ଘରୁ ଝିଟିପିଟି ବାହାର କରିବାର ୫ଟି ସହଜ ଉପାୟ

ଭୁବନେଶ୍ୱର: ଅନେକଙ୍କୁ ଘରର କାନ୍ଥରେ ଝିଟିପିଟି ଥିବା ବିରକ୍ତି ଲାଗିଥାଏ ଆଉ ବେଳେବେଳେ ଘରେ ଅଧିକ ଝିଟିପିଟି ହୋଇଗଲେ ଅନେକେ ଖୁବ୍ ବ୍ୟସ୍ତ ମଧ୍ୟ ହୋଇପଡ଼ନ୍ତି । ଝିଟିପିଟିକୁ ଘରୁ ତଡ଼ିବା ପାଇଁ ଅନେକ ଲୋକେ ଅନେକେ ନାନା ଉପାୟ ଆପଣାଇଥା’ନ୍ତି । ତେବେ ଝିଟିପିଟିକୁ ଘରୁ ବାହାର କରିବା ପାଇଁ ୫ଟି ସହଜ ଉପାୟ ଆପଣନ୍ତୁ ।

୧. ଘରୁ ଝିଟିପିଟିଙ୍କୁ ବାହାର କରିବାର ସବୁଠାରୁ ସହଜ ଉପାୟ ହେଉଛି ଅଣ୍ଡା ଖୋଳ । ଅଣ୍ଡା ଖାଇବା ପରେ ଖୋଳକୁ ନ ଫୋପାଡ଼ି ଯେଉଁ ସ୍ଥାନରେ ଝିଟିପିଟି ଅଛନ୍ତି, ସେଠାରେ ରଖି ଦିଅନ୍ତୁ। ଦେଖିବେ ଅଣ୍ଡା ଗନ୍ଧରେ ଝିପିପିଟି ଘରୁ ବାହାରକୁ ଚାଲିଯିବେ । 

୨. ରସୁଣରୁ କିଛି ନେଇ ଝରକା ଓ କବାଟରେ ସୂତାରେ ବାନ୍ଧି ଟାଙ୍ଗି ଦିଅନ୍ତୁ। ଏପରି କଲେ ଝିପିପିଟି ଘରକୁ ଆସିବେ ନାହିଁ । 

୩. ଶୀତଦିନେ ଝିଟିପିଟି କମ୍‌ ଦେଖିବାକୁ ମିଳିଥା’ନ୍ତି । ଯେବେ ବି ଝିଟିପିଟି ଦେଖୁଛନ୍ତି, ତାଙ୍କ ଉପରେ ଥଣ୍ଡା ପାଣି ପକାଇଲେ, ସେମାନେ ଘରୁ ବାହାରିଯିବେ । 

୪. ଘରୁ ଛୋଟ ଛୋଟ ପୋକକୁ ବାହାର କରିବା ପାଇଁ ଗନ୍ଧ କର୍ପୂର ବ୍ୟବହାର କରାଯାଇଥାଏ । ତେଣୁ ଘର କୋଣରେ ଗନ୍ଧ କର୍ପୂର ରଖନ୍ତୁ, ଦେଖିବେ ଝିଟିପିଟି ହେବେ ନାହିଁ । 

୫. କଫି ପାଉଡର୍‌ ଓ ପାନରେ ପଡୁଥିବା ଖଇର ମିଶାଇ ମିଶ୍ରଣ ପ୍ରସ୍ତୁତ କରନ୍ତୁ । ଏହାପରେ ଏହି ମିଶ୍ରଣର ଛୋଟ ଛୋଟ ଗୁଳା କରି ଝିଟିପିଟି ହେଉଥିବା ସ୍ଥାନରେ ରଖିଦିଅନ୍ତୁ । ଦେଖିବେ କଫି ଓ ଖଇର ଗନ୍ଧରେ ଝିଟିପିଟି ଘରୁ ବାହାରିଯିବେ ।