close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ମହାରାଷ୍ଟ୍ରରେ ବିକଳ୍ପ ମେଣ୍ଟ ଚର୍ଚ୍ଚାରେ ପୂର୍ଣ୍ଣଚ୍ଛେଦ, ପାୱାର ପାଇଁ ପାୱାରଙ୍କ ନା'

ପାୱାର ପାଇଁ ପାୱାରଙ୍କ ନା'

ମହାରାଷ୍ଟ୍ରରେ ବିକଳ୍ପ ମେଣ୍ଟ ଚର୍ଚ୍ଚାରେ ପୂର୍ଣ୍ଣଚ୍ଛେଦ, ପାୱାର ପାଇଁ ପାୱାରଙ୍କ ନା'
ଫଟୋ ସୌଜନ୍ୟ: ସୋସିଆଲ ମିଡିଆ

ପ୍ରକାଶ ପରିଡ଼ା, ଭୁବନେଶ୍ୱର:  ମହାରାଷ୍ଟ୍ରରେ ସରକାର ଗଠନ ନେଇ ଏବେ ବି ଲାଗି ରହିଛି ସସପେନ୍ସ । ଗୁରୁବାର ଶିବସେନା ବିଧାୟକ ଦଳ ବୈଠକରେ ବିଜେପିକୁ ସମର୍ଥନ ଦେବା ଉପରେ ଚୁଡ଼ାନ୍ତ ନିଷ୍ପତ୍ତି ନିଆଯିବ ବୋଲି ସୂଚନା ମିଳିଛି । ସେପଟେ ଚର୍ଚ୍ଚାକୁ ଖୋରାକ ଯୋଗାଇଛି ଶିବସେନା NCP ବୈଠକ । ଶରଦ ପାୱାରଙ୍କ ସହ ସଂଜୟ ରାଉତଙ୍କ ଆଲୋଚନା ପରେ ରାଜ୍ୟରେ ସରକାର ଗଠନ ନେଇ ନୂଆ ସମୀକରଣ ପ୍ରସ୍ତୁତ ହେଉଥିବା ଅନୁମାନ କରାଯାଉଛି । ସେପଟେ NCP ଅଧ୍ୟକ୍ଷ ଶରଦ ପାୱାର ସାମ୍ବାଦିକ ସମ୍ମିଳନୀରେ ଶିବସେନା ସହ ମେଣ୍ଟ ଚର୍ଚ୍ଚା ଉପରେ ପୂର୍ଣ୍ଣଚ୍ଛେଦ ଟାଣିଛନ୍ତି । ରାଜ୍ୟରେ ବିଜେପି ଶିବସେନା ସରକାର ଗଠନ କରନ୍ତୁ ବୋଲି ପାୱାର କହିଛନ୍ତି । NCP ବିରୋଧୀ ଦଳ ଭାବରେ କାର୍ଯ୍ୟ କରିବ ବୋଲି ପାୱାର କହିଛନ୍ତି । ସେପଟେ ସରକାର ଗଠନ ପାଇଁ ବିଜେପିର ପ୍ଲାନ ବି ପ୍ରସ୍ତୁତ ହୋଇସାରିଥିବା ସୂଚନା ମିଳିଛି । NCP ବିରୋଧୀ ଦଳ ଭାବରେ ନିଜର ଭୂମିକା ନିଭାଇବ ବୋଲି ପାୱାର କହିଛନ୍ତି ।

ରାଜ୍ୟରେ ବିରୋଧୀ ଆସନରେ ବସିବା ପାଇଁ NCP ଚାହୁଁଥିବାବେଳେ ଶିବସେନାର କ୍ଷମତା ଆଶା ଆଲୋଚନାକୁ ନୂଆ ରୂପ ଦେଉଛି । ବୁଧବାର ମଧ୍ୟ ଶିବସେନା ମୁଖପାତ୍ର ଦଳର ପୁରୁଣା ଦାବିକୁ ଦୋହରାଇଛନ୍ତି । ଶିବସେନାର ନଜର ମୁଖ୍ୟମନ୍ତ୍ରୀ ପଦ ଉପରେ ରହିଛି ବୋଲି ସେ କହିଛନ୍ତି ।  ନିଷ୍ପତ୍ତି ନେବା ପାଇଁ ମଙ୍ଗଳବାର ସରକାର ଗଠନ ପାଇଁ ବିଜେପିକୁ ୪୮ ଘଣ୍ଟା ମହଲତ ଦେଇଥିଲା ଶିବସେନା । କିନ୍ତୁ ବିଜେପି ଶିବସେନାର ଦାବିକୁ ଅଗ୍ରାହ୍ୟ କରିବା ସହ ରାଜ୍ୟରେ ସରକାର ଗଠନରେ ଶିବସେନାର ସହଯୋଗକୁ ସ୍ୱାଗତ କରାଯିବ ବୋଲି ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଥିଲେ । ନିର୍ବାଚନ ଫଳାଫଳ ପ୍ରକାଶ ପାଇବା ସମୟ ଦୁଇ ସପ୍ତାହ ବିତିଥିଲେ ମଧ୍ୟ ବିଜେପି ଶିବସେନା ମଧ୍ୟରେ ସରକାର ଗଠନ ନେଇ ଏପର୍ଯ୍ୟନ୍ତ ଔପଚାରିକ ବୈଠକ ମଧ୍ୟ ହୋଇପାରିନାହିଁ । ସେପଟେ ୭ ତାରିଖରେ ବିଧାନସଭା କାର୍ଯ୍ୟକାଳ ଶେଷ ହେଉଛି । ଶିବସେନାର ବିନା ସହୟତାରେ ବିଜେପି ସରକାର ଗଠନ ପାଇଁ ପ୍ଲାନ ବି ପ୍ରସ୍ତୁତି କରିସାରିଛି । କିନ୍ତୁ ଏପଟେ ଚୂଡ଼ାନ୍ତ ନିଷ୍ପତ୍ତି ନେବା ପାଇଁ ଶିବସେନା RSS ର ହସ୍ତକ୍ଷେପ ଲୋଡ଼ିଛି ।