୧୨ ହଜାର ଡେଇଁଲା ଆକ୍ରାନ୍ତଙ୍କ ସଂଖ୍ୟା

ନୂଆଦିଲ୍ଲୀ: ଦେଶରେ ହୁହୁ ହୋଇ ବଢି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା। ଗୁରୁବାର ସନ୍ଧ୍ୟା ସୁଦ୍ଧା କୋରୋନା ଆକ୍ରାନ୍ତଙ୍କ ସଂଖ୍ୟା ୧୨ ହଜାର ଅତିକ୍ରମ କରିଛି। ସ୍ୱାସ୍ଥ୍ୟା ବିଭାଗ ଜାରି କରିଥିବା ରିପୋର୍ଟରୁ ଏହି ସୂଚନା ମିଳିଛି। 

ରିପୋର୍ଟ ମୁତାବକ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ଦେଶରେ ବର୍ତ୍ତମାନ ମୋଟ ୧୨୭୫୯ ଜଣ ଆକ୍ରାନ୍ତ ରହିଥିବା ବେଳେ ମୋଟ ୧୦୮୨୪ ଜଣ ଚିକିତ୍ସିତ ଅବସ୍ଥାରେ ରହିଛନ୍ତି। ସେହିପରି ମୋଟ୍ ୧୫୧୪ ଜଣ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି। କୋରୋନାରେ ମୋଟ ୪୨୦ ଜଣଙ୍କ ମୃତ୍ୟୁ ହୋଇଥିବା ରିପୋର୍ଟରୁ ଜଣାପଡ଼ିଛି। 

ତେବେ ଦେଶରେ ସର୍ବାଧିକ କୋରୋନା ଆକ୍ରାନ୍ତଙ୍କ ସଂଖ୍ୟା ମହାରାଷ୍ଟ୍ରରୁ ଆସିଛି। ମହାରାଷ୍ଟ୍ରରେ ୩ ହଜାରରୁ ଊର୍ଦ୍ଧ୍ୱ ଲୋକ କୋରୋନା ଆକ୍ରାନ୍ତ ହୋଇଥିବା ସୂଚନା ରହିଛି। ସେହିପରି ଏହି ରାଜ୍ୟରେ ମୋଟ ୨୯୫ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସେହିପରି ଦିଲ୍ଲୀରେ  ୧୫୭୮ ଜଣ ଆକ୍ରାନ୍ତ ରହିଥିବା ବେଳେ କୋରୋନା ଆକ୍ରାନ୍ତଙ୍କ ତାଲିକାରେ ଦ୍ୱିତୀୟ ସ୍ଥାନରେ ରହିଛି। ତାମିଲନାଡ଼ୁରେ ୧୨୪୨ ଜଣ ଆକ୍ରାନ୍ତ ରହିଥିବା ବେଳେ ରାଜସ୍ଥାନରେ ୧୦୨୩ ଜଣ ରହିଛନ୍ତି।