• ନିର୍ବାଚନୀ ପଶାପାଲିରେ ଗେମ ଚେଞ୍ଜର ବେଣୁ !
  • ତିର୍ତ୍ତୋଲ ବିଧାନସଭା ଉପନିର୍ବାଚନ ପାଇଁ ଆଜି ପ୍ରଚାର ମୈଦାନକୁ ଓହ୍ଲାଇବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ଭର୍ଚୁଆଲ ରାଲିରେ ସମ୍ବୋଧନ କରିବେ ଧର୍ମେନ୍ଦ୍ର
  • IPL 2020: ଆଜି ଆଇପିଏଲରେ CSK ଓ MI ମ୍ୟାଚ
  • ବଙ୍ଗୋପସାଗରରେ ପାରାଦୀପ ଠାରୁ ୯୦ କିମି ଦୂରରେ ବଡ଼ ଅବପାତ, ୪ ଜିଲ୍ଲାରୁ ରେଡ ଆର୍ଲଟ
  • ଅପରାହ୍ନରେ ପଶ୍ଚିମବଙ୍ଗ ଓ ବାଙ୍ଗଲାଦେଶ ମୁହାଁ ହେବ ଅବପାତ ।
  • ଦକ୍ଷିଣ ମୁମ୍ୱାଇସ୍ଥିତ ସିଟିସେଣ୍ଟର ମଲ୍ ରେ ଭୟଙ୍କର ଅଗ୍ନିକାଣ୍ଡ...

ଦୀପାବଳି ଦିନ ସିଏମ ପଦର ଶପଥ ନେବେ ଖଟ୍ଟର

ପୁଣିଥରେ ହରିୟାଣାର ମୁଖ୍ୟମନ୍ତ୍ରୀ ହେବେ ମନୋହର ଲାଲ ଖଟ୍ଟର । ଆସନ୍ତାକାଲି(ରବିବାର) ଦୀପାବଳି ଅବସରରେ ସେ ଶପଥ ଗ୍ରହଣ କରିବେ । ଏହା ହେବ ଖଟ୍ଟରଙ୍କ ଦ୍ୱିତୀୟ ପାଳି । ଶନିବାର ବିଜେପି ବିଧାୟକ ଦଳ ବୈଠକରେ ଖଟ୍ଟରଙ୍କୁ ବିଧାୟକ ଦଳ ନେତା ଭାବରେ ନିର୍ବାଚିତ କରାଯାଇଛି । କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ ତାଙ୍କୁ ମିଠା ଖୁଆଇ ଶୁଭେଚ୍ଛା ଜଣାଇଛନ୍ତି । 

ଦୀପାବଳି ଦିନ ସିଏମ ପଦର ଶପଥ ନେବେ ଖଟ୍ଟର
ଫଟୋ ସୌଜନ୍ୟ: ସୋସିଆଲ ମିଡିଆ

ନୂଆଦିଲ୍ଲୀ: ପୁଣିଥରେ ହରିୟାଣାର ମୁଖ୍ୟମନ୍ତ୍ରୀ ହେବେ ମନୋହର ଲାଲ ଖଟ୍ଟର । ଆସନ୍ତାକାଲି(ରବିବାର) ଦୀପାବଳି ଅବସରରେ ସେ ଶପଥ ଗ୍ରହଣ କରିବେ । ଏହା ହେବ ଖଟ୍ଟରଙ୍କ ଦ୍ୱିତୀୟ ପାଳି । ଶନିବାର ବିଜେପି ବିଧାୟକ ଦଳ ବୈଠକରେ ଖଟ୍ଟରଙ୍କୁ ବିଧାୟକ ଦଳ ନେତା ଭାବରେ ନିର୍ବାଚିତ କରାଯାଇଛି । କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ ତାଙ୍କୁ ମିଠା ଖୁଆଇ ଶୁଭେଚ୍ଛା ଜଣାଇଛନ୍ତି । 

ଅନ୍ୟପକ୍ଷେ ଜେଜେପି ନେତା ଦୁଷ୍ୟନ୍ତ ଚୌଟାଲା ଓ ରବିଶଙ୍କର ପ୍ରସାଦଙ୍କ ସହ ଖଟ୍ଟର ରାଜ୍ୟପାଳ ଭବନରେ ପହଞ୍ଚି ନିଜ ଇସ୍ତଫା ପ୍ରଦାନ କରିଛନ୍ତି । ଏହାସହ ଆଗାମୀ ସରକାର ଗଢିବା ପାଇଁ ଦାବି ଉପସ୍ଥାପନ ମଧ୍ୟ କରିଛନ୍ତି । ପୂର୍ବରୁ ନିର୍ଦ୍ଧାରିତ ଫର୍ମୁଲା ଅନୁସାରେ ବିଜେପିରୁ ମୁଖ୍ୟମନ୍ତ୍ରୀ ହେବ ଓ ଜେଜେପିକୁ ଉପ ମୁଖ୍ୟମନ୍ତ୍ରୀ ପଦ ମିଳିବ । 

କହିରଖୁଛୁ, ୯୦ ଆସନ ବିଶିଷ୍ଟ ହରିୟାଣା ବିଧାନସଭାରେ ଚଳିତ ନିର୍ବାଚନରେ କୌଣସି ଦଳ ମଧ୍ୟ ମ୍ୟାଜିକ ନମ୍ବର ୪୬ ଛୁଇଁ ପାରିନାହାଁନ୍ତି । ବିଜେପିକୁ ସର୍ବାଧିକ ୪୦ ଆସନ ମିଳିଥିବା ବେଳେ କଂଗ୍ରେସ ୩୧ ଏବଂ ଜେଜେପି ୧୦ ଆସନ ପାଇଛି । ତେବେ ୬ ସ୍ୱାଧୀନ ବିଧାୟକ ବିଜେପିକୁ ସମର୍ଥନ ଦେବା ନେଇ ଘୋଷଣା କରିବା ପରେ ବଦଳିଥିଲା ଚିତ୍ର । ଶୁକ୍ରବାର ଅମିତ ଶାହଙ୍କୁ ସାକ୍ଷାତ କରିବା ପରେ ବିଜେପିକୁ ସମର୍ଥନ ନେଇ ଜେଜେପି ମୁଖ୍ୟ ଚୌଟାଲା ଘୋଷଣା କରିଥିଲେ । ଜେଜେପିକୁ ଉପମୁଖ୍ୟମନ୍ତ୍ରୀ ପଦ ଦେବାକୁ ବିଜେପି ରାଜି ହୋଇଥିବା ଜଣାପଡିଛି । 

ସେପଟେ ବିଜେପି-ଜେଜେପି ମେଣ୍ଟକୁ ସହଜରେ ଗ୍ରହଣ କରିପାରିନାହାଁନ୍ତି ନିକଟରେ ଜେଜେପିରେ ସାମିଲ ହୋଇଥିବା ବିଏସଏଫର ପୂର୍ବତନ ଯବାନ ତେଜ ବାହାଦୁର । ସେ ଦଳ ଛାଡିଛନ୍ତି । ହରିୟାଣା ବିଧାନସଭା ନିର୍ବାଚନର ଠିକ କିଛି ଦିନ ପୂର୍ବରୁ ଜେଜେପିରେ ସାମିଲ ହୋଇଥିଲେ । ଏପରିକି ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କ ବିରୋଧରେ କରନାଲ ବିଧାନସଭା ଆସନରୁ ନିର୍ବାଚନ ବି ଲଢିଥିଲେ । ଅବଶ୍ୟ ଏହି ନିର୍ବାଚନରେ ତାଙ୍କୁ ପରାଜୟର ସାମ୍ନା କରିବାକୁ ପଡିଥିଲା ।    

ଦଳ ଛାଡିବା ପରେ ସେ କହିଛନ୍ତି, ହରିୟାଣାର ଜନତାଙ୍କୁ ଧୋକା ଦେଇଛି ଜେଜେପି । ଦଳକୁ ବିରୋଧୀ ଆସନରେ ବସିବାର ଆବଶ୍ୟକତା ଥିଲା । ଯେତେବେଳେ ବିଜେପି ସ୍ୱାଧୀନ ବିଧାୟକଙ୍କ ସହ ମିଶି ରାଜ୍ୟରେ ସରକାର ଗଢୁଥିଲା, ସେହି ସମୟରେ ଜେଜେପି ଆସି ସେମାନଙ୍କ ସହ ମେଣ୍ଟ କରିଛି । ଯାହା ରାଜ୍ୟର ଜନତାଙ୍କ ସହ ଏକ ପ୍ରକାରର ଧୋକା କହିଲେ ଅତୁକ୍ତି ହେବ ନାହିଁ । ଏହି ମେଣ୍ଟ ଠିକ ନୁହଁ ବୋଲି ସେ କହିଛନ୍ତି ।