ଦିଲ୍ଲୀ ମେଟ୍ରୋରେ କପିଳ, ଯାତ୍ରୀଙ୍କୁ ଦେଲେ ମଜାଦାର ଟିପ୍ସ

ତାଙ୍କ  ସହିତ ଅନସ୍କ୍ରିନ ସ୍ତ୍ରୀ ଭୁମିକା ତୁଲାଉଥିବା ସୁମୋନା ଚକ୍ରବର୍ତ୍ତି ମଧ୍ୟ ଯାତ୍ରା କରିଥିଲେ

ଦିଲ୍ଲୀ ମେଟ୍ରୋରେ କପିଳ, ଯାତ୍ରୀଙ୍କୁ ଦେଲେ ମଜାଦାର ଟିପ୍ସ

ନୂଆଦିଲ୍ଲୀ: ରାଜଧାନୀ ଦିଲ୍ଲୀ ମେଟ୍ରୋରେ କପିଳ ଶର୍ମା । ଶୁଣିବାକୁ ଅଖାଡ଼ୁଆ ଲାଗୁଥିଲେ ମଧ୍ୟ ଆଜି କପି ଶର୍ମାଙ୍କୁ ଦିଲ୍ଲୀ ମେଟ୍ରୋରେ ଯାତ୍ରା କରୁଥିବାର ଦେଖିବାକୁ ମିଳିଥିଲା । ପ୍ରବଳ ଟ୍ରାଫିକ କାରଣରୁ ସେ ଦିଲ୍ଲୀ ମେଟ୍ରୋରେ ଯାତ୍ରା କରିଥିଲେ । ତାଙ୍କ  ସହିତ ଅନସ୍କ୍ରିନ ସ୍ତ୍ରୀ ଭୁମିକା ତୁଲାଉଥିବା ସୁମୋନା ଚକ୍ରବର୍ତ୍ତି ମଧ୍ୟ ଯାତ୍ରା କରିଥିଲେ । ଏହି ସମୟର ଏକ ଫଟୋ ସେ ତାଙ୍କ  ଇନଷ୍ଟାଗ୍ରାମ ପେଜରେ ଅପଲୋଡ଼ କରିଥିଲେ । ଯାହା ଏବେ ବେଶ ଭାଇରାଲ ହେବାରେ ଲାଗିଛି ।

ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ସେ ଦିଲ୍ଲୀ ଆସିଥିଲେ । ମାତ୍ର ଦିଲ୍ଲୀରେ ମାତ୍ରାଧିକ ଟ୍ରାଫିକ କାରଣରୁ ସେ ଦିଲ୍ଲୀ ମେଟ୍ରୋ ଉପରେ ନିର୍ଭର କରିଥିଲେ । ଏହି ସମୟରେ ତାଙ୍କ ସହିତ ସୁମୋନା ମଧ୍ୟ ଦିଲ୍ଲୀ ମେଟ୍ରୋରେ ଯାତ୍ରା କରିଥିଲେ । ଯାତ୍ରୀମାନେ କପିଲଙ୍କୁ ମେଟ୍ରୋରେ ଦେଖି ତାଙ୍କ ସହିତ ଫଟୋ ମଧ୍ୟ ଉଠାଇଥିଲେ । ଏହି ସମୟରେ ସେ ଯାତ୍ରୀମାନଙ୍କୁ ଅନେକ ମଜାଦାର ଟିପ୍ସ ମଧ୍ୟ ଦେଇଥିଲେ । 

ସେହିପରି କପିଲ ସେୟାର କରିଥିବା ଫଟୋ କ୍ୟାପସନ ଦେଇ ଲେଖିଛନ୍ତି ଯେ, ଏବେ ଆଉ ଟ୍ରାଫିକରେ ଫସିବାର ଆଉ ଆବଶ୍ୟକ ନାହିଁ । ଦିଲ୍ଲୀ ମେଟ୍ରୋରେ ଯାତ୍ରା କର । ଦିଲ୍ଲୀ ର ଥଣ୍ଡା ମଧ୍ୟ । ଏହାପରେ ଏହି ପୋଷ୍ଟ ଉପରେ ଅନେକ ମଜାଦାର କମେଣ୍ଟ ମଧ୍ୟ କରିଛନ୍ତି ତାଙ୍କର ପ୍ରଶଂସକ ।