close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ନଡ଼ା ପୋଡିର ସୂଚନା ଦେଲେ ମିଳିବ ୧୦ ହଜାର

ଦିଲ୍ଲୀରେ ସାଙ୍ଘାତିକ ସ୍ତରରେ ବାୟୁ ପ୍ରଦୂଷଣ । ବଢିଚାଲିଛି ଏୟାର କ୍ୱାଲିଟି ଇଣ୍ଡେକ୍ସ । ଏହାର ପ୍ରମୁଖ କାରଣ ଭାବରେ ପଞ୍ଜାବ ଓ ହରିୟାଣାରେ ହେଉଥିବା ନଡ଼ା ପୋଡିକୁ ଦାୟୀ କରାଯାଉଛି । ଆଉ ଏହାକୁ ବନ୍ଦ କରିବା ପାଇଁ ହରିୟାଣା ସରକାର ପୁରସ୍କାର ରାଶି ଘୋଷଣା କରିଛନ୍ତି । 

ନଡ଼ା ପୋଡିର ସୂଚନା ଦେଲେ ମିଳିବ ୧୦ ହଜାର
ଫାଇଲ ଫଟୋ

ନୂଆଦିଲ୍ଲୀ: ଦିଲ୍ଲୀରେ ସାଙ୍ଘାତିକ ସ୍ତରରେ ବାୟୁ ପ୍ରଦୂଷଣ । ବଢିଚାଲିଛି ଏୟାର କ୍ୱାଲିଟି ଇଣ୍ଡେକ୍ସ । ଏହାର ପ୍ରମୁଖ କାରଣ ଭାବରେ ପଞ୍ଜାବ ଓ ହରିୟାଣାରେ ହେଉଥିବା ନଡ଼ା ପୋଡିକୁ ଦାୟୀ କରାଯାଉଛି । ଆଉ ଏହାକୁ ବନ୍ଦ କରିବା ପାଇଁ ହରିୟାଣା ସରକାର ପୁରସ୍କାର ରାଶି ଘୋଷଣା କରିଛନ୍ତି । 

ନଡ଼ା ପୋଡି ବିଷୟରେ ଯଦି କିଏ ସୂଚନା ଦିଏ, ତେବେ ତାକୁ ୧୦ ହଜାର ଟଙ୍କାର ପୁରସ୍କାର ରାଶି ମିଳିବ । ସୂଚନା ଦେଇଥିବା ବ୍ୟକ୍ତିର ନାମ ଗୋପନ ରଖାଯିବ । ଏନେଇ ଘୋଷଣା କରିଛନ୍ତି ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର । ଚାଷୀଙ୍କୁ ଅନ୍ୟ ବିକଳ୍ପ ଆପଣାଇବାକୁ ପ୍ରତ୍ସୋହିତ କରିବା ପାଇଁ ସେ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । 

ଅଧିକାରୀଙ୍କ ପାଇଁ ଜାରି କରାଯାଇଥିବା ବିଜ୍ଞପ୍ତିରେ କୁହାଯାଇଛି ଯେ ଯେଉଁ ଗାଁ ଗୁଡିକରେ ନଡ଼ା ପୋଡି ବିଶେଷ ମାତ୍ରାରେ ହେଉଛି, ସେହି ସ୍ଥାନକୁ କୃଷି ଏବଂ କୃଷକ କଲ୍ୟାଣ ବିଭାଗର ଅଧିକାରୀ ଗସ୍ତ କରିବେ । କେଉଁ କାରଣରୁ ଚାଷୀମାନେ ଅନ୍ୟ ବିକଳ୍ପ ନ ଆପଣେଇ ନଡ଼ା ପୋଡୁଛନ୍ତି, ତାର ସମୀକ୍ଷା କରିବେ । ଏହା ସହ ନଡ଼ା ପୋଡି ଯେପରି ସମ୍ପୁର୍ଣ୍ଣ ଭାବରେ ବନ୍ଦ କରି ପ୍ରଦୂଷଣ ହ୍ରାସ କରାଯାଇପାରିବ, ସେ ଉପରେ ଗୁରୁତ୍ୱ ଦେବାକୁ ସେ ନିର୍ଦ୍ଦେଶ ଦେଇଛନ୍ତି । 

ନଡ଼ା ପୋଡି କ'ଣ ?

ଫସଲ ଉତ୍ପାଦନ ପରେ ବିଲରେ ନଡା, ପାଳ ସମେତ ଅନ୍ୟ ବର୍ଜ୍ୟବସ୍ତୁ ପଡି ରହିଥାଏ । ପରବର୍ତ୍ତୀ ଫସଲ ପାଇଁ ଏହାକୁ ପୋଡି ସଫା କରିଥାନ୍ତି ଚାଷୀ । ଯାହାକୁ ନଡ଼ା ପୋଡି  କୁହାଯାଏ । ହରିୟାଣା ଓ ପଞ୍ଜାବରେ ଚାଷୀ ଏହି ପନ୍ଥା ବେଶି ଆପଣାଇଥାନ୍ତି । ଆଉ ଏହାର ସିଧାସଳଖ ପ୍ରଭାବ ଦିଲ୍ଲୀରେ ପଡୁଛି । ନଡ଼ା ପୋଡି ଯୋଗୁଁ ଏହାର ବିଶାକ୍ତ ଧୂଆଁ ଦିଲ୍ଲୀ ପରିବେଶର ସନ୍ତୁଳନକୁ ବିଗାଡି ଦେଉଛି । ନଡ଼ାରୁ ନିର୍ଗତ ଧୂଆଁ ଦିଲ୍ଲୀ ପବନରେ ମିଶି ବିଷ ବଳୟ ତିଆରି କରିଥାଏ । ଆଉ ବିଷମ ପରିସ୍ଥିତି ସୃଷ୍ଟି କରିବାରେ ବାହକ ରୂପେ କାମ କରିଥାଏ ।