• ଦେଶରେ ଗୋଷ୍ଠୀ ସଂକ୍ରମଣ ହୋଇଛି: ସ୍ୱାସ୍ଥ୍ୟମନ୍ତ୍ରୀ
  • ରାଜ୍ୟରେ ୨୬୧୦ କରୋନା ରୋଗୀ ସୁସ୍ଥ
  • ରାଜ୍ୟରେ ମୋଟ ୨,୪୬,୮୩୭ କୋରୋନା ସଂକ୍ରମିତ ସୁସ୍ଥ
  • IPL 2020: ଆଜି ଆଇପିଏଲରେ CSK ଓ RR ମ୍ୟାଚ
  • ଦିଲ୍ଲୀରେ ବଢୁଛି ପ୍ରଦୁଷଣର ମାତ୍ରା, କମୁଛି ଭିଜିବିଲିଟି
  • ଭୁବନେଶ୍ୱର ପାହାଳ ଉପକଣ୍ଠରେ ଜଳିଗଲା ଟ୍ରକ

ମାଲେସିଆରେ ଚମକିଲେ ଓଡ଼ିଆ ପୁଅ

ମାଲେସିଆରେ ଚମକ ଦେଖାଇଛନ୍ତି ଓଡ଼ିଆ ପୁଅ । ମାଲେସିଆର କ୍ୱାଲାଲୁମ୍ପୁରରେ ଅନୁଷ୍ଠିତ ଅନ୍ତର୍ଜାତୀୟ ମାର୍ଶାଲ ଆର୍ଟ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତି  ରାଜ୍ୟ ତଥା ଦେଶ ପାଇଁ ଗୌରବ ଆଣିଛନ୍ତି ସଚିନ ମହାନ୍ତ । ଫାଇନାଲ ମ୍ୟାଚରେ ମାଲେସିଆର ଜଣେ ପ୍ରତିଯୋଗୀଙ୍କ ସହିତ କଡ଼ା ମୁକାବିଲା କରି ସେ ସଫଳତା ହାସଲ କରିଛନ୍ତି । ଏକମାତ୍ର ଓଡିଆ  ଭାବେ ସେ ଏହି ପ୍ରତିଯୋଗିତାରେ ଭାଗନେଇଥିଲେ ।

ମାଲେସିଆରେ ଚମକିଲେ ଓଡ଼ିଆ ପୁଅ
odia boy sachin won gold medal

 

ସୁଭଦ୍ରା ବେହେରାକେନ୍ଦୁଝର: ମାଲେସିଆରେ ଚମକ ଦେଖାଇଛନ୍ତି ଓଡ଼ିଆ ପୁଅ । ମାଲେସିଆର କ୍ୱାଲାଲୁମ୍ପୁରରେ ଅନୁଷ୍ଠିତ ଅନ୍ତର୍ଜାତୀୟ ମାର୍ଶାଲ ଆର୍ଟ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତି  ରାଜ୍ୟ ତଥା ଦେଶ ପାଇଁ ଗୌରବ ଆଣିଛନ୍ତି ସଚିନ ମହାନ୍ତ। କେନ୍ଦୁଝର ଜିଲ୍ଲା ବଡ଼ବିଲ ମହାନ୍ତ ବସ୍ତିର ଯୁବକ ହେଉଛନ୍ତି ସଚିନ।  ଅକ୍ଟୋବର ୭ ଏବଂ ୮ ଦୁଇ ଦିନ ଧରି ଆୟୋଜିତ ଏହି ଅନ୍ତର୍ଜାତୀୟ ମାର୍ଶଲ ଆର୍ଟ ପ୍ରତିଯୋଗିତାରେ ୮୫କେଜି ଓଜନ ବିଭାଗରେ ସେ ସ୍ଵର୍ଣ୍ଣ  ପଦକ ହାସଲ କରିଛନ୍ତି ।  ଫାଇନାଲ ମ୍ୟାଚରେ ମାଲେସିଆର ଜଣେ ପ୍ରତିଯୋଗୀଙ୍କ ସହିତ କଡ଼ା ମୁକାବିଲା କରି ସେ ସଫଳତା ହାସଲ କରିଛନ୍ତି ।

odia boy won gold medal at Malesia

 

ଏହି ମାର୍ଶଲ ଆର୍ଟ  ପ୍ରତିଯୋଗିତା ପାଇଁ ସେ ଅକ୍ଟୋବର ୩ ରୁ ଯାତ୍ରା ଆରମ୍ଭ କରିଥିଲେ । ଏକମାତ୍ର ଓଡିଆ  ଭାବେ ସେ ଏହି ପ୍ରତିଯୋଗିତାରେ ଭାଗନେଇଥିଲେ ।  ପୂର୍ବରୁ ସେ ଇଣ୍ଡୋ ନେପାଳ କ୍ଲବ ଚାମ୍ପିଅନସିପରେ  ସ୍ୱର୍ଣ୍ଣ ପଦକ ଜିତିଥିଲେ  । ଏଥିସହ ବିଭିନ୍ନ ଜାତୀୟସ୍ତରୀୟ ମାର୍ଶଲ ଆର୍ଟ ପ୍ରତିଯୋଗିତାରେ ମଧ୍ୟ ସେ  ସଫଳତା ହାସଲ କରିଛନ୍ତି  ।  ଦେଶରୁ ପ୍ରାୟ ୨୪ ଜଣିଆ ଭାରତୀୟ ଦଳ ଏହି ପ୍ରତିଯୋଗିତାରେ ସାମିଲ ହୋଇଥିଲେ  । ସଚିନଙ୍କ ସଫଳତା ପାଇଁ ସମଗ୍ର ବଡ଼ବିଲ ଅଞ୍ଚଳରେ ଖୁସିର ବାତାବରଣ ସୃଷ୍ଟି ହୋଇଛି । ସେ ବଡ଼ବିଲର ମହାନ୍ତ ବସ୍ତିରେ   ମହାନ୍ତ ମାର୍ଶାଲ ଆର୍ଟ ନାମରେ ଏକ ମାର୍ଶଲ ଆର୍ଟ କୋଚିଂ ସେଣ୍ଟର ଖୋଲିଛନ୍ତ । ସେଠାରେ ସେ ନିଜେ  କୋଚ୍ ରହି  ପିଲାମାନଙ୍କୁ ମାର୍ଶଲ ଆର୍ଟ କୌଶଳ ପ୍ରଶିକ୍ଷଣ ଦିଅନ୍ତି । ଗତ ମାସରେ  ସଚିନଙ୍କ ଛାତ୍ର ମାନେ ଇଣ୍ଡୋ ନେପାଳ କ୍ଲବ ଚାମ୍ପିଅନସିପରେ ୬ଟି ସ୍ୱର୍ଣ୍ଣ ପଦକ ହାସଲ କରିଥିଲେ ।