କୋଭିଡ19 ମୁକାବିଲା: ବିଗତ ୨୪ ଘଣ୍ଟା ଦେଶରେ ବଢିଛି କୋରୋନା ସଂକ୍ରମଣ ମାମଲା

ନୂଆଦିଲ୍ଲୀ: ଦେଶରେ ବଢିବାରେ ଲାଗିଛି କୋରୋନା ସଂକ୍ରମଣ ଜନିତ ମାମଲା | ଗୁରୁବାର ମଧ୍ୟାନ୍ନ ସୁଦ୍ଧା ମିଳିଥିବା ରିପୋର୍ଟ ଅନୁସାରେ ବିଗତ ୨୪ ଘଣ୍ଟାରେ କୋରୋନା ସଂକ୍ରମିତଙ୍କ ସଂଖ୍ୟା ୯ ହଜାର ପାର ହୋଇସାରିଛି | ଏନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଆଜି ଦ୍ୱିପ୍ରହର ସୁଦ୍ଧା କୋଭିଡ19 ପଜିଟିଭଙ୍କ ସଂଖ୍ୟା ୨ ଲକ୍ଷ ୧୬ ହଜାର ୯୧୯ରେ ପହଞ୍ଚିଛି |

ମୋଟ ଆକ୍ରାନ୍ତଙ୍କ ମଧ୍ୟରୁ ୧ ଲକ୍ଷ୦୪ ହଜାର ୧୦୭ ସୁସ୍ଥ ହୋଇଥିବା ବେଳେ, କୋରୋନା ମହାମାରୀରେ ୨୬୦ ଲୋକଙ୍କ ମୃତ୍ୟୁ ଘଟିଛି | ଦେଶରେ କୋରାନା ଜନିତ ମୃତ୍ୟୁ ସଂଖ୍ୟା ୬୦୭୫ରେ ପହଞ୍ଚିଛି | ମୋଟ କୋଭିଡ19 ଆକ୍ରାନ୍ତ ଲୋକଙ୍କ ମଧ୍ୟରୁ ୪୭.୯୯ ପ୍ରତିଶତ ସୁସ୍ଥ ହୋଇଛନ୍ତି | ବର୍ତ୍ତମାନ ଦେଶରେ ୧ ଲକ୍ଷ ୦୪ ହଜାର ୧୦୪ ଲୋକଙ୍କ ଚିକିତ୍ସା ଜାରି ରହିଛି |

କୋରୋନା ଆକ୍ରାନ୍ତ ରାଜ୍ୟଙ୍କ ତାଲିକାରେ ସର୍ବାଗ୍ରେ ରହିଛି ମହାରାଷ୍ଟ୍ର | ଏଠାରେ କୋରୋନା ଜନିତ ସଂକ୍ରମଣ ସଂଖ୍ୟା ୭୪ ହଜାର ୮୬୦ରେ ପହଞ୍ଚିଛି | ତାମିଲନାଡୁରେ ୨୫,୮୭୨ ମାମଲା ସମ୍ନାକୁ ଆସିଛି | ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ  କୋରୋନା ମାମଲା ଥମିବାର ନାଁ ଧରୁନାହିଁ | ଏଠାରେ ପଜିଟିଭଙ୍କ ସଂଖ୍ୟା ୨୩ ହଜାର ୬୪୫ରେ ପହଞ୍ଚିଛି |