ପ୍ରବାସୀଙ୍କ ପାଇଁ ଅଧିକ ଶ୍ରମିକ ସ୍ପେଶାଲ ଟ୍ରେନ ଚଳାଇବା ଦରକାର: ସୁପ୍ରିମକୋର୍ଟ

ନୂଆଦିଲ୍ଲୀ: ମଙ୍ଗଳବାର ପ୍ରବାସୀ ଶ୍ରମିକଙ୍କ ମାମଲାରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି | ଏନେଇ ଦେଶର ସର୍ବୋଚ୍ଚ ନ୍ୟାୟାଳୟଙ୍କ ପକ୍ଷରୁ କୁହାଯାଇଛି, ଯେଉଁ ଶ୍ରମିକ ଫେରିଯିବାକୁ ଚାହୁଁଛନ୍ତି ସେମାନଙ୍କୁ ୧୫ ଦିନ ମଧ୍ୟରେ ପଠାଯିବାର କରିବା ଉଚିତ | ଏ ମାମଲାରେ ନିଜର ପକ୍ଷ ରଖିବାକୁ କୋର୍ଟ ବିଭିନ୍ନ ରାଜ୍ୟଙ୍କ ଉଦ୍ଦେଶ୍ୟରେ ଜଣାଇ ଦେଇଛନ୍ତି | ଏହା ସହିତ କୋର୍ଟଙ୍କ ପକ୍ଷରୁ କୁହାଯାଇଛି ବାକି ଥିବ ଶ୍ରମିକଙ୍କୁ ପନ୍ଦର ଦିନ ମଧ୍ୟରେ ନିଜ ଗ୍ରାମକୁ ପଠାଇଦେବା ଆବଶ୍ୟକ | ଶ୍ରମିକ ଟ୍ରେନ୍ ଅଧିକ ଚଳାଇବା ଦରକାର, ଯାହାଦ୍ୱାରା ସେମାନେ ଯାତ୍ରା ପାଇଁ ଆବେଦନ କରିବାର ୨୪ ଘଣ୍ଟା ମଧ୍ୟରେ ଟ୍ରେନ୍ ପାଇବେ |

ଅଦାଲତ କହିଛନ୍ତି, ଆଜିଠୁ ୧୫ ଦିନ ମଧ୍ୟରେ ଯେଉଁ ଶ୍ରମିକ ନିଜ ଗ୍ରାମକୁ ଫେରିଯିବାକୁ ଚାହୁଁଛନ୍ତି, ସେମାନଙ୍କ ଯାତ୍ରା ପାଇଁ ଉପଯୁକ୍ତ ବ୍ୟବସ୍ଥା ସୁନିଶ୍ଚିତ କରାଯାଉ | ସ୍ଥାନୀୟ ଶ୍ରମିକଙ୍କୁ ରୋଜଗାର ଯୋଗାଇବା ପାଇଁ ରାଜ୍ୟ ଯୋଜନା ପ୍ରସ୍ତୁତ କରିବା ଉଚିତ | ପଳାଇଥିବା ସମସ୍ତ ଶ୍ରମିକଙ୍କୁ ଚିହ୍ନଟ କରାଯିବା ସହ ସେମାନଙ୍କ ସମ୍ପୂର୍ଣ୍ଣ ବିବରଣୀ ପ୍ରସ୍ତୁତ କରାଯିବା ଆବଶ୍ୟକ | ଏହା ସହିତ ସେମାନଙ୍କ ରୋଜଗାର ସୁନିଶ୍ଚିତ କରିବା ପାଇଁ ଯୋଜନା ପ୍ରସ୍ତୁତ କରାଯିବା ଆବଶ୍ୟକ |

ଏହା ସହିତ କୋର୍ଟ ତାଙ୍କ ଆଦେଶରେ କହିଛନ୍ତି, "ସମସ୍ତ ଶ୍ରମିକଙ୍କ ସ୍କିଲ୍ ମ୍ୟାପିଂ କରାଯିବା ଉଚିତ୍ | ବିପର୍ଯ୍ୟୟ ପରିଚାଳନା ଆଇନ ଅନୁସାରେ ଏହି ବ୍ୟବସ୍ଥା କରାଯିବା ଦରକାର | ଲକ ଡାଉନ ସମୟରେ ନିୟମ ଉଲଂଘନ କରିବା ଅଭିଯୋଗରେ ଶ୍ରମିକଙ୍କ ବିରୋଧରେ ଦାଖଲ ହୋଇଥିବା ସମସ୍ତ ଅଭିଯୋଗ ଏବଂ ମକଦ୍ଦମାକୁ ପ୍ରତ୍ୟାହାର କରାଯାଉ |