କୋରୋନା ରୋଗୀଙ୍କ ଚିକିତ୍ସା ପାଇଁ କ'ଣ ସରକାର ୩ ଲକ୍ଷ ଟଙ୍କା ଦେଉଛନ୍ତି ? ଜାଣନ୍ତୁ ସତ

ନୂଆଦିଲ୍ଲୀ: କୋରୋନା ଭାଇରସର ପ୍ରଭାବ ଲଗାତାର ବଢ଼ିଚାଲିଛି । ଆଉ ଏସବୁ ଭିତରେ ଅନେକ ଗୁଜବ ମଧ୍ୟ ପ୍ରଚାର ହେଉଛି । ସୋସିଆଲ ମିଡ଼ିଆରେ ଏହି ସବୁ ଗୁଜବ ଘୁରି ବୁଲୁଛି । କୋରୋନା ରୋଗୀଙ୍କ ଚିକିତ୍ସା ପାଇଁ ରାଜ୍ୟ ସରକାରଙ୍କୁ କେନ୍ଦ୍ର ୩ ଲକ୍ଷ ଟଙ୍କା ଲେଖାଏଁ ସହାୟତା ଦେଉଥିବା ଭଳି ଖବର ଏବେ ସେସିଆଲ ମିଡ଼ିଆରେ । ତେବେ ପରେ ଏହା ଗୁଜବ ବୋଲି ଜଣାପଡ଼ିଛି । 

ଆମେ ଆପଣଙ୍କୁ ସ୍ପଷ୍ଟ କରିଦେବାକୁ ଚାହୁଁ, ଏ ଖବରର କୌଣସି ମଧ୍ୟ ସତ୍ୟତା ନାହିଁ । ଏହା ଏକ ଗୁଜବ ମାତ୍ର । ଏଭଳି ଖବର ଉପରେ ବିଶ୍ୱାସ କରନ୍ତୁ ନାହିଁ । ରାଜ୍ୟ ସରକାରଙ୍କୁ ଏଭଳି କିଛି ସହାୟତା କେନ୍ଦ୍ର ସରକାର ଦେଉନାହାଁନ୍ତି । ଗତ ଶୁକ୍ରବାର ପ୍ରସାର ଭାରତୀ ନ୍ୟୁଜ ସର୍ଭିସ ଗୁଜବ ଖବର ନେଇ ସ୍ପଷ୍ଟ କରିଥିଲା । ହ୍ୱାର୍ସଆପ୍ ଏବଂ ଅନ୍ୟ ସାମାଜିକ ଗଣମାଧ୍ୟମରେ ଅନେକ ଅସାମାଜିକ ଲୋକ ଗୁଜବ ପ୍ରଚାର କରୁଥିବା ସ୍ପଷ୍ଟ ହୋଇଥିଲା । 

ସେହିପରି ପିଆଇବି ମଧ୍ୟ ସ୍ପଷ୍ଟ କରିଛି, ସୋସିଆଲ ମିଡିଆରେ ପ୍ରଚାର ହେଉଥିବା ଏହି ସବୁ ଖବର ମିଥ୍ୟା ଏବଂ ଏହାର କୌଣସି ଆଧାର ନାହିଁ । କେନ୍ଦ୍ର ସରକାରଙ୍କ ପକ୍ଷରୁ ଏଭଳି କୌଣସି ଯୋଜନା ନଥିବା କୁହାଯାଇଛି । 

କହିରଖୁଛୁ, କିଛି ଦିନ ହେଲା କୋରୋନା ଭାଇରସକୁ ନେଇ ବହୁ ଗୁଜବ ସୋସିଆଲ ମିଡିଆରେ ଘୁରିବୁଲୁଛି । କେବଳ ସେତିକି ନୁହେଁ, ଆଗକୁ ମୁମ୍ବାଇରେ ୧୦ ଦିନ ପାଇଁ ମିଲିଟାରି ଲକଡାଉନ୍ ହେବ ବୋଲି ମଧ୍ୟ ଗୁଜବ ପ୍ରଚାର ହେଉଥିବା ଦେଖିବାକୁ ମିଳିଥିଲା । ତେବେ ଏହା ଉପରେ ମଧ୍ୟ ପିବିଆଇ ସ୍ପଷ୍ଟ କରିଛି ଯେ, ଏଭଳି କିଛି ହେବାର ନାହିଁ । ସୋସିଆଲ ମିଡିଆର ଏ ସବୁ ଖବର ଗୁଜବ ଅଟେ ।