ହାଇଦ୍ରାବାଦ ଗଣଦୁଷ୍କର୍ମ ମାମଲା: ପୋଲିସ ଜାରି କଲା ୧୪ଟି ଟିପ୍ସ, ଟିପ୍ସ ଦେଖି ତାତିଲେ ମହିଳା

ହାଇଦ୍ରାବାଦ ଗଣଦୁଷ୍କର୍ମ ମାମଲା ପରେ ହାଇଦ୍ରାବାଦ ପୋଲିସର ସେଫ୍ଟି ଆଡଭାିଜାରୀ ଦେଖି ତାତିଲେ ମହିଳା

ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: ହାଇଦ୍ରାବାଦରେ ଘଟିଥିବା ଲୋମହର୍ଷଣକାରୀ ଗଣଦୁଷ୍କର୍ମ ଓ ପରେ ମର୍ଡର ଘଟଣା ସାରା ଦେଶକୁ ସ୍ତବ୍ଧ କରିଦେଇଛି । ସଧ୍ୟା ସମୟରେ ଘଟିଥିବା ଏହି ଦୁଃଖଦ ଘଟଣା ପରେ ପୁଣି ଥରେ ସାରା ଦେଶରେ ନାରୀ ସମାଜର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ନିର୍ଭୟା ତାପରେ କାଠୁଆ ଓ ଏପରି ଅନେକ ଲୋମହର୍ଷଣକାରୀ ଘଟଣା ପରେ ଏବେ ସାମ୍ନାକୁ ଆସିଥିବା ହାଇଦ୍ରାବାଦ ଘଟଣା ସାରା ଦେଶରେ ଚାଞ୍ଚଲ୍ୟ ସୃଷ୍ଟି କରିଛି । ତେବେ ଏହି ଘଟଣା ପରେ ହାଇଦ୍ରାବାଦ ପୋଲିସ ମହିଳାଙ୍କ ସୁରକ୍ଷା ପାଇଁ ୧୪ଟି ସେଫ୍ଟି ଟିପ୍ସ ଜାରି କରିଛନ୍ତି । ସେଗୁଡ଼ିକ ହେଲା

• ଯଦି କୌଣସି ମହିଳା ଟ୍ରାଭେଲିଂ କରୁଛନ୍ତି ତେବେ ନିଜର ଲୋକେସନ ନିଜର ପରିବାର ଓ ସାଙ୍ଗମାନଙ୍କ ସିହତ ସେୟାର କରନ୍ତୁ । 
• ଯଦି ମହିଳାମାନେ କୌଣସି ଟ୍ୟାକ୍ସି ବା ଅଟୋ ରିକ୍ସାରେ ଯାଉଛନ୍ତି ତେବେ ଟ୍ୟାକ୍ସିର ନମ୍ୱର ପ୍ଲେଟର ନମ୍ୱର ଘର ଲୋକଙ୍କ ସହିତ ସେୟାର କରନ୍ତୁ ।
• କୌଣସି ଅଜଣା ଜାଗାକୁ ଯାଉଥିଲେ ପ୍ରଥମେ ଜାଗା ବିଷୟରେ ପଚାରି ବୁଝନ୍ତୁ ଏବଂ ରାସ୍ତାରେ କୌଣସି ଅଜଣା ବ୍ୟକ୍ତିଙ୍କ ସହାୟତା ନିଅନ୍ତୁ ନାହିଁ ।
• ସବୁବେଳେ ଭିଡ଼ ବା ଜନଗହଳି ଥିବା ସ୍ଥାନରେ ରହିବାକୁ ଚେଷ୍ଟା କରନ୍ତୁ । ରାତି ହେଉ କି ଦିନ ଖାଲି ସ୍ଥାନ ବା ଲୋକ ନ ଥିବା ଜାଗାକୁ ନ ଯିବାକୁ ଚେଷ୍ଟା କରନ୍ତୁ ।
• ଯଦି ଆପଣଙ୍କ ଆଖ ପାଖରେ କେହି ଲୋକ ନାହାନ୍ତି ତେବେ ନିକଟରେ ଥିବା ଦୋକାନକୁ ଚାଲି ଯାଆନ୍ତୁ । ଆଉ ସବୁବେଳେ ରାସ୍ତା ବିଷୟରେ ଜାଣିବା ପାଇଁ ବା କୌଣସି ସାହାଯ୍ୟ ପାଇଁ ପୋଲିସର ବା ଟ୍ରାଫିକ ପୋଲିସର ସହାୟତା ନିଅନ୍ତୁ ।
• ସବୁବେଳେ ପୋଲିସ ହେଲ୍ପ ଲାଇନ ନମ୍ୱର ୧୦୦ ଡାଏଲ କରିବା ପାଇଁ ପ୍ରସ୍ତୁତ ରୁହନ୍ତୁ । 
• ହାଇଦ୍ରାବାଦରେ ରହୁଥିବା ମହିଳାମାନଙ୍କ ପାଇଁ ହାୱାକ ଆୟ ନାମକ ମୋବାଇଲ ଆପର ସୁବିଧା ଯୋଗେଇ ଦିଆଯାଇଛି । ଯଥା ସମ୍ଭବ ଚତାର ବ୍ୟବହାର କରନ୍ତୁ । ସେହି ଆପରେ ଆପଣ ନିଜର ଲୋକେସନ ସେୟାର କରି ପାରିବେ ।
• ଯଦି ଆପଣଙ୍କ ଆଖପାଖରେ କେହି ନାହାନ୍ତି ତେବେ ଆପଣ ଘର ଲୋକଙ୍କ ସହିତ କଥା ହେବା ପରି ଅଭିନୟ କରନ୍ତୁ । ତା ସହିତ ନିଜ ପାଖରେ ଯଦି କୌଣସି ଗାଡ଼ି ବା ଲୋକ ଅଛନ୍ତି ସେମାନଙ୍କ ବିଷୟରେ କିଛିଟା ଡିଟେଲ୍ସ ଘର ଲୋକ ସହିତ ସେୟାର କରନ୍ତୁ ।
• ସବୁବେଳେ କନଫିଡେଣ୍ଟ ରୁହନ୍ତୁ । ଆଉ ସାମ୍ନାରେ ଥିବା ଲୋକଙ୍କ ସହିତ ସାହସର ସହିତ ମୋଟା ଗଳାରେ ଉଚ୍ଚ ସ୍ୱରରେ କଥା ହୁଅନ୍ତୁ । 
• ଯଦି ଆପଣ ବିପଦରେ ଅଛନ୍ତି ତେବେ ପାଟି କରି ଲୋକଙ୍କୁ ଡାକନ୍ତୁ ଓ ଜନଗହଳିପୂର୍ଣ୍ଣ ସ୍ଥାନକୁ ଦୌଡନ୍ତୁ ।
• ଲୋକାଲ ପୋଲିସକୁ ଲୋକାଲ ଗୁଣ୍ଡା ବିଷୟରେ ଅବଗତ କରାନ୍ତୁ ।
• ଭେରିଫିକେସନ ପାଇଁ ହ୍ୱାଟ୍ସଆପ ନମ୍ୱର 9490616555 ନମ୍ୱରକୁ ମଧ୍ୟ ଫଟୋ ପଠାଇ ପାରିବେ ।

Dear #hyderabadpolice what advisory have you issued to the Male section of the society?? https://t.co/jPXvzcDBk7

— Aarti Thakur (@aartithakurjha) December 2, 2019

ହାଇଦ୍ରାବାଦର ଆଇପିଏସ ଅଫିସର ଅଞ୍ଜନି କୁମାର କଣ କରିବା ଉଚିତ କଣ ଅନୁଚିତ ସେ ନେଇ ଏହି ୧୪ଟି ଟିପ୍ସ ଥିବା ଆଡଭାଇଜୋରୀ ଜାରି କରିବା ପରେ ସୋସିଆଲ ମିଡିଆରେ ଏହି ଟିପ୍ସକୁ ନେଇ ରାଗ ଓ ବିରୋଧର ସ୍ୱର ଦେଖିବାକୁ ମିଳିଛି...

SHE was doing everything by the book. Everything we consider "safe" and "acceptable". It wasn't "too late" in the night. SHE was dressed ''decently". SHE was not "drunk". SHE didn't get into a "fight". @hydcitypolice. It's the police force that needs some training and advisories

— Shailaja Tripathi (@ShailajaTripat3) December 2, 2019