ସୋମବାର ସୁପ୍ରିମକୋର୍ଟର ମୁଖ୍ୟ ବିଚାରପତି ଭାବେ ଶପଥ ଗ୍ରହଣ କଲେ ଶରଦ ଅରବିନ୍ଦ ବୋବଡେ
Trending Photos
ପ୍ରଜ୍ଞା ପାରମିତା ପତ୍ରୀ, ଭୁବନେଶ୍ୱର: ସୋମବାର ସୁପ୍ରିମକୋର୍ଟର ମୁଖ୍ୟ ବିଚାରପତି ଭାବେ ଶପଥ ଗ୍ରହଣ କଲେ ଶରଦ ଅରବିନ୍ଦ ବୋବଡେ । ବୋବଡେ ୪୭ତମ ମୁଖ୍ୟ ବିଚାରପତି ଭାବେ ଆଜି ସକାଳ ୯.୩୦ମିନିଟ ସମୟରେ ଶପଥ ପାଠ ଗ୍ରହଣ କରିଛନ୍ତି । ରାଷ୍ଟ୍ରପତି ଭବନରେ ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ଗୃହମନ୍ତ୍ରୀ ଅମିତ ଶାହାଙ୍କ ଉପସ୍ଥିତିରେ ବୋବଡେ ଶପଥ ଗ୍ରହଣ କରିଛନ୍ତି । ଶପଥ ଗ୍ରହଣ ଉତ୍ସବରେ ନୂତନ ବିଚାରପତି ବୋବଡେଙ୍କ ମାଆ ମଧ୍ୟ ଉପସ୍ଥିତ ଥିଲେ । ଶପଥ ଗ୍ରହଣ କରିବା ପରେ ମାଙ୍କ ପାଦ ଛୁଇଁ ଆର୍ଶିବାଦ ନେଇଛନ୍ତି ନୂଆ ପ୍ରଧାନ ବିଚାରପତି । ମା'ଙ୍କ ଆର୍ଶିବାଦ ନେବା ପରେ ସପ୍ରିମକୋର୍ଟର ସୁପ୍ରିମ ଦାୟିତ୍ୱ ଗ୍ରହଣ ଗ୍ରହଣ କରିଛନ୍ତି ।
ଅବସର ନେବାକୁ ଥିବା ପ୍ରଧାନ ବିଚାରପତି ରଞ୍ଜନ ଗୋଗଇ ଅକ୍ଟୋବର ମାସ ୨୦୧୮ରେ ବୋବଡେଙ୍କ ନାମ ସୁପାରିଶ କରିଥିଲେ । ବୋବଡେ ଦ୍ୱିତୀୟ ବରିଷ୍ଠ ବିଚାରପତି ଥିବାରୁ ତାଙ୍କ ନାମକୁ ସୁପାରିଶ କରିଥିଲେ ଗୋଗଇ ।
ବୋବଡେ ଏପ୍ରିଲ ମାସ ୨୪ ତାରିଖ ୧୯୫୬ ମସିହାର ନାଗପୁରରେ ଜନ୍ମଗ୍ରହଣ କରିଥିଲେ । ନାଗପୁର ବିଶ୍ୱବିଦ୍ୟାଳୟରେ ଆଇନରେ ଡିଗ୍ରୀ ହାସଲ କରିଥିଲେ । ମହାରାଷ୍ଟ୍ର ବାର କାଉନସିଲରେ ୧୯୭୮ ମସିହାରେ ନିଜର ନାମ ଏଣ୍ଟ୍ରି କରାଇଥିବା ବୋବଡେ ୧୯୯୮ ମସିହାରେ ବରିଷ୍ଠ ଆଡଭୋକେଟ ଭାବେ ଦାୟିତ୍ୱ ନେଇଥିଲେ । ବିଚାରପତି ଭାବେ ମାର୍ଚ୍ଚ ମାସ ୨୦୦୦ରେ ନିଜର କ୍ୟାରିୟର ଆରମ୍ଭ କରିଥିଲେ ଓ ଅତିରିକ୍ତ ବିଚାରପତି ଭାବେ ବମ୍ୱେ ହାଇକୋର୍ଟରେ ଦ୍ୱାୟିତ୍ୱ ସମ୍ଭାଳି ଥିଲେ । ତଦ ପରେ ଅକ୍ଟୋବର ୨୦୧୨ରେ ମଧ୍ୟପ୍ରଦେଶ ହାଇକୋର୍ଟର ମୁଖ୍ୟ ବିଚାରପତି ଭାବେ ଦାୟିତ୍ୱ ଗ୍ରହଣ କରିଥିଲେ । ୨୦୧୩ ମସିହା ଏପ୍ରିଲ ୧୨ ତାରିଖରେ ସୁପ୍ରିମକୋର୍ଟଙ୍କୁ ବୋବଡେ ମନୋନୀତ ହୋଇଥିଲେ ।