ଭାରତ ଫେରିବେ ପ୍ରବାସୀ, ବଢିପାରେ ସଙ୍କଟ !

ନୂଆଦିଲ୍ଲୀ, ସୌମ୍ୟ ରଞ୍ଜନ ନାୟକ : କୋରୋନା ଭାଇରସକୁ ନେଇ ସାରା ବିଶ୍ୱରେ ଆତଙ୍କ ଜାରି ରହିଥିବାବେଳେ ବିଶ୍ଵ ଏକପ୍ରକାର ବନ୍ଦ ହୋଇ ରହିଛି । ବିଭିନ୍ନ ବିଦେଶରେ ରହୁଥିବା ପ୍ରବାସୀ ଭାରତୀୟମାନେ ବି ଫସି ରହିଛନ୍ତି । ପ୍ରବାସୀ ଭାରତୀୟଙ୍କୁ ଭାରତ ଆଣିବା ପାଇଁ  କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ବିମାନ ଓ ପାଣି ଜାହାଜରେ ଆସିବେ ପ୍ରବାସୀ । ହଜାର ହଜାର ପ୍ରବାସୀ ଭାରତୀୟଙ୍କ ଆଗମନକୁ ଦୃଷ୍ଟିରେ ରଖି କେନ୍ଦ୍ର ସରକାର ବିମାନ ବନ୍ଦର ଓ ବନ୍ଦରରେ ବ୍ୟାପକ ପ୍ରସ୍ତୁତି କରିଛନ୍ତି । ଆଜିଠାରୁ ଆରମ୍ଭ ହେଉଥିବା ଏହି ଅଭିଯାନର ମୁକାବିଲା ପାଇଁ ବୈଦେଶିକ ମନ୍ତ୍ରାଳୟ ବୁଧବାର ବୈଠକ କରିଥିଲା । ଏୟାର ଇଣ୍ଡିଆର ଏକ ସ୍ୱତନ୍ତ୍ର ବିମାନ ୨୦୦ ଜଣ ଭାରତୀୟ ନାଗରିକଙ୍କୁ ନେଇ ଆବୁଧାବିରୁ ଭାରତ ଆସିବ ।

ସୂତ୍ର ଅନୁସାରେ ବିଦେଶ ସଚିବ ହର୍ଷବର୍ଦ୍ଧନ ଶୃଙ୍ଗଲା କହିଛନ୍ତି, ‘ବନ୍ଦେ ଭାରତ ମିଶନ’ ନାମରେ ଏହି ଅଭିଯାନକୁ ସଫଳ କରାଯିବା ପାଇଁ ସମସ୍ତ ପ୍ରକାରର ବ୍ୟବସ୍ଥା କରାଯାଇଛି । ଏଥି ପାଇଁ ବିଭିନ୍ନ ପ୍ରକାର ରାଜ୍ୟ ଗୁଡ଼ିକର ମୁଖ୍ୟ ସଚିବଙ୍କ ସହିତ ଭିଡିଓ ବାର୍ତ୍ତା କରାଯାଇଛି । ଯୋଜନା ଅନୁସାରେ ଗୁରୁବାର ବିଭିନ୍ନ ଦେଶରୁ ବିମାନ ଉଡାନ ଆରମ୍ଭ ହେବ । ବିଦେଶ ମନ୍ତ୍ରୀ ଏସ ଜୟଶଙ୍କର ଏହି ମିଶନର ତଦାରଖ କରିଛନ୍ତି । ବିଦେଶ ମନ୍ତ୍ରୀଙ୍କ ବୈଠକରେ ଗୃହ ମନ୍ତ୍ରାଳୟ, ବିଭିନ୍ନ ମନ୍ତ୍ରାଳୟ, ସ୍ୱାସ୍ଥ୍ୟ ମନ୍ତ୍ରାଳୟ ଏବଂ ରାଜ୍ୟ ପ୍ରତିନିଧି ମଧ୍ୟ ଅଂଶ ଗ୍ରହଣ କରିଛନ୍ତି । ବିଦେଶ ମନ୍ତ୍ରାଳୟ ଏହି କାମକୁ ସୂଚାରୁ ରୂପେ ପରିଚାଳନା କରିବା ପାଇଁ ଅଧିକାଂଶ ରାଜ୍ୟରେ ନୋଡାଲ ଅଧିକାରୀମାନଙ୍କୁ ନିଯୁକ୍ତ କରାଯାଇଛି । 

ଏହି ମିଶନରେ ତଟୀୟ ଦେଶ ଯେପରି ମାଲେଶିଆ, ବ୍ରିଟେନ, ଆମେରିକା ଯାଏଁ ବିଭିନ୍ନ ଦେଶରେ ଥିବା ପ୍ରବାସୀ ଭାରତୀୟଙ୍କୁ ଅଣାଯିବ । ଏୟାର ଇଣ୍ଡିଆ ବିମାନରେ ୧୨ଟି ଦେଶରୁ ପାଖାପାଖି ୧୫ ହଜାର ଭାରତୀୟଙ୍କୁ ପ୍ରଥମ ପର୍ଯ୍ୟାୟରେ ଭାରତ ଫେରାଇ ଅଣାଯିବ ଏନେଇ ବିଧିବଦ୍ଧ ନିଷ୍ପତ୍ତି ନେଇଛନ୍ତି ଭାରତ ସରକାର । ମେ୧୩ ତାରିଖ ପର୍ଯ୍ୟନ୍ତ ୬୪ଟି ବିମାନରେ ଭାରତ ଫେରିବେ ପ୍ରବାସୀ ଭାରତୀୟ । ପ୍ରଥମ ଦିନରେ ୧୦ଟି ବିମାନବନ୍ଦର ପରିଚାଳନ ହେବ । କୋଝିକୋଡ, ମୁମ୍ବାଇ, ଦିଲ୍ଲୀ, ହାଇଦ୍ରାବାଦ, ଅହମଦାବାଦ ଓ ଶ୍ରୀନଗରକୁ ବିଦେଶରୁ ବିମାନବନ୍ଦରେ  ଆସିପହଞ୍ଚିବେ ପ୍ରବାସୀ ଭାରତୀୟ । ଏହା ପରେ ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବା ସହ ଆହୁରି ଭାରତରେ ସ୍ଥିତ ଗମ୍ଭୀର । ସେ ନେଇ ଭାରତ ସରକାର ପ୍ରସ୍ତୁତ ହେବା ଜରୁରୀ ।