ହେଲିକପ୍ଟର ଭଡ଼ା କରି ନେଲା ହୃଦୟ, ଜୀବନ ରକ୍ଷା କଲା କେରଳ ପୋଲିସ

କୋଚି: ଜଣେ ରୋଗୀଙ୍କ ପାଇଁ କେରଳ ପୋଲିସ ପ୍ରତ୍ୟାରୋପଣ ପାଇଁ ହେଲିକପ୍ଟର ଭଡ଼ା କରି ତିରୁବନନ୍ତପୁରମରୁ କୋଚିରେ ପହଞ୍ଚାଇଛି ଏକ ହୃଦୟ। ଏପରିକି ନିଜ ହାତରୁ ହେଲିକପ୍ଟରର ଭଡ଼ା ମଧ୍ୟ ଦେଇଛି କେରଳ ପୋଲିସ। ତେବେ ପୋଲିସର ଏହି ସାହାଯ୍ୟ ପାଇଁ ସମଗ୍ର ଦେଶରୁ ପ୍ରଶଂସାର ସୁଅ ଛୁଟିଛି। 

ଘଟଣାଟି ଏହିପରି। କୋଚିରେ ଚିକିତ୍ସିତ ଜଣେ ରୋଗୀଙ୍କର ଅସ୍ତ୍ରୋପଚାର ପାଇଁ ହୃଦୟର ଆବଶ୍ୟକ ପଡ଼ିଥିଲା। ତେବେ ଏହି ଲକଡାଉନ ସମୟରେ ପୋଲିସ ହେଲିକପ୍ଟର ଭଡ଼ା କରି ତିରୁବନନ୍ତପୁରମରୁ କୋଚିରେ ହୃଦୟ ପହଞ୍ଚାଇଥିଲା। ଏପରିକି ଏହି ହୃଦୟ ଆଣିବା ପାଇଁ ରୋଗୀଙ୍କ ଠାରୁ ଟଙ୍କାଟିଏ ମଧ୍ୟ ଅର୍ଥ ନେଇ ନଥିବା ଜଣାପଡ଼ିଛି। ତେବେ ମାଓବାଦୀ ଦମନ ପାଇଁ କେରଳ ପୋଲିସ ହେଲିକପ୍ଟର ୧।୪୪ କୋଟି ଟଙ୍କାରେ ଖର୍ଚ୍ଚ ଭଡ଼ାରେ ନେଇଛି।