• ରାଜ୍ୟପାଳ ଗଣେଶୀ ଲାଲଙ୍କ ଧର୍ମପତ୍ନୀ ସୁଶୀଳା ଦେବୀଙ୍କ ପରଲୋକ
  • ସୁଶୀଳା ଦେବୀଙ୍କ ପରଲୋକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶୋକ
  • ଶେଷ ଦର୍ଶନ ପାଇଁ ରାଜଭବନରେ ଭିଡ଼ II
  • ରାଜ୍ୟପାଳଙ୍କ ଧର୍ମପତ୍ନୀ ସୁଶୀଳାଙ୍କର ଗତ ୧ ତାରିଖରେ କୋରୋନା ରିପୋର୍ଟ ପଜିଟିଭି ଆସିଥିଲା
  • ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ସୂଚନା II
  • ଘାଟିକିଆ ଇଞ୍ଜିନିୟରିଂ କଲେଜର ଗଣିତ ଅଧ୍ୟାପକ ପ୍ରଫେସର ଡକ୍ଟର ପ୍ରସନ୍ନ କୁମାର ମିଶ୍ରଙ୍କ ଘରେ ଭିଜିଲାନ୍ସ ରେଡ୍
  • ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଚଢାଉ ସୂଚନା II
  • ଧବଳେଶ୍ୱର ପୀଠ ମୁଖ୍ୟ ରାସ୍ତାରେ ୧୪୪ ଧାରା, ପାଇକରାପୁର ଛକରୁ ମଞ୍ଚେଶ୍ୱର ଛକ ଯାଏ ୧୪୪ ଧାରା ଜାରି
  • କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ କଟକଣା ଜାରି II

ହିଜବୁଲ ମୁଜାହିଦ୍ଦିନର ଏହି ୩ ଆତଙ୍କବାଦୀଙ୍କୁ ତଲାସ କରୁଛି ପୋଲିସ

ଜମ୍ମୁ କାଶ୍ମୀରରେ ପୁଣିଥରେ ଆତଙ୍କବାଦୀର କାର୍ଯ୍ୟକଳାପରେ ଆସିଛି ବୃଦ୍ଧି । ଏହା ଉପରେ ନିୟନ୍ତ୍ରଣ ପାଇବା ପାଇଁ ସେନା ଓ ଜମ୍ମୁ କାଶ୍ମୀର ପୋଲିସକୁ କଡା ପରିଶ୍ରମ କରିବାକୁ ପଡୁଛି । ଘାଟିରୁ ଆତଙ୍କୀ କାର୍ଯ୍ୟକଳାପର ମୂଳପୋଛ କରିବା ପାଇଁ ସେନା ଓ ପୋଲିସ ନିଜ କାର୍ଯ୍ୟରେ ଲାଗି ପଡିଛି ।   

ହିଜବୁଲ ମୁଜାହିଦ୍ଦିନର ଏହି ୩ ଆତଙ୍କବାଦୀଙ୍କୁ ତଲାସ କରୁଛି ପୋଲିସ
ଫଟୋ ସୌଜନ୍ୟ: ଏଏନଆଇ

ଶ୍ରୀନଗର: ଜମ୍ମୁ କାଶ୍ମୀରରେ ପୁଣିଥରେ ଆତଙ୍କବାଦୀର କାର୍ଯ୍ୟକଳାପରେ ଆସିଛି ବୃଦ୍ଧି । ଏହା ଉପରେ ନିୟନ୍ତ୍ରଣ ପାଇବା ପାଇଁ ସେନା ଓ ଜମ୍ମୁ କାଶ୍ମୀର ପୋଲିସକୁ କଡା ପରିଶ୍ରମ କରିବାକୁ ପଡୁଛି । ଘାଟିରୁ ଆତଙ୍କୀ କାର୍ଯ୍ୟକଳାପର ମୂଳପୋଛ କରିବା ପାଇଁ ସେନା ଓ ପୋଲିସ ନିଜ କାର୍ଯ୍ୟରେ ଲାଗି ପଡିଛି ।   

ଏହା ଅନ୍ତର୍ଗତ କିଶ୍ତୱାଡା ପୋଲିସ ହିଜବୁଲ ମୁଜାହିଦ୍ଦିନ ସହ ଜଡିତ ୩ ଆତଙ୍କବାଦୀଙ୍କ  ଫଟୋ ଜାରି କରିଛି । ଏହି ଆତଙ୍କୀଙ୍କ ଉପରେ ୩୦ ଲକ୍ଷ ଟଙ୍କାର ପୁରୁସ୍କାର ଘୋଷଣା କରାଯାଇଛି ।  ଏଥିରେ ମହମ୍ମଦ ଅମୀନ ଉପରେ ୧୫ ଲକ୍ଷ ଟଙ୍କା, ରିୟାଜ ଅହମଦ ଓ ମୁଦସ୍ସିର ହୁସୈନଙ୍କ ଉପରେ ୧୫ ଲକ୍ଷ ଟଙ୍କାର ପୁରସ୍କାର ରଖାଯାଇଛି । 

ପୋଲିସ ଏହି ୩ ଆତଙ୍କବାଦୀଙ୍କ ତଲାସ କରୁଛି ।  ପୋଲିସ ଅନୁସାରେ, ଏହି ଆତଙ୍କୀ ବିଷୟରେ ସୂଚନା ଦେଉଥିବା ବ୍ୟକ୍ତିଙ୍କ ନାଁ ଗୁପ୍ତ ରଖାଯିବ । ଏହି ଆତଙ୍କବାଦୀମାନେ ଘାଟିରେ ହୋଇଥିବା ବିଭିନ୍ନ ଆତଙ୍କୀ କାର୍ଯ୍ୟକଳାପରେ ସାମିଲ ଥିଲେ । ଏମାନେ ହିଜବୁଲ ମୁଜାହିଦ୍ଦିନ ସହ ଜଡିତ ରହିଛି । 

ଏଠାରେ କହି ରଖୁଛୁ ଯେ, ଗତ ଶନିବାର ଶ୍ରୀନଗର କାକା ସରାୟ ଅଞ୍ଚଳରେ ସିଆରପିଏଫ ଯବାନଙ୍କ ଉପରେ ଆତଙ୍କୀମାନେ ଗ୍ରେନେଡ ମାଡ଼ କରିଥିଲେ । ଏଥିରେ ୬ ଜଣ ଯବାନ ଆହତ ହୋଇଥିଲେ ।  ଏହି ଆକ୍ରମଣ କେରନ ସିଟି ପୋଲିସ ଷ୍ଟେସନ ଉପରେ ସନ୍ଧ୍ୟା ୬ଟା ୫୦ରେ ହୋଇଥିଲା ।