close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଗୁଜୁରାଟ ମୁହାଁ 'ମହା'

ଗୁଜୁରାଟ ମୁହାଁ ବାତ୍ୟା 'ମହା' । ଆରବ ସାଗରରେ ସୃଷ୍ଟ ଏହି ସାମୁଦ୍ରିକ ଝଡ଼ର ପ୍ରଭାବ ଅନୁଭୂତ ହେଲାଣି । ଗତକାଲି ବିଳମ୍ବିତ ରାତିରୁ ମଧ୍ୟମ ଗତିରେ ପବନ ପ୍ରବାହିତ ହେଉଛି । ଏହାସହ ହାଲୁକା ବର୍ଷା ଆରମ୍ଭ ମଧ୍ୟ ହୋଇଛି । 

ଗୁଜୁରାଟ ମୁହାଁ 'ମହା'
ଫଟୋ ସୌଜନ୍ୟ: ସୋସିଆଲ ମିଡିଆ

ନୂଆଦିଲ୍ଲୀ: ଗୁଜୁରାଟ ମୁହାଁ ବାତ୍ୟା 'ମହା' । ଆରବ ସାଗରରେ ସୃଷ୍ଟ ଏହି ସାମୁଦ୍ରିକ ଝଡ଼ର ପ୍ରଭାବ ଅନୁଭୂତ ହେଲାଣି । ଗତକାଲି ବିଳମ୍ବିତ ରାତିରୁ ମଧ୍ୟମ ଗତିରେ ପବନ ପ୍ରବାହିତ ହେଉଛି । ଏହାସହ ହାଲୁକା ବର୍ଷା ଆରମ୍ଭ ମଧ୍ୟ ହୋଇଛି । 

ଗୁରୁବାର ସକାଳେ ଘୂର୍ଣ୍ଣିଝଡ଼ 'ମହା' ଗୁଜରାଟର ପୋରବନ୍ଦର ଓ ଦୀବ ମଧ୍ୟରେ ଲ୍ୟାଣ୍ଡଫଲ କରିବାର ସମ୍ଭାବନା ରହିଛି । ଏନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ତେବେ ଲ୍ୟାଣ୍ଡଫଲ ବେଳେ ଘଣ୍ଟାପ୍ରତି ଶହେ ରୁ ୨ଶହ କିଲୋମିଟର ବେଗରେ ପବନ ବହିପାରେ ।  ଏଥିସହ ଉପକୂଳବର୍ତ୍ତୀ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ଅନୁମାନ କରାଯାଉଛି । 

ପାଣିପାଗ ବିଭାଗର ସୂଚନା ମୁତାବକ, ଗୁରୁବାର ସକାଳେ ସାମୁଦ୍ରିକ ଝଡ଼ ‘ମହା’ପୋରବନ୍ଦର ଓ ଦୀବ ମଧ୍ୟରେ ଲ୍ୟାଣ୍ଡ କରିପାରେ । ଏହାର ପ୍ରଭାବରେ ଜୁନାଗଡ଼, ଗିର-ସୋମନାଥ, ଅମରେଲି, ଭାବନଗର, ସୁରତ, ବଦୋଦରା, ଭରୁଚ, ଆନନ୍ଦ, ଅହମ୍ମଦାବାଦ, ପୋରବନ୍ଦର ଓ ରାଜକୋଟରେ କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ । ଆଜିଠୁ ଉପକୂଳବର୍ତ୍ତୀ ଅଞ୍ଚଳରେ ୪୦ ରୁ ୬୦ କିମି ବେଗରେ ପବନ ବହିବ, ଯାହା ପରବର୍ତ୍ତୀ ଦିନ ଘଣ୍ଟା ପ୍ରତି ୧୦୦ କିମି ବେଗକୁ ଛୁଇଁବ। ଏହି ସମୟରେ ସମୁଦ୍ରରେ ପ୍ରାୟ ଦେଢ ମିଟର ଉଚ୍ଚରେ ଲହଡି ଆସିପାରେ ।