close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ସାବଧାନ ଶତ୍ରୁ, ତୁମେ ଜାଣିନ ଭାରତୀୟ ଯବାନଙ୍କ ପରାକ୍ରମ

ସାବଧାନ ଶତ୍ରୁ । ଭାରତକୁ ଆକ୍ରମଣ ଭାବିବାକୁ ଭାବିବା ପୂର୍ବରୁ ଥରେ ଦେଖିନିଅ ଭାରତୀୟ ଯବାନଙ୍କ ପରାକ୍ରମ । 

ସାବଧାନ ଶତ୍ରୁ, ତୁମେ ଜାଣିନ ଭାରତୀୟ ଯବାନଙ୍କ ପରାକ୍ରମ
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ପରାକ୍ରମ ଦେଖାଇଲା ଭାରତୀୟ ତଟରକ୍ଷୀ ବାହିନୀ । ଦେଶର ସୁରକ୍ଷା ପାଇଁ ଭାରତୀୟ ଯବାନ ସବୁକିଛି କରିପାରେ । ଦରକାର ପଡିଲେ ଜୀବନ ଦେବା ପାଇଁ ବି ପ୍ରସ୍ତୁତ ଯବାନ। ଯାହାଙ୍କ ସାମ୍ନା କରିବା ପାଇଁ ଶତ୍ରୁପକ୍ଷର ସାହାସ ନଥାଏ । ଗତକାଲି ପାନାଜୀ ଦେଖୁଥିଲା ଭାରତୀୟ ଯବାନଙ୍କ ଏପରି ଶକ୍ତି, ସୌର୍ଯ୍ୟ ଏବଂ ପରାକ୍ରମ । 

ଗୋଆ ସମୁଦ୍ରରେ ପଇଁତରା ମାରୁଥିଲା ଭାରତୀୟ ତଟରକ୍ଷୀ ବାହିନୀର ଜାହାଜ । ଆକାଶରେ ଉଡୁଥିଲା ହେଲିକପ୍ଟର । ଆଉ ଆମ ଯବାନଙ୍କ ପରାକ୍ରମ ଦେଖୁଥିଲା ପାନାଜୀ । ଶତ୍ରୁକୁ କିପରି ସାମ୍ନା କରାଯାଏ, ତାହା କହୁଥିଲା ଭାରତୀୟ ତଟରକ୍ଷୀ ବାହିନୀ । ଯେକୌଣସି ମୁହୂର୍ତ୍ତରେ, ଯେକୌଣସି ପରିସ୍ଥିତିରେ ଶତ୍ରୁପକ୍ଷକୁ ସାମ୍ନା କରିବାକୁ ଭାରତୀୟ ଯବାନ ଯେ ସକ୍ଷମ, ପରାକ୍ରମରୁ ଏହା ସ୍ପଷ୍ଟ ହେଉଥିଲା । 

Indian Coast Guard

କିପରି କରାଯାଏ ସର୍ଚ୍ଚ ଅପରେସନ ଓ କିପରି ହୁଏ ଉଦ୍ଧାର କାର୍ଯ୍ୟ, ସମୁଦ୍ର ଭିତରେ ତାହା କରି ଦେଖାଉଥିଲେ ଯବାନ । ଗୋଆରେ ଭାରତୀୟ ତଟରକ୍ଷୀ ବାହିନୀ ପକ୍ଷରୁ ଦୁଇ ଦିନିଆ ଆଞ୍ଚଳିକ ତଲାସି ଏବଂ ଉଦ୍ଧାର କର୍ମଶାଳା ଏବଂ ସମରାଭ୍ୟାସ-୨୦୧୯ରେ ଏମିତି କିଛି ଦୃଶ୍ୟ ଦେଖିବାକୁ ମିଳିଥିଲା । ଆଜି ଏହି କର୍ମଶାଳାର ଦ୍ୱିତୀୟ ଦିନ । ଆଜିବି କିଛି ନୂଆ କୌଶଳ ଦେଖାଇବେ ଭାରତୀୟ ତଟରକ୍ଷୀ ବାହିନୀ ।