close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ପର୍ଯ୍ୟଟକଙ୍କ ପାଇଁ ଖୋଲିଲା ଭୂସ୍ୱର୍ଗ ଦ୍ୱାର

ଜମ୍ମୁ କାଶ୍ମୀରରୁ ଧାରା ୩୭୦ ଓ ଅନୁଚ୍ଛେଦ ୩୫ ଏ ଉଚ୍ଛେଦ ପରେ ଏହା ପର୍ଯ୍ୟଟକଙ୍କ ପାଇଁ ପ୍ରଥମ ସୁଯୋଗ, ଯେତେବେଳେ କି ପର୍ଯ୍ୟଟକଙ୍କ ଆଗମନ ଉପରେ ଥିବା ପ୍ରତିବନ୍ଧକ ହଟି ଯାଇଛି । ପର୍ଯ୍ୟଟକ ବର୍ଷର ସବୁ ସମୟରେ କାଶ୍ମୀରରେ ବୁଲିବାକୁ ଇଚ୍ଛା କରିଥାନ୍ତି । କିନ୍ତୁ ଶୀତ ଋତୁରେ ଘାଟିର ସୌନ୍ଦର୍ଯ୍ୟ ଅନେକ ଗୁଣରେ ବଢ଼ିଯାଇଥାଏ ।

ପର୍ଯ୍ୟଟକଙ୍କ ପାଇଁ ଖୋଲିଲା ଭୂସ୍ୱର୍ଗ ଦ୍ୱାର

ପି. ପରିଡ଼ା, ନୂଆଦିଲ୍ଲୀ: ୬୯ ଦିନ ପରେ ପର୍ଯ୍ୟଟକଙ୍କ ପାଇଁ ଜମ୍ମୁ କାଶ୍ମୀରରୁ ହଟିଛି ପ୍ରତିବନ୍ଧକ । ଗତ ଅଗଷ୍ଟରେ ରାଜ୍ୟରେ ଧାରା ୩୭୦ ଉଚ୍ଛେଦ ପରେ ପର୍ଯ୍ୟଟକଙ୍କ ପାଇଁ ପ୍ରତିବନ୍ଧକ ଲାଗିଥିଲା । ସୁରକ୍ଷାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ପର୍ଯ୍ୟଟକଙ୍କୁ ଜମ୍ମୁ କାଶ୍ମୀରରୁ ଫେରିଯିବା ପାଇଁ ଆଡଭାଇଜରୀ ଜାରି ହୋଇଥିଲା । ୩ ଦିନ ପୂର୍ବରୁ ରାଜ୍ୟପାଳ ଜମ୍ମୁ କାଶ୍ମୀରରୁ ପର୍ଯ୍ୟଟକଙ୍କ ପାଇଁ ପ୍ରତିବନ୍ଧକ ହଟାଇବା ପାଇ ଗୃହ ବିଭାଗକୁ ନିର୍ଦ୍ଦେଶ ଦେଇଥିଲେ । କେନ୍ଦ୍ର ଶାସିତ ଅଞ୍ଚଳରେ ସ୍ଥିତି ସ୍ୱାଭାବିକ ହେବା ପରେ ସରକାର ପର୍ଯ୍ୟଟକଙ୍କ ଉପରେ ଲାଗୁ ରହିଥିବା ଆଡଭାଇଜରୀ ପ୍ରତ୍ୟାହାର କରିନେଇଛନ୍ତି । ''ଗର ଫିରଦୋଷ ବର-ରୁଏ ଜମି ଅସ୍ତ...ହମି ଅସ୍ତ...ହମି ଅସ୍ତ....ହମି ଅସ୍ତ....ଅର୍ଥାତ ଧରିତ୍ରୀରେ ଯଦି କେଉଁଠି ସ୍ୱର୍ଗ ରହିଛି ତେବେ ତାହା ଏଇଠି ହିଁ ରହିଛି । ପ୍ରସିଦ୍ଧ ସୁଫି ସନ୍ଥ ଓ କବି ଅମୀର ଖୁସରୋଙ୍କ ଏହି ଆକର୍ଷଣୀୟ ଶବ୍ଦ ସହ ପୁଣି ଥରେ ଜୀବନ ଜୀଇଁବାକୁ କାଶ୍ମୀରବାସୀ ଆରମ୍ଭ କରିଛନ୍ତି ପ୍ରସ୍ତୁତି । ଉତ୍ତର ଭାରତରେ ଶୀତର ଆଗମନ ସହ ପର୍ଯ୍ୟଟନ ଋତୁ ଆରମ୍ଭ ହୋଇଛି  । କାଶ୍ମୀରରେ ସୁରକ୍ଷା କାରଣରୁ ପର୍ଯ୍ୟଟକଙ୍କ ପାଇଁ ଜାରି ହୋଇଥିବା ପ୍ରତିବନ୍ଧକ ଗୁରୁବାରଠାରୁ ସମ୍ପୂର୍ଣ୍ଣ ଭାବରେ ହଟିଛି । ଏବେ ଦେଶରେ ପର୍ଯ୍ୟଟକଙ୍କ ପ୍ରଥମ ପସନ୍ଦ ସ୍ଥାନ, ଧରିତ୍ରୀରେ ସ୍ୱର୍ଗ ନାମରେ ପରିଚିତ କାଶ୍ମୀରରେ ଦେଖିବାକୁ ମିଳିବ ପର୍ଯ୍ୟଟକଙ୍କ ଭିଡ଼  ।

Kashmir

ଜମ୍ମୁ କାଶ୍ମୀରରୁ ଧାରା ୩୭୦ ଓ ଅନୁଚ୍ଛେଦ ୩୫ ଏ ଉଚ୍ଛେଦ ପରେ ଏହା ପର୍ଯ୍ୟଟକଙ୍କ ପାଇଁ ପ୍ରଥମ ସୁଯୋଗ, ଯେତେବେଳେ କି ପର୍ଯ୍ୟଟକଙ୍କ ଆଗମନ ଉପରେ ଥିବା ପ୍ରତିବନ୍ଧକ ହଟି ଯାଇଛି । ପର୍ଯ୍ୟଟକ ବର୍ଷର ସବୁ ସମୟରେ କାଶ୍ମୀରରେ ବୁଲିବାକୁ ଇଚ୍ଛା କରିଥାନ୍ତି । କିନ୍ତୁ ଶୀତ ଋତୁରେ ଘାଟିର ସୌନ୍ଦର୍ଯ୍ୟ ଅନେକ ଗୁଣରେ ବଢ଼ିଯାଇଥାଏ । ପୁଣି ଥରେ ଦେଶ ବିଦେଶର ପର୍ଯ୍ୟଟକ କାଶ୍ମୀର ଆସିବାକୁ ପ୍ରସ୍ତୁତି ଆରମ୍ଭ କରିଥିବାବେଳେ ବ୍ୟବସାୟୀଙ୍କ ମୁହଁରେ ମଧ୍ୟ ଖୁସିର ଝଲକ ଦେଖିବାକୁ ମିଳିଛି । ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ଧୀରେଧୀରେ ସ୍ୱାଭାବିକ ହେଉଛି ସ୍ଥିତି । ଗୁରୁବାର କାଶ୍ମୀରର ହଜାର ସହ ସମସ୍ତ ସ୍କୁଲ ଓ କଲେଜ ଖୋଲିଛି । ଏହାସହିତ ଜମ୍ମୁରେ ସମସ୍ତ ଜିଲ୍ଲାରେ ମୋବାଇଲ ସେବା ଆରମ୍ଭ ହୋଇଛି । ସେପଟେ କାଶ୍ମୀରରେ ଲ୍ୟାଣ୍ଡ ଲାଇନ ଫୋନ ସେବା ଆରମ୍ଭ ହୋଇଥିବାରୁ କାଶ୍ମୀରର ଲାଇଫ ଲାଇନ ଟୁରିଜିମକୁ ନୂଆ ଜୀବନ ମିଳିଛି ।

ସୁରକ୍ଷା କାରଣରୁ ପ୍ରତିବନ୍ଧକ ଲାଗିଥିବାରୁ ପର୍ଯ୍ୟଟକଙ୍କ ସଂଖ୍ୟା କମିଯାଇଥିଲା । ଧାରା ୩୭୦ ଉଚ୍ଛେଦ ପରେ ପର୍ଯ୍ୟଟକଙ୍କ ଆଗମନ ବନ୍ଦ ହୋଇଯାଇଥିଲା । ଉତ୍ତର ଭାରତରେ ଅନେକ ରାଜ୍ୟରୁ କାଶ୍ମୀରକୁ ସର୍ବାଧିକ ପର୍ଯ୍ୟଟକ ଆସିଥାଆନ୍ତି । ଏବେ ଟୁରିଷ୍ଟ ଆଡଭାଇଜରୀ ପ୍ରତ୍ୟାହାର ହୋଇଥିବାରୁ ପର୍ଯ୍ୟଟକମାନେ ପୁଣି ଥରେ କାଶ୍ମୀର ଆସିବାକୁ ମନ ବଳାଇଛନ୍ତି । ନିର୍ଭୟରେ କାଶ୍ମୀରରେ ବୁଲିବାକୁ ପର୍ଯ୍ୟଟନ ବିଭାଗ ପକ୍ଷରୁ ସବୁ ବ୍ୟବସ୍ଥା ଆରମ୍ଭ ହୋଇଛି । କାଶ୍ମୀରରେ ଶାନ୍ତିର ମାହୋଲ ସୃଷ୍ଟି କରିବା ପାଇଁ ଗତ ଏକ ସପ୍ତାହ ମଧ୍ୟରେ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ପ୍ରଥମ ନିଷ୍ପତ୍ତି ଭାବରେ ରାଜ୍ୟରେ ବ୍ଲକ ଡେଭୋଲପମେଣ୍ଟ କାଉନସିଲ ନିର୍ବାଚନ ଘୋଷଣା ହୋଇଥିଲା । ଏହାସହ ନଜରବନ୍ଦୀଥିବା ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ଓ ଓମାର ଅବଦୁଲ୍ଲାଙ୍କୁ ଭେଟିବା ପାଇଁ ନ୍ୟାସନାଲ କନଫରେନ୍ସ ନେତାଙ୍କୁ ଅନୁମତି ପ୍ରଦାନ କରିଥିଲେ ରାଜ୍ୟପାଳ ।  ଏବେ ପର୍ଯ୍ୟଟକଙ୍କୁ ବିନା ଦ୍ୱିଧାରେ କାଶ୍ମୀରରେ ପ୍ରବେଶ କରିବାକୁ ମିଳିଛି ଅନୁମତି । ଆଗାମୀ ଦିନରେ ସରକାର ଅନ୍ୟ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଘୋଷଣା କରିବା ସମ୍ଭାବନା ରହିଛି ।