• ଆମେରିକାରେ ଆରମ୍ଭ ହେଲା ବାଇଡେନ୍ ଶାସନ
  • ୪୬ତମ ଆମେରିକା ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ଭାବେ ଶପଥ ନେଲେ କମଲା ହାରିସ୍
  • ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ବିରୋଧରେ କ୍ଷମତାର ଅପବ୍ୟବହାର ଅଭିଯୋଗ
  • ପରୀ ହତ୍ୟା ମାମଲା: ଜୁଭେନାଇଲ ଜଷ୍ଟିସ ବୋର୍ଡରୁ ମାମଲା ଗଲା ଚିଲଡ୍ରେନ କୋର୍ଟ
  • ଛତ୍ରପୁର ଲକ୍ଷ୍ମୀଦତ୍ତ ପ୍ରଧାନ ହତ୍ୟା ମାମଲା; ଭୃଗୁ ବକ୍ସିପାତ୍ର, ଗୋଲକ ମହାପାତ୍ରଙ୍କୁ ଆଗୁଆ ଜାମିନ୍
  • ଗୁରୁବାରଠୁ ବିନା କଟକଣାରେ ଜଗା ଦର୍ଶନ
  • ଅଭିଭାବକଙ୍କୁ ଆଶ୍ୱସ୍ତି; ରାଜ୍ୟରେ କୋହଳ ହେଲା ଘରୋଇ ସ୍କୁଲ ଫି'
  • ୭ଟି ସ୍ଲାବରେ ଘରୋଇ ସ୍କୁଲ ଫି' ଛାଡ ନିଷ୍ପତ୍ତି
  • LICj MD ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି

ଜାଣନ୍ତୁ ମହାପ୍ରଭୁଙ୍କ ପାଇଁ କେଉଁଠୁ ଆସେ ପଢୁଆଁ ଭାର

ପ୍ରଥମାଷ୍ଟମୀରେ ମାମୁଁଘରୁ ନୂଆ ବସ୍ତ୍ର ଆସିବା ପରେ ତାହାକୁ ପରିଧାନ କରନ୍ତି ସମସ୍ତେ

ଜାଣନ୍ତୁ ମହାପ୍ରଭୁଙ୍କ ପାଇଁ କେଉଁଠୁ ଆସେ ପଢୁଆଁ ଭାର
ସୌଜନ୍ୟ: ସୋସିଆଲ ମିଡିଆ

ଭୁବନେଶ୍ୱର: ଆଜି ପ୍ରଥମା ଅଷ୍ଟମୀ । ନୂଆ ବସ୍ତ୍ର ପରିଧାନ କରିବେ ପ୍ରଭୁ ଶ୍ରୀ ବଳଭଦ୍ର, ଜଗନ୍ନାଥ ଓ ଭଉଣୀ ସୁଭଦ୍ରା । ପ୍ରଥମାଷ୍ଟମୀରେ ମାମୁଁଘରୁ ନୂଆ ବସ୍ତ୍ର ଆସିବା ପରେ ତାହାକୁ ପରିଧାନ କରନ୍ତି ଉଭୟ ଭକ୍ତ ଓ ଭଗବାନ । ପ୍ରଥମାଷ୍ଟମୀରେ ଘରର ବଡ଼ ବା ପ୍ରଥମ ସନ୍ତାନଙ୍କୁ ପଢୂଆଁ କରାଯାଇଥାଏ । ମହାପ୍ରଭୁ ଜଗନ୍ନାଥ ପାଇଁ ମଧ୍ୟ ନିଜ ମାମୁଁଘର ନିଆଳୀର ମାଧବ ମନ୍ଦିରରୁ ଯାଇଥାଏ ନୂଆ ବସ୍ତ୍ର । ତୃତୀୟ ଅନଙ୍ଗଭୀମ ଦେବଙ୍କ ଦ୍ୱାରା ୧୨୨୬ ଖ୍ରୀଷ୍ଟାବ୍ଦରେ ସ୍ଥାପିତ ଏହି ମାଧବ ମନ୍ଦିର ଶ୍ରୀ ଜଗନ୍ନାଥଙ୍କ ଏନ୍ତୁଡିଶାଳ ବୋଲି କୁହାଯାଏ । ପରମ୍ପରା ଅନୁସାରେ ପୁରୀ ଶ୍ରୀ ଜଗନ୍ନାଥ ମନ୍ଦିରକୁ ପ୍ରଥମା ଅଷ୍ଟମୀ ଭାର ମାମୁଁ ଘରୁ ଯିବାର ଅନାଦି କାଳରୁ ପରମ୍ପରା ରହିଛି । ଏହି ପରମ୍ପରାକୁ ଉଜ୍ଜିବିତ ରଖିବାକୁ ନିଆଳୀ, କାକଟପୁର, ନିମାପଡ଼ା, ଜଗସିଂହପୁର ଆଦି ଅଞ୍ଚଳରେ ଜଗନ୍ନାଥପ୍ରେମୀଙ୍କ ମନରେ ବେଶ ଆନନ୍ଦ ଉତ୍ସାହ ଦେଖିବାକୁ ମିଳିଛି । ଜଗନ୍ନାଥ ଧାମ ଯାତ୍ରା ପାଇଁ ମନ୍ଦିର ପରିସରରେ ବେଶ ଗହଳି ଚହଲି ଦେଖିବାକୁ ମିଳିଥିଲା ।

ମାର୍ଗଶୀର ମାସ କୃଷ୍ଣ ପକ୍ଷ ଅଷ୍ଟମୀ ତିଥୀରେ ପ୍ରଭୁ ଶ୍ରୀ ଜଗନ୍ନାଥ ନବବସ୍ତ୍ର ପରିଧାନ କରିବେ । ମାମୁଁ ଘରୁ ଯାଇଥିବା ଅରୁଆ ଚାଉଳ,ବିରି, ନଡିଆ, ଗୁଡ଼ ସହ ଗୋଘ୍ରୁତରେ ପ୍ରସ୍ତୁତ ସୁସ୍ୱାଦୁ ବ୍ୟଞ୍ଜନ ପ୍ରଭୁଙ୍କ ପାଖରେ ଲାଗି ହୋଇଥାଏ । ଏହି ପୂରାତନ ପ୍ରଥାକୁ ବଞ୍ଚାଇ ରଖିବାକୁ ନିଆଳୀର ମାଧବାନନ୍ଦ ଜୀଉ ମନ୍ଦିର ଛତିଶା ସେବକ ନିଯୋଗଙ୍କ ସହ ହଜାର ହଜାର ଶ୍ରଦ୍ଧାଳୁ ସାମିଲ ହୋଇଥିଲେ । ମାଧବାନନ୍ଦ ଯିଉଙ୍କ ଆଦେଶ ପରେ ସମସ୍ତ ଭାର ଧରି ଭାରୁଆ ମାନେ ଶ୍ରୀ ଜଗନ୍ନାଥଙ୍କ ନାମ ସଂକୀର୍ତ୍ତନ ଗାଇ ମାଧବ ଜିଉ ମନ୍ଦିର ପରିକ୍ରମା କରିଥିଲେ ।