ତ୍ରାହି ଡାକୁଛି ବିଶ୍ୱ, ମୁନାଫା କମାଇବା ଚକ୍କରରେ ଚୀନ...

ପ୍ରଥମେ ସମଗ୍ର ବିଶ୍ୱରେ କୋରୋନା ଛାଡ଼ିଲା...ଆଉ ଏବେ ଆର୍ଥିକ ମାନ୍ଦାବସ୍ଥାର ଫାଇଦା ନେବାକୁ ଉଦ୍ୟମ...ତ୍ରାହି ଡାକୁଛନ୍ତି ୟୁରୋପୀୟ ଦେଶ, ମୁନାଫା କମାଇବା ଚକ୍କରର ଚାଇନିଜ କମ୍ପାନୀ...

ନୂଆଦିଲ୍ଲୀ: କୋରୋନା ଯୋଗୁ ବିଶ୍ୱ ଅର୍ଥନୀତି ଅବସାଦର ଛାଇରେ ଅଛି, କିନ୍ତୁ ଏପରି ଏକ ଦେଶ ଅଛି ଯାହା ଏହାର ଫାଇଦା ନେବାକୁ ସମ୍ପୂର୍ଣ୍ଣ ପ୍ରସ୍ତୁତ ରହିଛି । ଏହି ଦେଶ ଆଉ ଅନ୍ୟ କେହି ନୁହେଁ, ଚୀନ୍ । କୋରୋନା ଭାଇରସ୍ କାରଣରୁ ବିଶ୍ୱ ଅର୍ଥ ବ୍ୟବସ୍ଥାର ପାଖାପାଖି ୩ଶହ ଲକ୍ଷ କୋଟି ଟଙ୍କା କ୍ଷତି ହୋଇଛି । ଆଗକୁ ଏହା ଆହୁରି ବଢ଼ିପାରେ । ତେବେ ଆଜି ଆମେ ଆପଣଙ୍କୁ କହିବୁ, ଚୀନ୍ କିପରି ବର୍ତ୍ତମାନ ମୌକା ଦେଖି ଛକା ମାରିବାକୁ ଉଦ୍ୟମ କରୁଛି। କୁହାଯାଏ, ଭବିଷ୍ୟତର ଦର୍ପଣ ପରି ଇତିହାସ କାର୍ଯ୍ୟ କରେ । ଇତିହାସର ଏକ ଗୁରୁତ୍ୱପୂର୍ଣ୍ଣ ଘଟଣାକୁ ଆଧାର କରି ଆମେ ବିଶ୍ୱର ଭବିଷ୍ୟତ ଚିତ୍ର ସମ୍ପର୍କରେ ଆଲୋଚନା କରିବା । 

ଯିଏ ଦିନେ ସମଗ୍ର ବିଶ୍ୱକୁ କୋରୋନାର କାୟା ବିସ୍ତାର କରାଇଛି, ସେହି ଦେଶ ଏବେ ସମଗ୍ର ବିଶ୍ୱ ଅର୍ଥନୀତିକୁ ନିଜ ହାତମୁଠାରେ ରଖିବାକୁ ଉଦ୍ୟମ କରୁଛି ! ଯେତେବେଳେ ବିଶ୍ୱର ବହୁ ଶକ୍ତିଶାଳୀ ରାଷ୍ଟ୍ର କୋରୋନା ମୁକାବିଲା କ୍ଷେତ୍ରରେ ତ୍ରାହି ଡାକୁଛନ୍ତି, ଠିକ୍ ସେହି ସମୟରେ ଏହାର ଫାଇଦା ନେବାକୁ ଉଦ୍ୟମ କରୁଛି ଚୀନ । ଏବେ ଏହି ଦେଶ ଏଭଳି ଯୋଜନା କରୁଛି, ଆଗକୁ ଯେପରି ବିଶ୍ୱ ଅର୍ଥନୀତିକୁ ନିଜ ହାତମୁଠାରେ ରଖିବାକୁ ସକ୍ଷମ ହେବ । ଏକଥା ଆପଣଙ୍କୁ ଭୟଭୀତ କରିପାରେ, କିନ୍ତୁ ଆଜି ତଥ୍ୟର ସହ ଆମେ ଏହାର ଯୁକ୍ତି ଉପସ୍ଥାପନ କରିବୁ ।  ତେବେ ଏହା ପୂର୍ବରୁ ଆମକୁ ଇତିହାସ ଉପରେ ଟିକେ ନଜର ପକାଇବାକୁ ପଡ଼ିବ । 

Sparta ଓ Athens ମଧ୍ୟରେ ଯୁଦ୍ଧ

Add Zee News as a Preferred Source

ଆଜିକୁ ପ୍ରାୟ ୬ ହଜାର ବର୍ଷ ପୂର୍ବ ଗ୍ରୀସର Athens ୟୁରୋପର ଏକ ଶକ୍ତିଶାଳୀ କେନ୍ଦ୍ର ଥିଲା । ଆର୍ଥାତ ସେହି ସମୟରେ ଏହା ଆଞ୍ଚଳିକ ସୁପର ପାୱାର ରହିଥିଲା । କିନ୍ତୁ ଖ୍ରୀଷ୍ଟପୂର୍ବ ୪୩୦ରେ ଏଥେନ୍ସରେ ଏକ ମହାମାରୀ ବ୍ୟାପିଗଲା ଏବଂ ଏଥିରେ ଏଥେନ୍ସ ରାଜ୍ୟର ପ୍ରାୟ 25 ପ୍ରତିଶତ ଲୋକଙ୍କ ମୃତ୍ୟୁ ହୋଇଥିଲା ।  ତେବେ ଏହାର କିଛି ଦିନ ମଧ୍ୟରେ ଅନ୍ୟ ଏକ ଶକ୍ତିଶାଳୀ ରାଜ୍ୟ ସ୍ପାର୍ଟା,  ଏଥେନ୍ସକୁ ଚ୍ୟାଲେଞ୍ଜ କରିବାକୁ ଲାଗିଲା । ମହାମାରୀ ଯୋଗୁଁ ଏଥେନ୍ସର ଅର୍ଥନୀତି ଏବଂ ସେନା ଭାଙ୍ଗି ପଡିଥିଲା । ଯେତେବେଳେ ସ୍ପାର୍ଟା ଏବଂ ଏଥେନ୍ସ ମଧ୍ୟରେ ଯୁଦ୍ଧ ହୋଇଥିଲା, ସେତେବେଳେ ଏଥେନ୍ସକୁ ହରାଇ ସ୍ପାର୍ଟା ଏକ ନୂତନ ଶକ୍ତି ଭାବରେ ଉଭା ହୋଇଥିଲା । 

ଏହି ଯୁଦ୍ଧର କାହାଣୀ, Thucy-dides , ତାଙ୍କ ପୁସ୍ତକ History of the Pelopo-nnesianରେ ଲେଖିଥିଲେ । ଏଥିରେ ସେ ଲେଖିଛନ୍ତି, ଯେତେବେଳେ ଗୋଟିଏ ସୁପର ପାୱାର ସାମ୍ନାରେ ଅନ୍ୟ ଏକ ଶକ୍ତି ଉତ୍ପନ୍ନ ହେବାକୁ ଲାଗେ, ସେତେବେଳେ ଉଭୟଙ୍କ ମଧ୍ୟରେ ଯୁଦ୍ଧ ହୁଏ । ଏହା Thucy-dides Trap ଭାବେ ପରିଚିତ । 

ବର୍ତ୍ତମାନର ସ୍ଥିତି

ଏବେ ବିଶ୍ୱକୁ ଏପରି ଏକ ମହାମାରୀ ଆସିଛି । ୟୁରୋପ ମହାଦେଶର ତ ଏହାର ପ୍ରଚଣ୍ଡ ପ୍ରଭାବ ଦେଖିବାକୁ ମିଳୁଛି । ୟୁରୋପର ଶକ୍ତିଶାଳୀ ଦେଶର ଅର୍ଥନୀତି ବିପର୍ଯ୍ୟସ୍ତ ହୋଇପଡିଛି ଏବଂ ଚୀନ୍ ସ୍ପାର୍ଟା ଭଳି ସୁଯୋଗ ଖୋଜୁଛି । କିନ୍ତୁ ଏଥିପାଇଁ ଚୀନ୍ ସାମରିକ ଯୁଦ୍ଧ ନୁହେଁ, ଏକ ଅର୍ଥନୈତିକ  ଯୁଦ୍ଧ ପାଇଁ ପ୍ରସ୍ତୁତ ହେଉଛି । ବିନା ଗୁଳିରେ ବିଶ୍ୱର ବହୁ ଶକ୍ତିଶାଳୀ ଦେଶଗୁଡ଼ିକୁ ଆଣ୍ଠେଇଦେବା ଚକ୍କରରେ ଅଛି ଚୀନ । 

ବର୍ତ୍ତମାନ ଆମେ ଆପଣଙ୍କୁ ଚୀନ୍‌ର ଏହି ଯୋଜନା ବିଷୟରେ କହିବାକୁ ଯାଉଛୁ, ଯାହା ଆପଣଙ୍କୁ ଚିନ୍ତାରେ ପକାଇପାରେ । କାରଣ ଚୀନ୍ ବର୍ତ୍ତମାନ ବିଶ୍ୱର ଅନେକ ଧନୀଦେଶର ଅର୍ଥ ବ୍ୟବସ୍ଥାକୁ ନିଜେ କିପରି ନିୟନ୍ତ୍ରଣ କରିବ, ସେନେଇ ମାଷ୍ଟରପ୍ଲାନ ପ୍ରସ୍ତୁତ କରୁଛି । ଉଦାହରଣ ସ୍ୱରୂପ, ସ୍ପେନ ଏବଂ ଇଟାଲୀ ଭଳି ଦେଶରେ କରୋନା ଜୀବାଣୁ ଅଧିକ ଯନ୍ତ୍ରଣା ଭୋଗୁଛନ୍ତି, ଏହି ଜୀବାଣୁ ଭୟ ମଧ୍ୟରେ ଚୀନ୍ ଲାଭ ଖୋଜିବା ଆରମ୍ଭ କରିଛି । ଏହି ଦେଶଗୁଡିକରେ ବହୁ ପରିମାଣର ଚିକିତ୍ସା ଉପକରଣ, ମାସ୍କ ଏବଂ ଭେଣ୍ଟିଲେଟର ବିକ୍ରୟ କରି ଚୀନ୍ ତ ଲାଭ ପାଉଛି । ତେବେ ଆଗକୁ ଚୀନ ଯେଉଁ ଯୋଜନା ପ୍ରସ୍ତୁତ କରୁଛି, ତାହା ଆପଣଙ୍କୁ ମଧ୍ୟ ଚିନ୍ତାରେ ପକାଇଦେବ । 

ଏମିତି ରହିଛି ଚୀନର ଯୋଜନା

ବ୍ୟବସାୟ କରିବା ଭୁଲ୍ ନୁହେଁ, କିନ୍ତୁ ପ୍ରଶ୍ନ ଚୀନ୍‌ର ଉଦ୍ଦେଶ୍ୟ ଉପରେ ରହିଛି । ଯେତେବେଳେ ସମଗ୍ର ବିଶ୍ୱ କୋରୋନା ଭାଇରସକୁ ନେଇ ତ୍ରାହି ଡାକୁଛି, ସେତେବେଳେ ଚୀନ ଏହାର ଫାଇଦା ନେବାକୁ ଅଣ୍ଟା ଭିଡ଼ିଛି । ଆଉ ଚୀନର ଟାର୍ଗେଟରେ ଏବେ ୟୁରୋପର ବିଭିନ୍ନ ଦେଶ ରହିଛି । କିଲର କୋରୋନା ଯୋଗୁଁ ବହୁ ୟୁରୋପୀୟ କମ୍ପାନୀ ଏବେ କ୍ଷତିରେ ଚାଲୁଛନ୍ତି । ୟୁରୋପୀୟ ଦେଶ ଗୁଡ଼ିକର ଅର୍ଥ ବ୍ୟବସ୍ଥା ମଧ୍ୟ ବିଗିଡିବାକୁ ବସିଲାଣି । ତେଣୁ ମୌକା ଦେଖି ଛକା ମାରିବାକୁ ଚାହୁଁଛି ଚୀନ । ଅର୍ଥାତ, କ୍ଷତିରେ ଚାଲୁଥିବା ୟୁରୋପୀୟ କମ୍ପାନୀକୁ କିଣିବା ପାଇଁ ଚୀନ ଚେଷ୍ଠା କରୁଛି ।

କେତେକ ଅନ୍ତର୍ଜାତୀୟ ରିପୋର୍ଟ ମୁତାବକ, ୟୁରୋପୀୟ ଦେଶଗୁଡ଼ିକର ବଡ଼ ବଡ଼ Global Bankerଙ୍କ ପାଖକୁ ଏନେଇ ବହୁତ ଅନୁରୋଧ ଆସୁଛି । ଯେଉଁଥିରେ କମ୍ପାନୀ ଗୁଡ଼ିକର ଦାମ୍ ପଚରାଯାଉଛି । ଗୁରୁତ୍ୱପୂର୍ଣ୍ଣ କଥା ହେଉଛି, ଏ କ୍ଷେତ୍ରରେ ଚାଇନାର କମ୍ପାନୀଗୁଡିକ ଦ୍ୱାରା ସର୍ବାଧିକ ଅନୁସନ୍ଧାନ କରାଯାଉଛି । ଚାଇନା କମ୍ପାନୀଗୁଡିକ ମଧ୍ୟ ଅଷ୍ଟ୍ରେଲିଆରେ ଏକ ବଡ଼ ଧରଣର ବିନିଯୋଗ କରିବାକୁ ଯୋଜନା କରୁଛନ୍ତି । ବର୍ତ୍ତମାନ ଏହି ଦେଶଗୁଡିକର ଭୟ ଏହା ଯେ, ଚାଇନାର କମ୍ପାନୀଗୁଡିକ ପରିସ୍ଥିତିର ଫାଇଦା ଉଠାଇବେ । କୋରୋନା ଭାଇରସ୍ ଯୋଗୁଁ କ୍ଷତିରେ ଚାଲୁଥିବା କମ୍ପାନୀଗୁଡ଼ିକୁ ଶାଗ-ମାଛ ଦରରେ କିଣିବା ପାଇଁ ଉଦ୍ୟମ କରିବେ ।