଯାୟୀ ଗହଳିଆ ଏବଂ କଳା ଚକଚକ୍ କେଶ ସୁସ୍ଥ କେଶର ପରିଚୟ । ହେଲେ କେଶ ଯେବେ ଧଳା ହେବା ଲାଗିଥାଏ ଚିନ୍ତା ବଢ଼ିଯାଇଥାଏ ।  ଆମେ ଆପଣଙ୍କୁ ଧଳା କେଶରୁ ମୁକ୍ତି ପାଇବାକୁ କିଛି ଘରୋଇ ଟିପ୍ସ ବତାଇବୁ । ଯାହାକୁ ଆପଣାଇ ଧଳାକେଶ ସମସ୍ୟାରୁ ମୁକ୍ତି ମିଳିପାରିବ ।   

ଆଳୁର ଚୋପା ବ୍ୟବହାର: ସାଧାରଣ ଭାବେ ଆଳୁ ଚୋପା ଘରେ ମିଳିଯାଇଥାଏ । ଆଳୁର ଚୋପା ଘନ କଳା କେଶ ବଜାୟ ରଖିବାକୁ ସାହାଯ୍ୟ କରିଥାଏ ।  ଆଳୁର ଚୋପା ବ୍ୟବହାର ଦ୍ୱାରା କେଶର ରଙ୍ଗ ତୁରନ୍ତ କଳା ହୋଇନଥାଏ ।  ହେଲେ ଧିରେ ଧିରେ କେଶ କଳା କରିଥାଏ । ଏପରି କରିବାକୁ କିଛି ମାସ ଲାଗିଥାଏ । ଏକ ଜାଗାରେ ଆଳୁର ଚୋପା ଏକାଠି କରିନିଅନ୍ତୁ । ଏହି ଆଳୁ ଚୋପାକୁ ୨ କପ୍ ପାଣିରେ ପକାଇ ଭଲଭାବେ ନିଆଁରେ ସିଝାଇ ନିଅନ୍ତୁ ।  ପାଖାପାଖି ୧୦ ମିନିଟ୍ ସିଝାଇବା ପରେ ଥଣ୍ଡା ହେବାକୁ ରଖିଦିଅନ୍ତୁ ।  ଥଣ୍ଡା ହେବାପରେ ତାହାକୁ କେଶରେ ଲଗାଇ ଅଧଘଣ୍ଟା ଯାଏଁ ରହିବାକୁ ଦିଅନ୍ତୁ ।  ଏହା ପରେ ସାଧାରଣ ପାଣିରେ କେଶକୁ ଧୋଇନିଅନ୍ତୁ ।   

ଘିଅର ବ୍ୟବହାର: 
ଘିଅର ବ୍ୟବହାର କେବଳ ପରଠା, ହାଲୁଆ ଅବଂ ଅନ୍ୟ ଖାଦ୍ୟପଦାର୍ଥ ତିଆରି ପାଇଁ ବ୍ୟବହାର ହୋଇନଥାଏ ।  ଆପଣ କେଶର ରଙ୍ଗ କଳା ରଖିବାକୁ ମଧ୍ୟ ବ୍ୟବହାର କରିପାରିବେ । ଧଳା କେଶକୁ କଳା କରିବା ପାଇଁ ସବୁଠୁ ଭଲ ଉପାୟ ତେଲ ଭଳି ମୁଣ୍ଡରେ ଲଗାନ୍ତୁ । ଘିଅକୁ କେଶରେ ଲଗାଇ ୧ ଘଣ୍ଟା ଛାଡ଼ିଦିଅନ୍ତୁ । ଏହାପରେ କେଶକୁ ଧୋଇଦିଅନ୍ତୁ । ସପ୍ତାହକୁ ଏପରି ୨ଥର କରିବା ଦ୍ୱାରା ଧଳା କେଶ ଦୂର ହୋଇଯାଇଥାଏ । 

କଫିର ବ୍ୟବହାର:
 କଫିର ବ୍ୟବହାର ଦ୍ୱାରା ନା କେବଳ କେଶର ରଙ୍ଗ କଳା ରହିଥାଏ, ଏହାଦ୍ୱାରା ମଜଭୂତ ଏବଂ କେଶକୁ ଚମକଦାର୍ କରିବାକୁ ଭଲ ଭୂମିକା ନିଭାଇଥାଏ ।  କଫିର ବ୍ୟବହାର ଦ୍ୱାରା ପୂର୍ବରୁ ପ୍ରଥମେ କେଶର ଲମ୍ୱ ହିସାବରେ ୨ରୁ ୩ ଚାମଚ କଫି ପାଉଡର ନିଅନ୍ତୁ । ଆପଣ ଧ୍ୟାନ ରଖନ୍ତୁ କଫି ଗହିରିଆ ରଙ୍ଗ ଓ ସ୍ୱାଦହୀନ ହୋଇଥିବା ଆବଶ୍ୟକ । କଫି କୁ ୧୦୦-୧୫୦ ମିଲିଗ୍ରାମ ପାଣିରେ ମିଳାଇ ଦିଅନ୍ତୁ ।  ଏହାପରେ ତାକୁ ଗରମ କରନ୍ତୁ, ଏହାକୁ ଭଲଭାବେ ମିଶିଯିବା ଓ କଳା ହେବାଯାଏଁ ଫୁଟାନ୍ତୁ । ତାହାକୁ ଥଣ୍ଡାହେବା ପରେ ମୁଣ୍ଡରେ ଲଗାନ୍ତୁ ଏବଂ ୪୫ ମିନିଟ୍ ରଖିବା ପରେ କେଶକୁ ଧୋଇନିଅନ୍ତୁ । 

ଅଁଳା ବ୍ୟବହାର: ଭିଟାମିନ୍ ସିରେ ଭରପୁର ଅଁଳା କେଶ ପାଇଁ ବହୁତ ଭଲ ଅଟେ । ଏହାର ବ୍ୟବହାର ଦ୍ୱାରା କେଶ କଳା ହେବା ସହ ଦୃତଗତିରେ ବଢ଼ିଥାଏ । ଏହା ସହ କେଶ ଚମକଦାର ଓ ଗହଳିଆ ହୋଇଥାଏ । 

ଏହାର ବ୍ୟବହାର କରିବାର ସଠିକ ଉପାୟ
ଅଁଳା ପାଉଡରକୁ ନଡ଼ିଆ ତେଲରେ ମିଶାଇ ଭଲଭାବେ ନିଆଁରେ ଫୁଟାଇ ଦିଅନ୍ତୁ ।  ଥଣ୍ଡାହେବାକୁ ରଖିଦିଅନ୍ତୁ । ଏହି ଅଁଳା ଯୁକ୍ତ ନଡ଼ିଆ ତେଲକୁ ମୁଣ୍ଡରେ ଲଗାଇ ୩୦-୪୦ ମିନିଟ୍ ଯାଏଁ ରହିବାକୁ ଦିଅନ୍ତୁ । ଏହାପରେ ସାଧାରଣ ପାଣିରେ ମୁଣ୍ଡକୁ ଧୋଇଦିଅନ୍ତୁ । ସାବୁନ ଓ ସାମ୍ପୋଠାରୁ କେଶକୁ ଦୂରେଇ ରଖିବା ଭଲ ।

ଏହାକୁ ଛାଡ଼ିଦେଲେ ଅନ୍ୟ ଏକ ଉପାୟ ମଧ୍ୟ ରହିଛି । ୪ଚାମଚ ଅଁଳା ପାଉଡର ନେଇ ୨ଚାମଚ ପାଣି ଏବଂ ୧ ଚାମଚ ଲେମ୍ୱୁ ରସ ମିଶ୍ରଣ କରିନିଅନ୍ତୁ । ଏହାକୁ  ମିଶ୍ରଣ କରି ଭଲଭାବେ ଘୋଳ ତିଆରି କରନ୍ତୁ। ୧ ଘଣ୍ଟା ପରେ ଏହି ଘୋଳ ବା ପେଷ୍ଟକୁ କେଶରେ ଭଲଭାବେ ଲଗାଇଦିଅନ୍ତୁ । ୨୦-୨୫ ମିନିଟ୍ ମୁଣ୍ଡରେ ରହିବା ପରେ ପାଣିରେ ମୁଣ୍ଡକୁ ଭଲଭାବେ ଧୋଇ ନିଅନ୍ତୁ । 

ଵିଦ୍ର: ଏସବୁ ବ୍ୟବହାର କରିବା ପୂର୍ବରୁ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ ।