close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କେବେ ଗୃହବନ୍ଦୀରୁ ମୁକୁଳିବେ କାଶ୍ମୀର ନେତା, କହିଲେ ଶାହ

ମୁଁ ଗିରଫ ହେବା ବେଳେ ବି ସିବିଆଇ ସ୍ୱାଧିନ ଥିଲା, ଚିଦାମ୍ବରମ ଗିରଫ ହେବା ବେଳେ ବି ସ୍ୱାଧିନ ଅଛି । ଏହା ଏକ ସ୍ୱାଧୀନ ସଂସ୍ଥା ବୋଲି କହିଛନ୍ତି ଗୃହମନ୍ତ୍ରୀ ଅମିତ ଶାହ । 

କେବେ ଗୃହବନ୍ଦୀରୁ ମୁକୁଳିବେ କାଶ୍ମୀର ନେତା, କହିଲେ ଶାହ
exclusive interview with amit shah

ନୂଆଦିଲ୍ଲୀ: ପୂର୍ବତନ କେନ୍ଦ୍ରମନ୍ତ୍ରୀ ପି.ଚିଦାମ୍ବରମ ଗିରଫ ହେବା ପଛରେ କୌଣସି ରାଜନୈତିକ ଚାପ ନାହିଁ । ଉଭୟ ସିବିଆଇ ଓ ଇଡି ସ୍ୱାଧୀନ ସଂସ୍ଥା । ଉଭୟ ସଂସ୍ଥା ଗୃହ ବିଭାଗ ଅଧିନରେ କାମ କରନ୍ତି ନାହିଁ । ଚିଦାମ୍ବରମ ଗୃହମନ୍ତ୍ରୀ ଥିବା ବେଳେ ମୁଁ ଗିରଫ ହୋଇଥିଲି । ସେତେବେଳେ ବି ସିବିଆଇ ସ୍ୱାଧୀନ ଥିଲା । ଏବେ ମୁଁ ଗୃହମନ୍ତ୍ରୀ ଥିବା ବେଳେ ଚିଦାମ୍ବରମ ଗିରଫ ହୋଇଛନ୍ତି । ଏବେବି ସିବିଆଇ ସ୍ୱାଧୀନ ଭାବରେ କାମ କରୁଛି । ଜୀ ନ୍ୟୁଜ ଏଡିଟର ଇନ ଚିଫ ସୁଧୀର ଚୌଧୁରୀଙ୍କୁ ଏକ ସାକ୍ଷାତକାର ଦେଇ ଏଭଳି ମତ ରଖିଛନ୍ତି ଗୃହମନ୍ତ୍ରୀ ଅମିତ ଶାହ । 

ସେହିପରି କାଶ୍ମୀର ପ୍ରସଙ୍ଗରେ ଶାହ କହିଛନ୍ତି, ଏବେ କାଶ୍ମୀରରେ ଶତ ପ୍ରତିଶତ ସ୍ଥିତି ସ୍ୱାଭାବିକ ରହିଛି । ବର୍ତ୍ତମାନ ଜମ୍ମୁ କାଶ୍ମୀରରେ କର୍ଫ୍ୟୁ ସ୍ଥିତି ନାହିଁ । ଏବେ ମାତ୍ର ୬ଟି ଥାନାରେ ୧୪୪ ଧାରା ଜାରି ରହିଛି । ଲ୍ୟାଣ୍ଡ ଫୋନ ଏବଂ ମୋବାଇଲ ସେବା ପୁଣିଥରେ ଆରମ୍ଭ ହୋଇଛି । ଧାରା ୩୫(ଏ) ଏବଂ ୩୭୦ର ଉଚ୍ଛେଦ ପରେ ଜଳୁଥିବା ପାକିସ୍ତାନ ହିଂସା ଘଟାଇବାକୁ ଯୋଜନା କରୁଛି । ତେଣୁ ପାକିସ୍ତାନ ଉପରେ କଡା ନଜର ରଖାଯାଇଥିବା ଶାହ କହିଛନ୍ତି । 

ଦୀର୍ଘଦିନ ହେଲା ଗୃହବନ୍ଦୀ ଥିବା ନ୍ୟାସନାଲ କନଫରେନ୍ସ ନେତା ଫାରୁକ ଅବଦୁଲ୍ଲା, ଉମର ଅବଦୁଲ୍ଲା, ପିଡିପି ନେତ୍ରୀ ମେହେବୁବା ମୁଫତିଙ୍କୁ କେବେ ମୁକ୍ତ କରାଯିବ ? ଏହି ପ୍ରଶ୍ନର ଉତ୍ତର ଦେବାକୁ ଯାଇ ଶାହ କହିଛନ୍ତି, କାଶ୍ମୀର ସ୍ଥିତିକୁ ନଜରରେ ରଖି ଏହି ନିଷ୍ପତ୍ତି ନିଆଯାଇଛି । ସୁରକ୍ଷା ଏଜେନ୍ସି ବର୍ତ୍ତମାନର ସ୍ଥିତି ସମୀକ୍ଷା ପରେ ତାଙ୍କୁ ଛଡାଯିବା ନେଇ ପଦକ୍ଷେପ ନିଆଯିବ । 

ଅନ୍ୟପଟେ ମହାରାଷ୍ଟ୍ର ଏବଂ ହରିୟାଣା ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିର ବିପୁଳ ବିଜୟ ହେବା ନେଇ ଦୃଢକ୍ତି କରିଛନ୍ତି ଶାହ । ଉଭୟ ରାଜ୍ୟରେ ବିଜେପି ସରକାର ଗଢିବ । ଦୁଇ ତୃତୀୟାଂଶ ସଂଖ୍ୟା ଗରିଷ୍ଠତା ମିଳିବ ବୋଲି ଶାହ କହିଛନ୍ତି । ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏବଂ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଲୋକଙ୍କ ପାଇଁ ଭଲ କାମ କରିଛନ୍ତି । ପ୍ରଧାନମନ୍ତ୍ରୀ ମୋଦି ମଧ୍ୟ ସବୁ କ୍ଷେତ୍ରରେ ସହଯୋଗର ହାତ ବଢାଇଛନ୍ତି । ଦୁର୍ନୀତିମୁକ୍ତ ସରକାର ଗଢିବାରେ ବିଜେପି ସଫଳ ହୋଇଛି । ତେଣୁ ବିଜେପି ପୁଣିଥରେ ଉଭୟ ରାଜ୍ୟରେ ସରକାର ଗଢିବ ବୋଲି କହିଛନ୍ତି କେନ୍ଦ୍ର ଗୃହମନ୍ତ୍ରୀ । 

ଏପଟେ ଦେଶର ପ୍ରଥମ ଗୃହମନ୍ତ୍ରୀ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ସହ ନିଜକୁ ତୁଳନା କରିବାକୁ ନାପସନ୍ଦ କରିଛନ୍ତି ଶାହ । କହିଛନ୍ତି, ଦେଶପାଇଁ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଅବଦାନ ଅତୁଳନୀୟ । କେବଳ ମୁଁ ନୁହେଁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଦେଶର କୋଟିକୋଟି ଜନତା ସର୍ଦ୍ଦାରଙ୍କୁ ଆଦର୍ଶ ମାନନ୍ତି । ତାଙ୍କ ସହ କାହାକୁ ତୁଳନା କରାଯାଇପାରିବ ନାହିଁ । 

ଏନଆରସି ଲାଗୁ ଉପରେ ମଧ୍ୟ ଶାହ ମତ ରଖିଥିଲେ । କେବଳ ଆସାମ ନୁହେଁ, ସମଗ୍ର ଦେଶରେ ଏହାକୁ ଲାଗୁ କରାଯିବ । ଦେଶରେ ଲାଗି ରହିଥିବା ମନ୍ଦାବସ୍ଥା ନେଇ ଶାହ କହିଛନ୍ତି ଯେ କେବଳ ଭାରତରେ ନୁହେଁ, ଏବେ ସମଗ୍ର ବିଶ୍ୱ ଅର୍ଥନୈତିକ ସଙ୍କଟ ଦେଇ ଗତି କରୁଛି । ଏଥିରୁ ନିସ୍ତାର ପାଇବା ପାଇଁ କେନ୍ଦ୍ର ସରକାର କାମ କରୁଛନ୍ତି । ଅର୍ଥମନ୍ତ୍ରୀ ନିର୍ମଳା ସୀତାରମଣ ସ୍ଥିତି ସ୍ୱଭାବିକ ପାଇଁ ବିଭିନ୍ନ ପଦକ୍ଷେପ ନେଇଥିବା କହିଥିଲେ ଗୃହମନ୍ତ୍ରୀ ।