ହିଂସା ପଛରେ ତାହିର ହୁସେନ ! ଅଭିଯୋଗ ଆଣିଲେ ବିଜେପି ନେତା

ସାମ୍ନାକୁ ଆସିଲା ଦିଲ୍ଲୀ ହିଂସାର ଆଉ ଏକ ଭିଡିଓ

ନୂଆଦିଲ୍ଲୀ: କେମିତି ହୋଇଥିଲା ଦିଲ୍ଲୀ ହିଂସା ? ହିଂସା ପଛରେ କାହାର ହାତ ? ସବୁବେଳେ ବିବାଦୀୟ ବୟାନ ଦେଇ ଚର୍ଚ୍ଚାରେ ଥିବା ବିଜେପି ନେତା କପିଲ ମିଶ୍ରା ସାମ୍ନାକୁ ଆଣିଛନ୍ତି ଅନ୍ୟ ଏକ ଭିଡିଓ । ହିଂସା ପଛରେ ଆପ୍ କର୍ପୋରେଟର ତାହିର ହୁସେନଙ୍କ ହାତ ଥିବା ସେ ଅଭିଯୋଗ କରିଛନ୍ତି । ଏପରିକି ଆଇବି ଅଧିକାରୀଙ୍କ ସମେତ ଅନ୍ୟ ୩ ଜଣଙ୍କ ହତ୍ୟା ପାଇଁ ମଧ୍ୟ ତାହିର ଦାୟୀ  ବୋଲି ସେ କହିଛନ୍ତି । 

କପିଲ ମିଶ୍ରା ଲେଖିଛନ୍ତି, ହତ୍ୟାକାରୀ ତାହିର ହୁସେନ । କେବଳ ଅଙ୍କିତ ଶର୍ମା ନୁହେଁ, ୪ ଲୋକଙ୍କୁ ଘୋଷାଡ଼ି ନେଇଥିଲେ ଦଙ୍ଗାକାରୀ । ସେମାନଙ୍କ ମଧ୍ୟରୁ ୩ଜଣଙ୍କ ମୃତଦେହ ମିଳିଛି । ଭିଡିଓରେ ଦଙ୍ଗାକାରୀଙ୍କ ସହ ପଥର, ଲାଠି, ଗୁଳି, ପେଟ୍ରୋଲ ବମ୍ ଇତ୍ୟାଦି ନେଇ ତାହିର ହୁସେନ ଥିବା ଦେଖିବାକୁ ମିଳିଛି । ସେହିପରି ତାହିର ହୁସେନ କେଜ୍ରିୱାଲ ଏବଂ ଆପ୍ ନେତାଙ୍କ ସହ ସବୁବେଳେ ଯୋଗାଯୋଗରେ ଥିଲେ ବୋଲି ସେ ଅଭିଯୋଗ କରିଛନ୍ତି । 

हत्यारा ताहिर हुसैन हैं

सिर्फ अंकित शर्मा नहीं चार लड़कों को घसीट कर ले गए उनमें से तीन की लाश मिल चुकी हैं

वीडियो में खुद ताहिर हुसैन नकाबपोश लड़को के साथ, लाठी, पत्थर, गोलियां, पेट्रोल बम लेकर दिख रहा हैं

ताहिर हुसैन लगातार केजरीवाल व AAP के नेताओं से बात कर रहा था

— Kapil Mishra (@KapilMishra_IND) February 27, 2020

ତାହିର ହୁସେନ ହିଂସାରେ ସାମିଲ ଥିବା ନେଇ ବୁଧବାର ରାତିରେ କପିଲ ମିଶ୍ରା ଅଭିଯୋଗ କରିଥିଲେ । ଏନେଇ ଏକ ଭିଡିଓ ସେ ଟ୍ୱିଟ କରିବା ସହ ଦାବି କରିଥିଲେ ଯେ ଏହି ଭିଡିଓରେ ତାହିର ହୁସେନ ମଧ୍ୟ ଦଙ୍ଗାକାରୀଙ୍କ ସହ ନଜର ଆସିଛନ୍ତି ।  

ये वीडियो पूरा देखिये

मैरून हॉफ स्वेटर में हैं AAP का निगम पार्षद ताहिर हुसैन

हाथ में लाठी, छत में नकाब लगाए लड़के

इसी छत से पथराव हुआ, पेट्रोल बम फेंके गए, गोलियां चली

IB अधिकारी अंकित शर्मा के परिवार के मुताबिक इन्ही लड़को ने हत्या की

ये लगातार केजरीवाल से बात कर रहा था pic.twitter.com/z54edjnEmO

— Kapil Mishra (@KapilMishra_IND) February 26, 2020

କିଏ ସେହି ତାହିର ହୁସେନ ?

ଜଣେ ଲୋକ ପ୍ରତିନିଧି ତାହିର ହୁସେନ । ଆମ ଆଦମୀ ପାର୍ଟିର କର୍ପୋରେଟର ତାହିର ହୁସେନ । ଉତ୍ତର-ପୂର୍ବ ଦିଲ୍ଲୀ ଲୋକସଭାର ମୁସ୍ତଫାବାଦ ବିଧାନସଭା ଆସନ ଅନ୍ତର୍ଗତ ନେହେରୁ ବିହାର(ୱାର୍ଡ-୫୯)ର କର୍ପୋରେଟର ହେଉଛନ୍ତି ତାହିର ହୁସେନ । ଯାହାଙ୍କୁ ତମାମ ଘଟଣାର ଖଳନାୟକ ବୋଲି ସାଧାରଣରେ କୁହାକୁହି ହେଉଛନ୍ତି । ଆଉ ତାହିର ହୁସେନଙ୍କୁ ତଦନ୍ତ ପରିସରଭୁକ୍ତ କରିବା ପାଇଁ ମଧ୍ୟ ଦାବି ହେଉଛି ।