ସୁରକ୍ଷା ବାହିନୀକୁ ସଫଳତା, ବିପୁଳ ପରିମାଣର ମାଓସାମଗ୍ରୀ ଜବତ

କୋରାପୁଟ ଜିଲ୍ଲାର କୋଲାବ ନଦୀ ପାର୍ଶ୍ୱ ଜଙ୍ଗଲରେ ସୁରକ୍ଷା ବାହିନୀ ହୋଇଥିବା ସର୍ଚ୍ଚ ଅପରେସନ ବେଳେ ବିପୁଳ ପରିମାଣର ମାଓସାମଗ୍ରୀ ଜବତ ହୋଇଛି |

କୋରାପୁଟ: ଜିଲ୍ଲାର ଗୁପ୍ତେଶ୍ୱର କୋଲାବ ନଦୀ ପାର୍ଶ୍ୱ ଜଙ୍ଗଲରେ ପୋଲିସ ଏବଂ ବିଏସଫ ପକ୍ଷରୁ ହୋଇଥିବା ମିଳିତ ସର୍ଚ୍ଚ ଅପେରସନ ବେଳେ ବିପୁଳ ପରିମାଣର ମାଓ ସାମଗ୍ରୀ ଜବତ ହୋଇଛି | ଗତକାଲି ରାତିରେ ବୈପାରୀଗୁଡା ଥାନା ଅନ୍ତର୍ଗତ ଗୁପ୍ତେଶ୍ୱର ପଞ୍ଚାୟତ କୋଲାବ ନଦୀ ପାର୍ଶ୍ୱ କେନ୍ଦୁଗୁଡା ଗ୍ରାମ ନିକଟସ୍ଥ ଜଙ୍ଗଲରେ ଏହାକୁ ଜବତ କରିବାରେ ସଫଳ ହୋଇଛି ସୁରକ୍ଷାବାହିନୀ |  

ବୁଧବାର ବୈପାରୀଗୁଡାସ୍ଥିତ ବିଏସଏଫ କ୍ୟାମ୍ପରେ ଆୟାଜିତ ଏକ ପ୍ରେସ ମିଟରେ ଜୟପୁର ଏସଡ଼ିପିଓ ବରୁଣ ଗୁଣ୍ତୁପାଲି ଏ ସମ୍ପର୍କରେ ଜଣାଇଛନ୍ତି | ୧୫୧ବିଏସଫ କମାଣ୍ଡାଣ୍ଟ ଅଜୟ କୁମାରଙ୍କ ନେତୃତ୍ୱରେ ଏହି ଅପେରସନ ହୋଇଥିଲା | କୋରାପୁଟ ଏସପିଙ୍କ ନିର୍ଦ୍ଦେଶ କ୍ରମେ ବୈପାରୀଗୁଡା ଥାନା ଅଧିକାରୀ ଅଂଶୁମାନ ଦ୍ୱିବେଦୀଙ୍କ ସହ ପୋଲିସ ଟିମ ଏହି ଅପରେସନରେ ସାମିଲ ଥିଲା | ବିଏସଫର ୧୫୧ ବାଟାଲିୟନର ଯବାନଙ୍କ ସହ ପୋଲିସ ପକ୍ଷରୁ ମିଳିତ ଭାବେ ହୋଇଥିବା ଏହି ସଫଳ ଅପେରସନ ଲାଲବାହିନୀ ପାଇଁ ଏକ ସତର୍କଘଣ୍ଟି ସଦୃଶ | ଅଗାମୀ ଦିନରେ ଏହି ମିଳିତ ଅପେରସନ ଜାରି ରହିବ ନେଇ ଜଣାଇଛନ୍ତି ଏସଡିପିଓ | 

ଅପରେସନ ବେଳେ ଜବତ ହୋଇଥିବା ମାଓ ସାମଗ୍ରୀ ମଧ୍ୟରେ ରହିଛି ଗୋଟିଏ 12 ବୋର ରାଇଫଲ, ୨ଟି କ୍ଲେମରମାଇନ ବାର୍, କେଡେକ୍ସ ତାର ୨୦ ମିଟର, ୮ଟି ରିଚାର୍ଜେବୁଲ ବ୍ୟାଟେରୀ, ୧ କେଜି ଗନ ପାଉଡର, ସ୍ପ୍ରିଣ୍ଚର୍ସ(ଆଇରନ ପିସେସ) ୫ କେଜି,  ମାଓ ପୁସ୍ତିକା ଏବଂ ହ୍ୟାଣ୍ଡବୁକ୍, ଗୋଟିଏ ଛୁରୀ, ଗୋଟିଏ ୱାକିଟକି, ୨ଟି ୟୁନିଫର୍ମ ବେଲ୍ଟ, ୫ଟି ବବି ଟ୍ରାପ୍ସ, ୨ଟି ବମ୍  ସ୍ୱିଚ, ୪୯ଟି ଜିଲୋଟିନ ଷ୍ଟିକ, ୪ଟି ଇଲେକଟ୍ରିକାଲ ଡିଟୋନେଟର, ଗୋଟିଏ ପ୍ଲାଷ୍ଟିକ ଡ୍ରମ, ୧୬ଟି ଲେଟରପ୍ୟାଡ |       

Add Zee News as a Preferred Source