'ଅଜିତ ପାୱାର ଭୁଲ କରିଦେଲେ'

ନୂଆଦିଲ୍ଲୀ: ଭୁଲ ନିଷ୍ପତ୍ତି ନେଲେ 'ପାୱାର' ପୁତୁରା ! ଜୀବନରେ ସବୁଠୁ ବଡ ଭୁଲ କାମ କଲେ ଅଜିତ ପାୱାର । ଏହି ବୟସରେ ଏନସିପି ମୁଖ୍ୟ ଶରଦ ପାୱାରଙ୍କ ପଛପଟେ ଏହା ଛୁରାମାଡ ସଦୃଶ୍ୟ । କେବଳ ଅଜିତ ପାୱାର ନୁହେଁ, ବିଜେପି ମଧ୍ୟ ଭୁଲ ପଦକ୍ଷେପ ନେଇଛି । ଆଜି ଏଭଳି କିଛି ମତ ରଖିଛନ୍ତି ଶିବସେନା ମୁଖପାତ୍ର ସଞ୍ଜୟ ରାଉତ । 

ସଞ୍ଜୟ କହିଛନ୍ତି, ଶିବସେନା ପାଖରେ ଏବେ ୧୬୫ ବିଧାୟକଙ୍କ ସମର୍ଥନ ରହିଛି । ଏବେ ଶିବସେନା, ଏନସିପି ଏବଂ କଂଗ୍ରେସ ସରକାର ଗଢିବାକୁ ସକ୍ଷମ । ଶରଦ ପାୱାର ଜଣେ ଜାତୀୟ ସ୍ତରର ନେତା । ଯଦି ବିଜେପି ସରକାର ଗଠନ ପାଇଁ ଉଦ୍ୟମ କରିବ, ତାହା କେବେବି ସମ୍ଭବ ହେବନାହିଁ ବୋଲି କହିଛନ୍ତି ସଞ୍ଜୟ । 

Sanjay Raut, Shiv Sena: Ajit Pawar ne apni zindagi ka sabse galat kaam kiya hai jo iss umr mein Pawar sa'ab ki peeth mein khanjar ghonpa hai. https://t.co/nJNUlDlGXD

— ANI (@ANI) November 24, 2019

ସେ ଆହୁରି ମଧ୍ୟ କହିଛନ୍ତି, ''ଗତକାଲି ରାଜଭବନରେ ଅଜିତ ପାୱାର ଜାଲ କାଗଜପତ୍ର ଦେଖାଇଥିଲେ । ରାଜ୍ୟପାଳ ମଧ୍ୟ ଏହାକୁ ଗ୍ରହଣ କରିନେଇଥିଲେ । ମାତ୍ର ଯଦି ଆଜି ବି ଆମକୁ ରାଜ୍ୟପାଳ ସରକାର ଗଠନ ପାଇଁ ଡାକିବେ, ଆମେ ବହୁମତ ପ୍ରମାଣ କରିପାରିବୁ । ୪୯ ଏନସିପି ବିଧାୟକ ଏବେ ଆମ ସହ ଅଛନ୍ତି ।''

Sanjay Raut, Shiv Sena: CBI, ED, Income Tax Department and Police are the four main party workers of BJP. Present Governor is also their worker. But BJP has got trapped in their own game now. It's beginning of their end. #Maharashtra pic.twitter.com/qvx0Ga0awm

— ANI (@ANI) November 24, 2019

ସେପଟେ ଶିବସେନା, ଏନସିପି ଏବଂ କଂଗ୍ରେସ ଶତ ପ୍ରତିଶତ ସରକାର ଗଢିବେ ବୋଲି ଦାବି କରିଛନ୍ତି ଏନସିପି ନେତା ଛଗନ ଭୁଜବଲ । ଏନସିପିର ୪୯/୫୦ ବିଧାୟକ ଏବେ ଦଳ ସହ ଅଛନ୍ତି । ଆହୁରି ୧/୨ ଜଣ ଫେରୁଛନ୍ତି । ସମସ୍ତ ବିଧାୟକଙ୍କୁ ଏକାଠି ରଖାଯାଇଛି । ଆମେ ହିଁ ସରକାର ଗଢିବୁ ବୋଲି କହିଛନ୍ତି ଛଗନ । 

Chhagan Bhujbal, NCP: 49-50 MLAs of the party are with us right now, 1-2 are coming too. All the MLAs have been kept together here. NCP-Congress-Shiv Sena government will be formed in Maharashtra, 100%. pic.twitter.com/q3WLLdMqxA

— ANI (@ANI) November 24, 2019

ଏନସିପି ମୁଖ୍ୟ ଶରଦ ପାୱାରଙ୍କ ପୁତୁରା ଅଜିତ ପାୱାରଙ୍କୁ ହାତେଇ ସରକାର ଗଢିବାରେ ସଫଳ ହୋଇଛି ବିଜେପି । କେହି କିଛି ଜାଣିବା ପୂର୍ବରୁ ଶନିବାର ସକାଳୁ ମୁଖ୍ୟମନ୍ତ୍ରୀ ଭାବରେ ଦେବେନ୍ଦ୍ର ଭଡନାଭିସ ଏବଂ ଉପମୁଖ୍ୟମନ୍ତ୍ରୀ ଭାବରେ ଶପଥ ନେଇଥିଲେ । ତେବେ ଏଥିରେ ଏନସିପିର କୌଣସି ସମ୍ପୃକ୍ତି ନାହିଁ ବୋଲି ଶରଦ ପାୱାର ସ୍ପଷ୍ଟ କରିବା ପରେ ଆହୁରି ରୋଚକୀୟ ମୋଡ ନେଉଛି ମହାରାଷ୍ଟ୍ର ରାଜନୀତି । ସଂଖ୍ୟା ଗରିଷ୍ଠତା ପ୍ରମାଣ କରିବା ବିଜେପି ପାଇଁ ବଡ ଚ୍ୟାଲେଞ୍ଜ ପାଲଟିଛି । 

ଏନସିପି ନେତା ଅଜିତ ପାୱାରଙ୍କ ସମର୍ଥନରେ ବିଜେପି ସରକାର ଗଠନ କରିବାରେ ସମର୍ଥ ହେବାପରେ ଏହା ବିରୋଧରେ କଂଗ୍ରେସ, ଶିବସେନା ଏବଂ ଏନ୍‌ସିପି ଶନିବାର ସୁପ୍ରିମ୍‌କୋର୍ଟଙ୍କ ଦ୍ୱାରସ୍ଥ ହୋଇଥିଲେ । କେନ୍ଦ୍ର ସରକାର ରାଷ୍ଟ୍ରପତି ଶାସନ ପ୍ରତ୍ୟାହାର କରିବାର ପ୍ରକ୍ରିୟା ବିରୋଧରେ ସେମାନେ ଏକ ଆବେଦନ କରିଛନ୍ତି । ସୁପ୍ରିମ୍‌କୋର୍ଟ ଜରୁରୀକାଳୀନ ଭାବେ ଆଜି ୧୧।୩୦ରେ ଏହି ଆବେଦନ ଉପରେ ଶୁଣାଣି କରିବେ । ସେହିପରି ତୁରନ୍ତ ଫ୍ଲୋର ଟେଷ୍ଟ କରିବା ପାଇଁ ନିର୍ଦ୍ଦେଶ ମଧ୍ୟ ଦେଇପାରନ୍ତି ଦେଶର ସର୍ବୋଚ୍ଚ ନ୍ୟାୟାଳୟ ।