close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କର୍ଣ୍ଣାଟକରେ ମାଡି ଆସୁଛି ବାତ୍ୟା 'କ୍ୟାର', ରଚି ପାରେ ତାଣ୍ଡବ

ମାଡି ଆସୁଛି ଭୟଙ୍କର ସାମୁଦ୍ରିକ ଝଡ଼ 'କ୍ୟାର' । କର୍ଣ୍ଣାଟକବାସୀଙ୍କ ଦୀପାବଳି ଖୁସିରେ ବିଘ୍ନ ସୃଷ୍ଟି କରିପାରେ ଏହି ବାତ୍ୟା । ରବିବାର ଅର୍ଥାତ ଅକ୍ଟୋବର ୨୭ରେ ଦୀପାବଳି ଦିନ ରାଜ୍ୟରେ ପ୍ରବଳ ବର୍ଷା ହେବା ସହ ଦ୍ରୁତ ଗତିରେ ପବନ ବହିବାର ଆଶଙ୍କା କରିଛି ପାଣିପାଗ ବିଭାଗ । କର୍ଣ୍ଣାଟକ ରାଜ୍ୟ ପ୍ରାକୃତିକ ବିପର୍ଯ୍ୟୟ କେନ୍ଦ୍ରର ନିର୍ଦ୍ଦେଶକ ଜିଏସ ଶ୍ରୀନିବାସ ରେଡ୍ଡି କହିଛନ୍ତି ଯେ ପଶ୍ଚିମ ଆଡୁ ଅଗ୍ରସର ହେଉଥିବା ସାମୁଦ୍ରିକ ଝଡ଼ କ୍ୟାର ପ୍ରବଳ ବର୍ଷା ଓ ଦ୍ରୁତ ପବନ ସହରାଜଦ୍ୟର ସାମୁଦ୍ରିକ ତଟବର୍ତ୍ତୀ ଅଞ୍ଚଳରେ ପହଞ୍ଚିବ । ୨ ଦିନ ଧରି ଏହାର ପ୍ରଭାବ ଜାରି ରହିବ । 

କର୍ଣ୍ଣାଟକରେ ମାଡି ଆସୁଛି ବାତ୍ୟା 'କ୍ୟାର', ରଚି ପାରେ ତାଣ୍ଡବ
ପ୍ରତୀକାତ୍ମକ ଫଟୋ

ବେଙ୍ଗାଲୁରୁ: ମାଡି ଆସୁଛି ଭୟଙ୍କର ସାମୁଦ୍ରିକ ଝଡ଼ 'କ୍ୟାର' । କର୍ଣ୍ଣାଟକବାସୀଙ୍କ ଦୀପାବଳି ଖୁସିରେ ବିଘ୍ନ ସୃଷ୍ଟି କରିପାରେ ଏହି ବାତ୍ୟା । ରବିବାର ଅର୍ଥାତ ଅକ୍ଟୋବର ୨୭ରେ ଦୀପାବଳି ଦିନ ରାଜ୍ୟରେ ପ୍ରବଳ ବର୍ଷା ହେବା ସହ ଦ୍ରୁତ ଗତିରେ ପବନ ବହିବାର ଆଶଙ୍କା କରିଛି ପାଣିପାଗ ବିଭାଗ । କର୍ଣ୍ଣାଟକ ରାଜ୍ୟ ପ୍ରାକୃତିକ ବିପର୍ଯ୍ୟୟ କେନ୍ଦ୍ରର ନିର୍ଦ୍ଦେଶକ ଜିଏସ ଶ୍ରୀନିବାସ ରେଡ୍ଡି କହିଛନ୍ତି ଯେ ପଶ୍ଚିମ ଆଡୁ ଅଗ୍ରସର ହେଉଥିବା ସାମୁଦ୍ରିକ ଝଡ଼ କ୍ୟାର ପ୍ରବଳ ବର୍ଷା ଓ ଦ୍ରୁତ ପବନ ସହରାଜଦ୍ୟର ସାମୁଦ୍ରିକ ତଟବର୍ତ୍ତୀ ଅଞ୍ଚଳରେ ପହଞ୍ଚିବ । ୨ ଦିନ ଧରି ଏହାର ପ୍ରଭାବ ଜାରି ରହିବ । 

ଆରବ ସାଗରରେ ଘନୀଭୂତ ହୋଇଥିବା ବାତ୍ୟା ‘କ୍ୟାର’ର ପ୍ରଭାବ ଗୋଆ ଏବଂ କର୍ଣ୍ଣାଟକ ଉପରେ ରହିବ । ଭାରତୀୟ ପାଣିପାଗ ବିଭାଗ (ଆଇଏମଡି)ର ସୂଚନା ଅନୁସାରେ, ପୂର୍ବ-କେନ୍ଦ୍ରୀୟ ଆରବ ସାଗରରେ ସୃଷ୍ଟ ଏହି ସାମୁଦ୍ରିକ ବାତ୍ୟା ଆଗାମୀ ୨୪ ଘଣ୍ଟା ମଧ୍ୟରେ ଭୟଙ୍କର ରୂପ ଧାରଣ କରିବ । 

ଏନେଇ ରାଜ୍ୟ ସରକାର ଦକ୍ଷିଣ କନ୍ନଡ, ଉଡୁପି ଓ ଉତ୍ତର କନ୍ନଡର ତଟୀୟ ଜିଲ୍ଲାରେ ରେଡ ଆଲର୍ଟ ଜାରି କରି ଦେଇଛି । ଶନିବାର ସ୍କୁଲ ଓ କଲେଜ ବନ୍ଦ ରହିଥିଲା । ପ୍ରବଳ ବର୍ଷା ହେତୁ ତଳ ଅଞ୍ଚଳରେ ପାଣି ଜମି ଯାଇଥିଲା । ମତ୍ସ୍ୟଜୀବୀଙ୍କ ପାଇଁ ମଧ୍ୟ ଦିଶା ନିର୍ଦ୍ଦଶ ଜାରି କରାଯାଇଛି । ବର୍ତ୍ତମାନ ସମୟରେ ମତ୍ସ୍ୟଜୀବୀଙ୍କୁ ସମୁଦ୍ର ଭିତରେ ଯିବାକୁ ବାରଣ କରାଯାଇଛି ।   
ବାତ୍ୟା ଯୋଗୁ ପଶ୍ଚିମ ଉପକୂଳରେ ଘଣ୍ଟାପ୍ରତି ୧୧୦ କିଲୋମିଟର ବେଗରେ ପବନ ବୋହିବା ସହ ପ୍ରବଳ ବର୍ଷା ହେବାର ଆଶଙ୍କା କରାଯାଉଛି । ସମ୍ପୂର୍ଣ୍ଣ ରୂପେ ବାତ୍ୟାର ରୂପ ନେବା ବେଳକୁ ୧୪୫ କିଲୋମିଟର ବେଗରେ ପବନ ବୋହିପାରେ ବୋଲି ସୂଚନା ମିଳିଛି । ରବିବାର ସୁଦ୍ଧା ଏହି ପବନର ବେଗ ଘଣ୍ଟାପ୍ରତି ୨୦୦ କିଲୋମିଟର ରହିପାରେ ବୋଲି ପାଣିପାଗ ବିଭାଗ  ପକ୍ଷରୁ କୁହାଯାଇଛି ।

ଉତ୍ତର ମହାରାଷ୍ଟ୍ର, ଗୁଜରାଟ ଉପକୂଳରେ ବାତ୍ୟାର ପ୍ରଭାବ ରହିବ । ତେଣୁ ମହାରାଷ୍ଟ୍ର, ଗୋଆ, କର୍ଣ୍ଣାଟକ ଏବଂ ଦକ୍ଷିଣ ଗୁଜରାଟ ଉପକୂଳରେ ମତ୍ସ୍ୟଜୀବୀଙ୍କୁ ଆଗାମୀ ୨୪ ଘଣ୍ଟା ମଧ୍ୟରେ ସମୁଦ୍ର ଭିତରକୁ ଯିବା ପାଇଁ ବାରଣ କରାଯାଇଛି । ଖାଲୁଆ ଅଞ୍ଚଳ ଓ ଅସୁରକ୍ଷିତ ଘରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ ପରାମର୍ଶ ଦିଆଯାଇଥିବା ଜଣାପଡିଛି ।  ଲୋକଙ୍କ ଉଦ୍ଧାର କାର୍ଯ୍ୟ ପାଇଁ ଏନଡିଆରଏଫ୍ ଓ ଏସଡିଆରଏଫ୍ ଟିମ କ୍ରମାଗତ ସକ୍ରିୟ ରହିଛନ୍ତି ।