• ବାହାଘର ପୂର୍ବରୁ ବର ଉପରକୁ ଗୁଳିମାଡ଼। ଖଲିକୋଟ ଅଞ୍ଚଳର ଘଟଣା॥
  • ବିଜେପି ସାଂସଦ ତଥା ଅଭିନେତା ସନି ଦେଓଲଙ୍କୁ କୋରୋନା।ସୂଚନା ଦେଲେ ହିମାଚଳ ପ୍ରଦେଶ ସ୍ୱାସ୍ଥ୍ୟ ସଚିବ ॥
  • ବଲାଙ୍ଗିର ପାଟଣାଗଡ଼ ତମିଆଁ ପୋଲ ଭୁଶୁଡ଼ିବା ଘଟଣା, କଟକ ଭିଜିଲାନ୍ସ ଟେକ୍ନିକାଲ୍ ଟିମ୍‌ର ତଦନ୍ତ ଆରମ୍ଭ
  • IndvsAUS: ତୃତୀୟ ଦିନିକିଆରେ ଭାରତର ବିଜୟ ଜାରି, ଟସ ଜିତି ବ୍ୟାଟିଂ ନିଷ୍ପତ୍ତି
  • ଦେଶରେ ବିଗତ ୨୪ ଘଣ୍ଟା ମଧ୍ୟରେ ୩୬,୬୦୪ ନୂଆ ଆକ୍ରାନ୍ତି ଚିହ୍ନଟ। ୫୦୧ ଜଣଙ୍କ ମୃତ୍ୟୁ ॥
  • ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୯୪,୯୯,୪୧୪ ଛୁଇଁଲା॥

ଧୋନିଙ୍କ ଘରେ ହିଟମ୍ୟାନ ରୋହିତଙ୍କ ଛକ୍କାର ବର୍ଷା, ଭାଙ୍ଗିଲା ବହୁ ରେକର୍ଡ

ଧୋନିଙ୍କ ଘରେ ରୋହିତ ଶର୍ମାଙ୍କ ବଲ୍ଲାର କମାଲ । ପୁଣି ଥରେ ରେକର୍ଡର ବର୍ଷା କଲେ ହିଟମ୍ୟାନ । ଦକ୍ଷିଣ ଆଫ୍ରିକା ବିରୋଧରେ ତୃତୀୟ ଟେଷ୍ଟ ମ୍ୟାଚରେ ଦମଦାର ବ୍ୟାଟିଂ କରି ଶତକ ହାସଲ କଲେ ।

ଧୋନିଙ୍କ ଘରେ ହିଟମ୍ୟାନ ରୋହିତଙ୍କ ଛକ୍କାର ବର୍ଷା, ଭାଙ୍ଗିଲା ବହୁ ରେକର୍ଡ
Rohit Sharma breaks Shimron hetmyer's record

ରାଞ୍ଚି: ଧୋନିଙ୍କ ଘରେ ରୋହିତ ଶର୍ମାଙ୍କ ବଲ୍ଲାର କମାଲ । ପୁଣି ଥରେ ରେକର୍ଡର ବର୍ଷା କଲେ ହିଟମ୍ୟାନ । ଦକ୍ଷିଣ ଆଫ୍ରିକା ବିରୋଧରେ ତୃତୀୟ ଟେଷ୍ଟ ମ୍ୟାଚରେ ଦମଦାର ବ୍ୟାଟିଂ କରି ଶତକ ହାସଲ କଲେ ।

ରୋହିତ ଟେଷ୍ଟ କ୍ରିକେଟ କ୍ୟାରିୟରେ ଷଷ୍ଠ ସେଞ୍ଚୁରୀ ହାସଲ କରିଛନ୍ତି । ଏହି ଶତକୀୟ ଇଂନିସରେ ସେ ରାଞ୍ଚିର ଜେଏସସିଏ ଷ୍ଟାଡିୟମରେ ଛକ୍କାର ବର୍ଷା କରି ଦେଇଥିଲେ । ପ୍ରଥମ ଦିନର ଖେଳ ଶେଷ ହେବା ପୂର୍ବରୁ ରୋହିତ ଶର୍ମା ୧୧୭ ରନ କରି ଅପରାଜିତ ରହିଛନ୍ତି ।

ଭାରତ-ଦକ୍ଷିଣ ଆଫ୍ରିକା ଟେଷ୍ଟ ସିରିଜରେ ବର୍ତ୍ତମାନ ଯାଏ ରୋହିତ ୧୭ଟି ଛକ୍କା ଲଗାଇ ସାରିଛନ୍ତି । ଏହାପୂର୍ବରୁ ଗୋଟିଏ ଟେଷ୍ଟ ସିରିଜରେ ସର୍ବାଧିକ ଛକ୍କା ଲଗାଇବାର ରେକର୍ଡ ୱେଷ୍ଟଇଣ୍ଡିଜର ଶିମରୋନ ହେଟମେୟରଙ୍କ ନାଁରେ ରହିଛି । ସେ ୨୦୧୮-୧୯ରେ ବାଲାଂଦେଶ ବିରୋଧରେ ୨ଟି ଟେଷ୍ଟ ମ୍ୟାଚର ସିରିଜରେ ୧୫ଟି ଛକ୍କା ଲଗାଇଥିଲେ ।
ଟେଷ୍ଟ ସିରିଜରେ ସର୍ବାଧିକ ଛକ୍କା

ଚଳିତ ଟେଷ୍ଟ ସିରିଜରେ ରୋହିତ ଦକ୍ଷିଣ ଆଫ୍ରିକା ବିରୋଧରେ ୩ଟି ଟେଷ୍ଟ ମ୍ୟାଚରେ ୧୭ଟି ଛକ୍କା ଲଗାଇଛନ୍ତି । ଅନ୍ୟପଟେ ହିଟମେୟର ବାଲାଂଦେଶ ବିରୋଧରେ ୨ଟି ଟେଷ୍ଟ ମ୍ୟାଚର ସିରିଜରେ ୧୫ଟି ଛକ୍କା ଲଗାଇଥିଲେ ।

ରୋହିତ ୧୩୦ ବଲରେ ୧୩ ଚୌକା ଓ ୪ଟି ଛକ୍କା ସାହାଯ୍ୟରେ ନିଜ ଶତକ ହାସଲ କରିଛନ୍ତି । ମ୍ୟାଚର ୪୫ ଓଭରର ଚତୁର୍ଥ ବଲରେ ଛକ୍କା ମାରି ଏହି ଶତକ ପୂରଣ କରିଛନ୍ତି । ସବୁଠାରୁ ଅଧିକ ଥର ଛକ୍କା ଲଗାଇ ଶତକ ହାସଲ କରିଥିବା ବ୍ୟାଟ୍ସମ୍ୟାନଙ୍କ ତାଲିକାରେ ରୋହିତ ଓ ଗୌତମ ଗମ୍ଭୀର ସଂଯୁକ୍ତ ଭାବେ ଦ୍ୱିତୀୟ ଭାରତୀୟ ବ୍ୟାଟ୍ସମାନ ।
ସର୍ବାଧିକ ଛକ୍କା ଲଗାଇ ଶତକ ପୂରଣ କରିଥିବା ଭାରତୀୟ ବ୍ୟାଟ୍ସମ୍ୟାନଙ୍କ ତାଲିକାରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଶୀର୍ଷରେ ଅଛନ୍ତି । ସେ ଏହି କୀର୍ତ୍ତିମାନ ୬ଥର କରିଥିଲେ ।

ଚଳିତ ଟେଷ୍ଟ ସିରିଜରେ ରୋହିତ ଦକ୍ଷିଣ ଆଫ୍ରିକା ବିରୋଧରେ ୩ଟି ଶତକ ଲଗାଇ ସାରିଛନ୍ତି । ଏହି ଶତକ ସହ ଗୋଟିଏ ଟେଷ୍ଟ ସିରିଜରେ ୩ ବା ତା ଠାରୁ ଅଧିକ ଶତକ ହାସଲ କରିଥିବା ବ୍ୟାଟ୍ସମ୍ୟାନଙ୍କ ତାଲିକାରେ ଦ୍ୱିତୀୟ ଓପନର ହେଉଛନ୍ତି ସେ । ଏହାପୂର୍ବରୁ ସୁନୀଲ ଗାଭାସ୍କର ୩ଟି ଭିନ୍ନ ଭିନ୍ନ ସିରିଜରେ ୩ ବା ତା ଠାରୁ ଅଧିକ ଶତକ ହାସଲ କରିବାର ରେକର୍ଡ କରି ସାରିଛନ୍ତି ।