ଲକ ଡାଉନ 4.0: ଗାଇଡ ଲାଇନ କାର୍ଯ୍ୟକାରିତାକୁ ନେଇ ଘୋଷଣା କରିବେ ଦିଲ୍ଲୀ ସରକାର

ନୂଆଦିଲ୍ଲୀ: ମେ ୧୮ ତାରିଖ ସୋମବାରଠୁ ଦେଶବ୍ୟାପୀ ଲାଗୁ ହୋଇସାରିଛି ଚତୁର୍ଥ ପର୍ଯ୍ୟାୟ ଲକ ଡାଉନ | ଏନେଇ କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଗାଇଡ ଲାଇନ ଜାରି ହୋଇଛି | ରାଷ୍ଟ୍ରୀୟ ରାଜଧାନୀ ନୂଆଦିଲ୍ଲୀରେ ଲକ ଡାଉନ 4.0 କିପରି ଲାଗୁ ହେବ ସେ ସମ୍ପର୍କରେ ଆଜି ଘୋଷଣା କରିବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ |              

ଏନେଇ ସେ କହିଛନ୍ତି ଚତୁର୍ଥ ପର୍ଯ୍ୟାୟ ଲକ ଡାଉନ ପାଇଁ କେନ୍ଦ୍ର ପକ୍ଷରୁ ମାର୍ଗଦର୍ଶିକା ଜାରି ହୋଇସାରିଛି | ଦିଲ୍ଲୀବାସୀଙ୍କ ମତାମତ ଆଧାରରେ ଦିଲ୍ଲୀ ସରକାର ଦେଇଥିବା ପ୍ରସ୍ତାବ ଆଧାରରେ ଗାଇଡ ଲାଇନ ଜାରି କରିଛନ୍ତି କେନ୍ଦ୍ର ସରକାର | ବର୍ତ୍ତମାନ ସମୟରେ ସ୍ୱାସ୍ଥ୍ୟ ସେବା ଉପରେ ଧ୍ୟାନ ଦେବା ସହ କେତେକ କ୍ଷେତ୍ରରେ  ଲୋକଙ୍କୁ ଆଶ୍ୱସ୍ତି ପ୍ରଦାନ କରିବା ଉପରେ ବିଚାର କରାଯାଉଛି | 

ଲକ ଡାଉନ 4.0 ବେଳେ ଦିଲ୍ଲୀରେ ଜାରି ହେବାକୁ ଥିବା ଗାଇଡ ଲାଇନର ରୂପରେଖ କିପରି ରହିବ ଏବଂ କେମିତି ଏହା ଲାଗୁ ହେବ ସେ ବାବଦରେ ଦିଲ୍ଲୀ ସରକାର ସୋମବାର ଘୋଷଣା କରିବେ | କେନ୍ଦ୍ରୀୟ  ମାର୍ଗ ଦର୍ଶିକାକୁ ଧ୍ୟାନରେ ରଖି ଏହାକ ପ୍ରସ୍ତୁତ କରାଯିବ | ଅର୍ଥନୀତିକୁ ପୁଣି ଥରେ କାର୍ଯ୍ୟକାରୀ କରିବା ନେଇ ନିଜ ବିବୃତ୍ତିରେ କହି ସାରିଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ | ଏହା ସହିତ କୋରୋନା ମୁକାବିଲା ପାଇଁ ପ୍ରସ୍ତୁତ ଅଛନ୍ତି ଦିଲ୍ଲୀ ସରକାର | ବର୍ତ୍ତମାନ ସମୟରେ ସମସ୍ତେ କୋରୋନ ସହ କିପରି ବଞ୍ଚିବାକୁ ହେବ ତାହା ଶିକ୍ଷା କରିବା ଦରକାର |