close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ସରକାର ଗଠନ ପାଇଁ ଶିବସେନାକୁ ମିଳିଲା ଆମନ୍ତ୍ରଣ

ସରକାର ଗଠନକୁ ନେଇ ମହାରାଷ୍ଟ୍ରରେ ଲାଗି ରହିଛି ରାଜୈନତିକ ଅସ୍ଥିରତା । ବିଜେପି ସରକାର ଗଢିବା ପାଇଁ ଅସମର୍ଥ ହେବାରୁ ଶିବସେନାକୁ ସରକାର ଗଠନ ପାଇଁ ଆମନ୍ତ୍ରଣ ଦେଲେ ରାଜ୍ୟପାଳ । ଶିବସେନାକୁ ସୋମବାର ସନ୍ଧ୍ୟା ୭.୩୦ ମିନିଟ ମଧ୍ୟରେ ସରକାର ଗଠନ ବିଷୟରେ ରାଜ୍ୟପାଳଙ୍କୁ ଜଣାଇବା କୁହାଯାଇଛି । ଏନେଇ ରାଜ୍ୟପାଳ ଭଗତ ସିଂହ କୋଶୟାରୀ ଶିବସେନାକୁ ପତ୍ର ମଧ୍ୟ ଲେଖିଛନ୍ତି । ରାଜ୍ୟପାଳଙ୍କ ଏହି ଆମନ୍ତ୍ରଣ ପରେ ବର୍ତ୍ତମାନ ମହାରାଷ୍ଟ୍ରରେ ସରକାର ଗଠନକୁ ନେଇ ନୂଆ ମୋଡ଼ ଆସିଯାଇଛି । 

ସରକାର ଗଠନ ପାଇଁ ଶିବସେନାକୁ ମିଳିଲା ଆମନ୍ତ୍ରଣ

ମୁମ୍ୱାଇ: ସରକାର ଗଠନକୁ ନେଇ ମହାରାଷ୍ଟ୍ରରେ ଲାଗି ରହିଛି ରାଜୈନତିକ ଅସ୍ଥିରତା । ବିଜେପି ସରକାର ଗଢିବା ପାଇଁ ଅସମର୍ଥ ହେବାରୁ ଶିବସେନାକୁ ସରକାର ଗଠନ ପାଇଁ ଆମନ୍ତ୍ରଣ ଦେଲେ ରାଜ୍ୟପାଳ । ଶିବସେନାକୁ ସୋମବାର ସନ୍ଧ୍ୟା ୭.୩୦ ମିନିଟ ମଧ୍ୟରେ ସରକାର ଗଠନ ବିଷୟରେ ରାଜ୍ୟପାଳଙ୍କୁ ଜଣାଇବା କୁହାଯାଇଛି । ଏନେଇ ରାଜ୍ୟପାଳ ଭଗତ ସିଂହ କୋଶୟାରୀ ଶିବସେନାକୁ ପତ୍ର ମଧ୍ୟ ଲେଖିଛନ୍ତି । ରାଜ୍ୟପାଳଙ୍କ ଏହି ଆମନ୍ତ୍ରଣ ପରେ ବର୍ତ୍ତମାନ ମହାରାଷ୍ଟ୍ରରେ ସରକାର ଗଠନକୁ ନେଇ ନୂଆ ମୋଡ଼ ଆସିଯାଇଛି । 

ଏହାପୂର୍ବରୁ ସରକାର ଗଢିବାକୁ ମନା କରିଛି ବିଜେପି । ଦଳ ପାଖରେ ଆବଶ୍ୟକ ସଂଖ୍ୟା ବଳ ନାହିଁ, ତେଣୁ ଆମେ ସରକାର ଗଢିବାକୁ ଅସମର୍ଥ ବୋଲି କହିଥିଲା ବିଜେପି । ରାଜ୍ୟପାଳଙ୍କୁ ସାକ୍ଷାତ କରି ଏପରି କହିଥିଲା ବିଜେପି । ବର୍ତ୍ତମାନ ଦେଖିବାକୁ ରହିଲା ଶିବସେନା କଣ କଂଗ୍ରେସ ଓ ଏନସିପି ସହାୟତାରେ ସରକାର ଗଠନ କରିବାକୁ ପ୍ରୟାସ କରିବ ?  ନା ରାଜ୍ୟରେ ରାଷ୍ଟ୍ରପତି ଶାସନ ପାଇଁ ରାଜ୍ୟପାଳ ସୁପାରିଶ କରିବେ ।

ଅନ୍ୟପକ୍ଷେ ଆଜି ଅର୍ଥାତ ରବିବାର ମାତାଶ୍ରୀ ବାହାରେ ଶିବସେନା କାର୍ଯ୍ୟକର୍ତ୍ତା ପୋଷ୍ଟର ଲଗାଇଛନ୍ତି । ଯେଉଁଥିରେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ ଭାବେ ଦେଖା ଯାଇଛି । ଶିବସେନା ନେତା ସଞ୍ଜୟ ରାଉତ କହିଛନ୍ତି ଯେ ଯଦି କେହି ମହାରାଷ୍ଟ୍ରରେ ସରକାର ଗଠନ କରି ପାରୁ ନାହିଁ, ତେବେ ତାଙ୍କ ଦଳ ସରକାର ଗଠନ କରିବା ପାଇଁ ପ୍ରସ୍ତୁତ ଅଛି । ଏହି ଘଟଣା କ୍ରମ ମଧ୍ୟରେ ଶିବସେନା ଓ ଏନସିପି ମଧ୍ୟରେ କୋଳାକୋଳି ହେବାର ସମ୍ଭାବନା  ଦେଖାଦେଇଛି । 

ଚଳିତ ବିଧାନସଭା ନିର୍ବାଚନରେ ବିଜେପିକୁ ୧୦୫ ଓ ଶିବସେନାକୁ ୫୬ଟି ଆସନ ମିଳିଛି । ଦୁଇ ଦଳ ଏକାଠି ମିଶି ନିର୍ବାଚନ ଲଢିଥିଲା । କିନ୍ତୁ ଫଳାଫଳ ଆସିବା ପରେ ବିଜେପି ଓ ଶିବସେନା ମଧ୍ୟରେ ବିବାଦ ଲାଗି ରହିଛି । ଏହି ସମସ୍ତ ବିବାଦ ମଧ୍ୟରେ ଶୁକ୍ରବାର ଅର୍ଥାତ ନଭେମ୍ୱର ୮ରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ଦେବେନ୍ଦ୍ର ଫଡନାବିସ । ରାଜ୍ୟର ବିଧାନସଭା ନିର୍ବାଚନର ପରିଣାମ ଅକ୍ଟୋବର ୨୪ରେ ଆସିଥିଲା । କିନ୍ତୁ ୧୩ ପରେ ମଧ୍ୟ ସରକାର ଗଠନ ହୋଇ ପାରିନାହିଁ । କାରଣ କୌଣସି ଦଳ ଆବଶ୍ୟକ ୧୪୫ଟି ଆସନ ଯୋଗାଡ଼ କରି ପାରି ନାହିଁ । ଚଳିତ ନିର୍ବାଚନରେ ୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରେ କଂଗ୍ରେସର ୪୪, ଏନସିପି ୫୪, ବିଜେପି ୧୦୫, ଶିବସେନା ୫୬ ଓ ଅନ୍ୟାନ୍ୟ ୨୯ଟି ଆସନ ଜିତିଛନ୍ତି ।