ମା ମୋତେ ନେବାକୁ ଆସିଛନ୍ତି: ଇର୍ଫାନ

ନୂଆଦିଲ୍ଲୀ: ବିଗତ ୨୪ ଘଣ୍ଟା ମଧ୍ୟରେ ଦେଶ ତଥା ବଲିଉଡ଼ ଜଗତ ଦୁଇ ବର୍ଷିଆନ ଅଭିନେତାଙ୍କୁ ହରାଇଛି। ଫଳରେ ଅଭିନେତା ଠାରୁ ଆରମ୍ଭ କରି ନେତାମନ୍ତ୍ରୀ ପର୍ଯ୍ୟନ୍ତ ଶୋକ ଜଣାଉଛନ୍ତି। ତେବେ ଏହାରି ମଧ୍ୟ ଗତକାଲି ଚରିତ୍ରରେ ହଜିଯାଉଥିବା ଅଭିନେତା ଇର୍ଫାନ ଖାନଙ୍କର ମଧ୍ୟ ଦେହାନ୍ତ ହୋଇଛି। ତେବେ ମୃତ୍ୟୁ ପୂର୍ବରୁ ତାଙ୍କର ଏକ ବାର୍ତ୍ତା ମଧ୍ୟ ବର୍ତ୍ତମାନ ସାମ୍ନାକୁ ଆସିଛିଯ। ଯାହା ସମସ୍ତଙ୍କୁ ଭାବବିହ୍ୱଳ କରିପକାଇଛି। 

ଏଠାରେ କହି ରଖୁଛୁ ନିକଟରେ ଇର୍ଫାନଙ୍କର ମା'ଙ୍କର ମଧ୍ୟ ମୃତ୍ୟୁ ହୋଇଥିଲା। ଯେଉଁଥିରେ ସେ ସାମିଲ ହୋଇ ପାରିନଥିଲେ। ଫଳରେ ତାଙ୍କର ଏନେଇ ଅବଶୋଷ ରହିଯାଇଥିଲା ବୋଲି  ପୂର୍ବରୁ କହିଥିଲେ। ମାତ୍ର କାଲି ଇର୍ଫାତ ତାଙ୍କର ଶେଷ ନିଶ୍ୱାସ ତ୍ୟାଗ କରିବା ପୂର୍ବରୁ ସେ ତାଙ୍କ ମାଙ୍କ ନାମ ନେଇଥିଲେ। 

ଗତକାଲି ସକାଳେ ଯେତେବେଳେ ଇର୍ଫାନଙ୍କୁ ନେବା ପାଇଁ ମୃତ୍ୟୁ ଅପେକ୍ଷା କରିଥିଲା, ସେହି ସମୟରେ ଇର୍ଫାନଙ୍କ ନିକଟରେ ତାଙ୍କ ପତ୍ନୀ ସୁତାପା ଡାକ୍ତରଖାନାରେ ଉପସ୍ଥିତ ଥିଲେ। ସୁତାପାଙ୍କ ସହିତ କଥା ହେଉଥିଲେ ଇର୍ଫାନ। ତାଙ୍କ ମା'ଙ୍କ ସମ୍ପର୍କରେ ଇର୍ଫାନ କହୁଥିଲେ। ସେ କହିଥିଲେ କି, ସୁତାପା ଦେଖ, ମା ଆସିଛନ୍ତି। ମା ମୋ ନିକଟରେ ବସି କଥା ହେଉଛନ୍ତି। ମା ମୋତେ ନେବାକୁ ଆସିଛନ୍ତି ବୋଲି ଇର୍ଫାନ ତାଙ୍କ ପତ୍ନୀଙ୍କୁ କହିଥିଲେ।

ସେପଟେ ଇର୍ଫାନଙ୍କ ମୃତ୍ୟୁ ପରେ ତାଙ୍କ ପରିବାରଙ୍କ ପକ୍ଷରୁ ଏକ ମନ୍ତବ୍ୟ ମଧ୍ୟ ଦିଆଯାଇଥିଲା। ଯେଉଁଥିରେ ଇର୍ଫାନଙ୍କ ଶେଷ ବାର୍ତ୍ତା ସମ୍ପର୍କରେ କୁହାଯାଇଥିଲା। ପରିବାର ପକ୍ଷରୁ କୁହାଯାଇଥିଲା ଯେ, ମୁଁ ସରେଣ୍ଡର କରିସାରିଛି। ୨୦୧୮ ମସିହାରେ କର୍କଟ ରୋଗରେ ଆକ୍ରାନ୍ତ ହେବା ପରେ ଚିକିସ୍ତିତ ସମୟରେ ତାଙ୍କର ଏଭଳି ବାର୍ତ୍ତା ଆସିଥିଲା। ସେ ଜଣେ ବହୁତ ମଜବୁତ ମାନସିକତାର ମଣିଷ ଥିଲେ। ମାତ୍ର ତାଙ୍କର ମୃତ୍ୟୁ ଖବର ଆଜି ଆମକୁ ଦେବାକୁ କଷ୍ଟ ଲାଗୁଛି ବୋଲି ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଥିଲା।