ଆଗମୀ ୩୫ ବର୍ଷକୁ ଦୃଷ୍ଟିରେ ରଖି ବିଭିନ୍ନ ଧରଣର ପ୍ରାୟ ୪୫୦ଟି ଯୁଦ୍ଧ ବିମାନକୁ ଅଧିଗ୍ରହଣ କରି ଶକ୍ତି ବଢାଇବାକୁ ଯୋଜନା କରିଛି ଭାରତୀୟ ବାୟୁସେନା |
Trending Photos
ନୂଆଦିଲ୍ଲୀ: ସାମରିକ କ୍ଷେତ୍ରରେ ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ତାନ ଏବଂ ପଡୋଶୀ ଚୀନର ଆଭିମୁଖ୍ୟକୁ ଦୃଷ୍ଟିରେ ରଖି ଶକ୍ତି ବୃଦ୍ଧି କରିବାକୁ ଯୋଜନା କରିଛି ଭାରତୀୟ ବାୟୁସେନା | ଏଥିପାଇଁ ଦେଶର ଉତ୍ତର-ପଶ୍ଚିମ ଭାଗରେ ପ୍ରାୟ ୪୫୦ ଯୁଦ୍ଧ ବିମାନ ମୁତୟନ କରାଯିବ | ସୋମବାର ଏ ସମ୍ପର୍କରେ ଜଣାଇଛନ୍ତି ବାୟୁସେନା ମୁଖ୍ୟ ଆରକେଏସ ଭଦୋରିଆ | ଆକାଶ ମାର୍ଗରେ ନିଜ ଶକ୍ତି ବଢାଇବାକୁ ଯୋଜନା କରିଛି ଭାରତୀୟ ବାୟୁସେନା |
ଏଥିପାଇଁ ୩୬ ରାଫେଲ, ୧୧୪ ମଲ୍ଟିରୋଲ ଯୁଦ୍ଧ ବିମାନ, ୧୦୦ ଆଡଭାନ୍ସ ମିଡିୟମ କମ୍ବାଟ ଏୟାରକ୍ରାଫ୍ଟ(ଏଏମସିଏ) ଏବଂ ୨୦୦ ହାଲୁକା ଯୁଦ୍ଧ ବିମାନର ଆବଶ୍ୟକତା ରହିଛି | ଆଗାମୀ ୧୫ ବର୍ଷରେ ୮୩ଟି ଲାଇଟ କମ୍ବାଟ ଏୟାରକ୍ରାଫ୍ଟ ବାୟୁସେନାରେ ସାମିଲ କରାଯିବାକୁ ଲକ୍ଷ୍ୟ ରହିଛି | ପରେ ଆଉ ୧୦୦ଟି ହାଲୁକା ଯୁଦ୍ଧ ବିମାନର(ଏଲସିଏ) ଉପଯୋଗ ହେବ| ଏହି ସଂଖ୍ୟାକୁ ବଢାଯାଇ ୨୦୦କୁ ବୃଦ୍ଧି କରାଯିବ | ବାୟୁସେନା ପାଇଁ ଆବଶ୍ୟକୀୟ ୬ଟି ସ୍କ୍ରାଡ୍ରନ ପାଇଁ ୧୦୦ ଯୁଦ୍ଧ ବିମାନ ଆବଶ୍ୟକ | ସାମରିକ କ୍ଷେତ୍ରରେ ସାମର୍ଥ୍ୟ ବୃଦ୍ଧି ପାଇଁ ଭାରତୀୟ ପ୍ରତିରକ୍ଷା ଗବେଷଣା ଅନୁଷ୍ଠାନ(ଡିଆରଡିଓ) ସବ ବୁଝାମଣା ହୋଇଛି | ଆଗାମୀ ୩୫ ବର୍ଷର ଆବଶ୍ୟକତାକୁ ଦୃଷ୍ଟିରେ ରଖି ଏହି ମୋଟ ଉପରେ ୪୫୦ ଯୁଦ୍ଧବିମାନକୁ ବାୟୁସେନାରେ ସାମିଲ କରିବା ନେଇ ଯୋଜନା ରହିଛି |
ପ୍ରଶିକ୍ଷଣ ପାଇଁ ୭୦ଟି ଏଚଟିଟି-୪୦ ଫାଇଟର ଜେଟକୁ ସହାୟକ ଯୁଦ୍ଧ ବିମାନ ବ୍ୟବହାର କରାଯିବ | ଏଥିପାଇଁ ୩୭୦ ଇଣ୍ଡିଜେନିୟସ ଏୟାରକ୍ରାଫ୍ଟ ଆବଶ୍ୟକ | ବାୟୁସେନା ପାଇଁ ଦରକାର ଥିବା ଯୁଦ୍ଧ ବିମାନ ନିର୍ମାଣ ପାଇଁ ବର୍ତ୍ତମାନ ହେଉଛି ପ୍ରକୃତ ସମୟ | ଆକାଶ ବାହିନୀରେ ପ୍ରାୟ ୧୧୪ଟି ମଲ୍ଟିରୋଲ ଫାଇଟର ଏୟାରକ୍ରାଫ୍ଟ ଅଧିଗ୍ରହଣ କରିବାକୁ ଆମର ଯୋଜନା ରହିଛି | ଏଥିପାଇଁ ମେକ ଇନ ଇଣ୍ଡିଆ ସହ ପ୍ରତ୍ୟେକ୍ଷ ବିଦେଶୀ ପୁଞ୍ଜି ନିବେଶ(ଏଫଡିଆଇ) ଉପରେ ଗୁରୁତ୍ୱ ଦିଆଯାଉଛି | ଏପରିକି ଘରୋଇ କ୍ଷେତ୍ରକୁ ଆମନ୍ତ୍ରଣ କରାଯାଇଛି | ବାୟୁସେନା କ୍ଷେତ୍ରକୁ ସଶକ୍ତ ସୁଦୃଢ କରିବା ପାଇଁ ଉନ୍ନତ ଜ୍ଞାନକୌଶଳର ବ୍ୟବହାର କରାଯିବ |