କୋରୋନା ମହାମାରୀକୁ ଶେଷ କରି ପାରିବ ନାହିଁ 'ଲକ୍ ଡାଉନ' : WHO ଜେନେରାଲ୍

କୋରୋନା ପାଇଁ ଲକ ଡାଉନ୍ 'କାମକୁ ନୁହଁ'

କୋରୋନା ମହାମାରୀକୁ ଶେଷ କରି ପାରିବ ନାହିଁ 'ଲକ୍ ଡାଉନ' : WHO ଜେନେରାଲ୍
ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ର ଜେନେରାଲ୍ ଟେଡ୍ରୋସ୍ ଆଡାନୋମ୍ ଗାବ୍ରିଏସ୍ - ଫାଇଲ୍ ଫଟୋ

ନୂଆଦିଲ୍ଲୀ: କରୋନା ଭାଇରସ୍ ଦ୍ରୁତ ଗତିରେ ସାରା ବିଶ୍ୱରେ ନିଜର କାୟା ବିସ୍ତାର କରୁଛି । ଏହି ଭୟଙ୍କର ସଂକ୍ରମଣକୁ ରୋକିବା ପାଇଁ ଅନେକ ଦେଶ ବିଭିନ୍ନ ପଦ୍ଧତି ଅବଲମ୍ବନ କରୁଛନ୍ତି | ଅଧିକାଂଶ ଦେଶ, ରାଜ୍ୟ ଏବଂ ସହରଗୁଡ଼ିକ କରୋନା ସଂକ୍ରମଣକୁ ରୋକିବା ପାଇଁ ଲକ୍ ଡାଉନ ଘୋଷଣା କରିଛନ୍ତି, କିନ୍ତୁ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ର ଜେନେରାଲ ଟେଡ୍ରୋସ୍ ଆଡାନୋମ୍ ଗାବ୍ରିସେସ୍ ଲକ୍ ଡାଉନ ଘୋଷଣା କରିଥିବା ଦେଶମାନଙ୍କୁ ବୁଧବାର କହିଛନ୍ତି ଯେ ମହାମାରୀକୁ ଅଟକାଇବା ପାଇଁ ଲକ୍ ଡାଉନ ଯଥେଷ୍ଟ ନୁହଁ । 

ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ରିପୋର୍ଟରେ ଦର୍ଶାଇଛନ୍ତି ଯେ କରୋନାଭାଇରସ୍ (COVID-19) କୁ ମୁକାବିଲା କରିବା ପାଇଁ ଅନେକ ଦେଶ ଦ୍ୱାରା ଲାଗୁ ହୋଇଥିବା ଲକଡାଉନ୍ ବିଶ୍ୱରୁ ଏହି ଭୟଙ୍କର ଭୂତାଣୁ ବିଲୋପ କରିବା ପାଇଁ ପର୍ଯ୍ୟାପ୍ତ ନୁହେଁ ।  

 

ଗାବ୍ରିସେସ୍ ଙ୍କ କହିବା ମୁତାବକ ଲୋକଙ୍କୁ ଘରେ ରହିବାକୁ କହିଲେ ବା ତାଙ୍କ ଗତିବିଧି ବନ୍ଦ କରାଇଦେଲେ ହୁଏତ ସ୍ୱାସ୍ଥ୍ୟ ବ୍ୟବସ୍ଥା ଉପରେ ଏହାର ଚାପ କମି ପଡିପାରେ ହେଲେ ଏହି ଉପାୟ ମହାମାରୀକୁ ସମାପ୍ତ କରିବ ନାହିଁ । ମହାମାରୀ ପାଇଁ ଲକ୍ ଡାଉନ କୁ ଆପଣେବା ଦ୍ୱିତୀୟ ପନ୍ଥା ଅଟେ । ମାତ୍ର ମହାମାରୀକୁ ସମ୍ପୂର୍ଣ୍ଣ  ରୂପେ ହଚଟାଇବାକୁ ହେଲେ ସାରା ବିଶ୍ୱର ସବୁ ଦେଶ ଏକା ସହ କୋରୋନା ଭାଇରସ ଉପରେ ଆକ୍ରମଣ କରିପାରିଲେ ଯାଇ ମହାମାରୀକୁ ହଟାଯାଇ ପାରିବ । 

କୋରୋନା ପଜିଟିଭଙ୍କୁ ଆଇସୋଲେସନରେ ରଖିବା, ତାଙ୍କର ଚିକିତ୍ସା କରିବା, ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିଙ୍କ ପରୀକ୍ଷା ନିରୀକ୍ଷା କରିବା ଏକ ଭଲ ପଦକ୍ଷେପ ମାତ୍ର ଆର୍ଥକ ଓ ସାମାଜିକ କ୍ଷେତ୍ରରେ ବଡ଼ ପଦକ୍ଷେପ ନେବାର ଅତ୍ୟନ୍ତ ଆବଶ୍ୟକତା ଅଛି ।